பாட் கம்மின்ஸின் தாயர் காலமானார்; கருப்பு பட்டை அணிக்கு வீரர்கள் இரங்கள்!

ஆஸ்திரேலிய டெஸ்ட் அணியின் கேப்டன் பாட் கம்மின்ஸின் தாயர் மறைவுக்கு இரங்கள் தெரிவிக்கும் வகையில் ஆஸ்திரேலிய வீரர்கள் கருப்பு பட்டை அணிந்து விளையாடி வருகின்றனர்.

ஆஸ்திரேலிய கிரிக்கெட் அணியின் கேப்டன் பாட் கம்மின்ஸ் தாயார் உடல் குறைவு காரணமாக இன்று காலமானார். இவரது மறைவுக்கு இரங்கல் தெரிவிக்கும் வகையில் ஆஸி., வீரர்கள் இன்றைய ஆட்டத்தில் கையில் கருப்பு பேண்ட் அணிந்து விளையாடுவார்கள் என்று கிரிக்கெட் ஆஸ்திரேலியா நிர்வாகம் தெரிவித்துள்ளது.

பாட் கம்மின்ஸ் தாயார் மரியா கம்மின்ஸ், உடல் நலக் குறைவால் பாதிக்கப்பட்டிருந்தார். அவரது உடல் நிலை மோசமானதைத் தொடர்ந்து, பாட் கம்மின்ஸ் டெல்லி டெஸ்ட் போட்டிக்கு பிறகு ஆஸ்திரேலியா சென்றார். அதன் பிறகு அவர் தனது தாயாருடன் நேரத்தை செலவழித்தார். இந்நிலையில், மரியா கம்மின்ஸ் இன்று காலமானார்.

இதுகுறித்து கிரிக்கெட் ஆஸ்திரேலியா வெளியிட்ட டுவிட்டர் பதிவில், "பாட் கம்மின்ஸ் தாயார் மரியா கம்மின்ஸ் காலமானதை அறிந்து மிகுந்த கவலை அடைந்தோம். பாட் கம்மின்ஸுக்கும் அவரது குடும்பத்தினருக்கும் ஆழ்ந்த இரங்கலை தெரிவித்துக் கொள்கிறோம்.

அவரது தாயாருக்கு மரியாதை செலுத்தும் விதத்தில் ஆஸி., வீரர்கள் கையில் கருப்பு பேண்ட் அணிந்து விளையாடுவார்கள்" என்று அந்தப் பதிவில் கிரிக்கெட் ஆஸ்திரேலியா குறிப்பிட்டுள்ளது. பாட் கம்மின்ஸ் தாயார் மறைவுக்கு சக கிரிக்கெட் வீரர்கள், ரசிகர்கள் இரங்கல் தெரிவித்து வருகின்றனர்.