ஆசிய கோப்பை 2022: சச்சியனின் சாதனையை முறியடிக்கவுள்ள ரோஹித் சர்மா!

ஆசிய கோப்பை கிரிக்கெட் தொடர் இன்று முதல் செப்டம்பர் 11ஆம் தேதி வரை ஐக்கிய அரபு அமீரகத்தில் நடைபெறவுள்ளது.  இந்த தொடருக்காக ஒட்டுமொத்த கிரிக்கெட் ரசிகர்களும் மிகுந்த ஆவலுடன் காத்துள்ளனர். அதிலும் குறிப்பாக மற்ற அனைத்து போட்டிகளையும் விட இந்தியா – பாகிஸ்தான் இடையேயான போட்டி மீதே மிக அதிக எதிர்பார்ப்பு நிலவி வருகிறது. இரு அணிகளும் 28ஆம் தேதி நடைபெறும் தங்களது முதல் போட்டியிலேயே ஒருவரை ஒருவர் எதிர்கொள்கின்றனர்.

சமீபத்தில் இந்திய அணியின் முழு நேர கேப்டனாக நியமிக்கப்பட்ட ரோஹித் சர்மா, இந்த ஆசிய கோப்பை கிரிக்கெட் தொடரின் மூலம் ஒரு சில சாதனைகளுக்கு சொந்தக்காரராக உள்ளார்.

ஆசிய கோப்பை தொடரில் இதுவரை 27 போட்டிகளில் விளையாடி அதில் 21 சிக்ஸர்கள் அடித்துள்ள ரோஹித் சர்மா, இன்னும் 6 சிக்ஸர்கள் அடித்தால், ஆசிய கோப்பை கிரிக்கெட் போட்டிகளில் அதிக சிக்ஸர்கள் அடித்த வீரர்கள் பட்டியலில் முன்னாள் பாகிஸ்தான் வீரர் ஷாகித் அப்ரிடியை பின்னுக்கு தள்ளி முதலிடத்தை பிடித்துள்ளார். 

பாகிஸ்தான் அணியின் முன்னாள் வீரரான ஷாகித் அஃப்ரிடி 27 போட்டிகளில் விளையாடி அதில் 26 சிக்ஸர்கள் அடித்துள்ளதே இத்தனை வருடங்கள் இந்த பட்டியலில் முதலிடத்தில் உள்ளார். தற்போது இதனை முறியடிக்கும் வாய்ப்பு ரோஹித் சர்மாவை தேடி வந்துள்ளது.

அதே போன்று ஆசிய கோப்பை தொடரில் இதுவரை மொத்தம் 883 ரன்கள் எடுத்துள்ள ரோஹித் சர்மா, இந்த தொடரில் சிறப்பாக விளையாடினால் ஆசிய கோப்பை தொடரில் 1000 ரன்களை கடந்த முதல் இந்திய வீரர் என்ற பெருமையை பெறுவார். அதே போல் 88 ரன்கள் எடுத்தால் சச்சின் டெண்டுல்கரை பின்னுக்கு தள்ளி ஆசிய கோப்பை தொடரில் இந்திய அணிக்காக அதிக ரன்கள் எடுத்த வீரர்கள் பட்டியலிலும் ரோஹித் சர்மா முதலிடத்தை பிடிப்பார்.

விராட் கோலி 766 ரன்கள் (16 ஆட்டம்) எடுத்து உள்ளார். இந்திய வீரர்களில் அதிகபட்சமாக டெண்டுல்கர் 971 ரன்கள் (23 ஆட்டம்) எடுத்துள்ளார்.இலங்கை அணியின் முன்னாள் ஜாம்பவனான ஜெயசூர்யா 24 போட்டிகளில் விளையாடி அதில் 1220 ரன்கள் எடுத்திருப்பதே இந்த பட்டியலில் முதலிடத்தில் உள்ளார்.

ஆசிய கோப்பை தொடரில் அதிக ரன்கள் எடுத்துள்ள டாப் 5 இந்திய வீரர்கள்

• சச்சின் டெண்டுல்கர் – 971 ரன்கள்
• ரோஹித் சர்மா – 883 ரன்கள்
• விராட் கோலி 766 ரன்கள்
• தோனி – 690 ரன்கள்
• ஷிகர் தவான் – 613 ரன்கள்