ஆசிய கிரிக்கெட் கவுன்சிலின் மூலம் இரண்டு ஆண்டுகளுக்கு ஒருமுறை ஆசிய கோப்பை கிரிக்கெட் தொடரானது நடத்தப்பட்டு வருகிறது. அதிலும் ஐசிசியின் ஒருநாள் உலகக்கோப்பை நடைபெறும் சமயங்களில் ஆசிய கோப்பை தொடரும் ஒருநாள் ஃபார்மேட்டிலும், டி20 உலகக்கோப்பை தொடர் நடைபெறும் சமயங்களில் டி20 ஃபார்மேட்டிலும் இத்தொடரானது நடத்தப்பட்டு வருகிறது. 

Advertisement

அந்தவரிசையில் கடந்த ஆண்டு நடைபெற்ற ஒருநாள் வடிவிலான ஆசிய கோப்பை கிரிக்கெட் தொடரை பாகிஸ்தான் கிரிக்கெட் வாரியம் நடத்தியது. ஆனால் இதில் இந்திய அணி பாகிஸ்தான் செல்லாத காரணத்தால் இத்தொடரானது ஹைப்ரீட் மாடலில் இந்திய அணி பங்கேற்கும் போட்டிகள் மட்டும் இலங்கையில் நடத்தப்பட்டன. இத்தொடரின் இறுதிப்போட்டியில்  à®‡à®¨à¯à®¤à®¿à®¯ அணி இலங்கையை வீழ்த்தி சாம்பியன் பட்டத்தை வென்றது. 

Advertisement

இந்நிலையில் இத்தொடரின் அடுத்த சீசனுக்கான அறிவிப்புகள் வெளியாகியுள்ளன. அதன்படி 2025ஆம் ஆண்டிற்கான ஆசிய கோப்பை கிரிக்கெட் தொடரானது இந்தியாவில் நடத்தப்படும் என ஆசிய கிரிக்கெட் கவுன்சில் இன்று அதிகாரப்பூர்வமாக அறிவித்துள்ளது. இதன்மூலம் கிட்டத்திட்ட 35 ஆண்டுகளுக்கு பிறகு ஆசிய கோப்பை தொடரானது இந்தியாவில் நடைபெறவுள்ளது. முன்னதாக கடந்த 1990-91ஆம் ஆண்டு ஆசிய கோப்பை கிரிக்கெட் தொடரானது இந்தியாவில் நடத்தப்பட்டது. 

மேலும் எதிர்வரவுள்ள 2026ஆம் ஆண்டு ஐசிசி டி20 உலகக்கோப்பை தொடரில் பங்கேற்கும் ஆசிய அணிகளுக்கு உதவும் வகையில் à®‡à®¨à¯à®¤à®¿à®¯à®¾à®µà®¿à®²à¯ நடைபெற இருக்கும் ஆசிய கோப்பை கிரிக்கெட் தொடரானது டி20 வடிவில் நடத்தப்படும் என்றும் அறிவிக்கப்பட்டுள்ளது. இதனையடுத்து 2027ஆம் ஆண்டிற்கான ஆசிய கோப்பை கிரிக்கெட் தொடரானது ஒருநாள் வடிவில் வங்கதேசத்தில் நடத்தப்படும் என்றும் ஆசிய கிரிக்கெட் கவுன்சில் அறிவித்துள்ளது.

 

Also Read: Akram ‘hopes’ Indian Team Will Travel To Pakistan For 2025 Champions Trophy

Advertisement

மேலும் அந்த ஆண்டு தென் ஆப்பிரிக்காவில் ஐசிசியின் ஒருநாள் உலகக்கோப்பை கிரிக்கெட் தொடரானது நடைபெறவுள்ளது. அதனை முன்னிறுத்தி வங்கதேசத்தில் நடைபெறும் ஆசிய கோப்பை தொடரும் ஒருநாள் வடிவில் நடத்தப்படவுள்ளது குறிப்பிடத்தக்கது. மேற்கொண்டு இத்தொடர்களுக்கான போட்டி அட்டவணை, இடம், நாள் உள்ளிட்ட அறிவிப்புகள் விரைவில் வெளியாகும் என்றும் ஆசிய கிரிக்கெட் கவுன்சில் தரப்பில் தெரிவிக்கப்பட்டுள்ளது. 

About the Author

Bharathi Kannan
Bharathi Kannan - He is very interested in cricket. Participated in Domestic level cricket matches. He has experience working in sports news in various media. He has the experience of providing news from different angles non-stop in all types of cricket series like IPL, World Cup. He is also very interested in sports news including cricket, tennis, football and kabaddi. பாரதி கண்ணன் - கிரிக்கெட் மீது அதிக ஆர்வம் கொண்டவர். மாநில அளவிலான கிரிக்கெட் போட்டிகளில் பங்கேற்றுள்ளார். பல்வேறு ஊடகங்களிலும் விளையாட்டு செய்திகளில் பணியாற்றிய அனுபவம் கொண்டவர். ஐபிஎல், உலகக்கோப்பை கிரிக்கெட் என அனைத்து வடிவிலான கிரிக்கெட் தொடர்களின் போதும் இடைவிடாது பல்வேறு கோணங்களில் செய்திகளை அளித்த அனுபவம் உண்டு. கிரிக்கெட் மட்டுமின்றி டென்னிஸ், கால்பந்து, கபடி உள்ளிட்ட இதர விளையாட்டு செய்திகளிலும் அதீத ஆர்வமுள்ளவர். Read More
Latest Cricket News
VIDEO: फैन से उलझने के बाद, हेनरिक क्लासेन अपनी पत्नी और बेटी के साथ ऑटो रिक्शा में घूमे
ருதுராஜ் கெய்க்வாட் அபார சதம்; தென் ஆப்பிரிக்க ஏ அணியை வீழ்த்தியது இந்தியா ஏ!
ஸ்லோ ஓவர் ரேட்: பாகிஸ்தான் வீரர்களுக்கு ஐசிசி அபராதம்!
வங்கதேசத்திற்கு எதிராக இன்னிங்ஸ் தோல்வியைத் தவிர்க்க போராடும் அயர்லாந்து!