ரசிகர்களின் பெரும் எதிர்பார்ப்புகளுக்கு மத்தியில் ஐபிஎல் தொடரின் 18ஆவது சீசன் விறுவிறுப்பாக நடைபெற்று வருகிறது. இதில் நாளை நடைபெறும் லீக் போட்டியில் ஷுப்மன் கில் தலைமையிலான குஜராத் டைட்டன்ஸ் மற்றும் அக்ஸர் படேல் தலைமையிலான டெல்லி கேப்பிட்டல்ஸ் அணிகள் பலப்பரீட்சை நடத்தவுள்ளன.
இவ்விரு அணிகளுக்கும் இடையேயான இப்போட்டியானது அஹ்மதாபாத்தில் உள்ள நரேந்திர மோடி கிரிக்கெட் மைதானத்தில் நடைபெறவுள்ளது. இதில் குஜராத் அணி அதிர்ச்சி தோல்விக்கு பிறகும், டெல்லி அணி த்ரில் வெற்றிக்கு பிறகும் இப்போட்டியை எதிர்கொள்ளவுள்ளன. இதனால் இப்போட்டியில் எந்த அணி வெற்றிபெறும் என்ற எதிர்பார்ப்பும் அதிகரித்துள்ளது. இந்நிலையில் இப்போட்டியின் மூலம் டெல்லி அணியின் நட்சத்திர வீரர் கேஎல் ராகுல் சிறப்பு சாதனை படைக்கும் வாய்ப்பை பெற்றுள்ளார்.
அதன்படி குஜராத் டைட்டன்ஸுக்கு எதிரான் அபோட்டியில் கேஎல் ராகுல் 79 ரன்களைச் சேர்க்கும் பட்சத்தில் ஐபிஎல் தொடரில் தன்னுடைய 5000 ரன்களை பூர்த்தி செய்வார். மேற்கொண்டு இந்த போட்டியில் அவர் அதனை செய்தால் ஐபிஎல் தொடர் வரலாற்றுல் அதிவேகமாக 5ஆயிம் ரன்களை கடந்த வீரர் எனும் பெருமையையும் கேஎல் ராகுல் பெறுவார். முன்னதாக டேவிட் வார்னர் 135 இன்னிங்ஸ்களில் ஐந்தாயிரம் ரன்களை கடந்ததே இதுநாள் வரை சாதனையாக இருந்து வருகிறது.
ஆனால் கேஎல் ராகுல் 137 போட்டிகளில் விளையாடி 128 இன்னிங்ஸ்களில் 45.99 என்ற சராசரியும் 4921 ரன்களைக் குவித்துள்ளார். இதில் அவர் 4 சதங்கள் மற்றும் 39 அரைசதங்களையும் அடித்துள்ளார் என்பது குறிப்பிடத்தக்கது. அதேசமயம் ஐபிஎல் தொடரில் அதிவேகமாக 5ஆயிரம் ரன்களை குவித்த வீரர்கள் பட்டியலில் விராட் கோலி 157 இன்னிங்ஸ்களுடன் இரண்டாம் இடத்திலும், ஏபிடி வில்லியர்ஸ் 161 இன்னிங்ஸ்களுடன் மூன்றாம் இடத்திலும் உள்ளது குறிப்பிடத்தக்கது.
ஐபிஎல் தொடரில் அதிவேகமாக 5000 ரன்கள் எடுத்தவர்
- டேவிட் வார்னர் - 135 இன்னிங்ஸ்
- விராட் கோலி - 157 இன்னிங்ஸ்கள்
- ஏபி டிவில்லியர்ஸ் - 161 இன்னிங்ஸ்
- ஷிகர் தவான் - 168 இன்னிங்ஸ்
- சுரேஷ் ரெய்னா - 173 இன்னிங்ஸ்
இதுதவிரித்து கேஎல் ராகுல் இப்போட்டியில் ஒரு சிக்ஸரை அடிக்கும் பட்சத்தில், ஐபிஎல் தொடரில் தனது 200ஆவது சிக்ஸரை பூர்த்தி செய்வார். இதன்மூலம் ஐபிஎல் தொடர் வரலாற்றில் 200 சிக்ஸர்கள் அல்லது அதற்கு மேல் அடித்த 11ஆவது வீரர் எனும் பெருமையையும் கேஎல் ராகுல் பெறவுள்ளார். தற்போது வரை அவர் ஐபிஎல் தொடரில் 137 போட்டிகளில் 128 இன்னிங்ஸ்களில் விளையாடி 199 சிக்ஸர்களை அடித்துள்ளார் என்பது குறிப்பிடத்தக்கது.
Gujarat Titans XI: சாய் சுதர்ஷன், சுப்மன் கில் (கேப்டன்), ஜோஸ் பட்லர், வாஷிங்டன் சுந்தர், ஷாருக் கான், ராகுல் தெவாடியா, ரஷித் கான், அர்ஷத் கான், சாய் கிஷோர், முகமது சிராஜ், பிரசித் கிருஷ்ணா.
Also Read: Funding To Save Test Cricket
Delhi Capitals XI: ஜேக் ஃப்ரேசர் மெக்குர்க்/ஃபாஃப் டு பிளெசிஸ், அபிஷேக் போரல், கருண் நாயர், கேஎல் ராகுல், டிரிஸ்டன் ஸ்டப்ஸ், அக்சர் படேல் (கேப்டன்), அசுதோஷ் ஷர்மா, விபராஜ் நிகம், மிட்செல் ஸ்டார்க், குல்தீப் யாதவ், மோஹித் சர்மா.