மும்பை இந்தியன்ஸ் vs ராயல் சேலஞ்சர்ஸ் பெங்களூரு - அணிகள் ஓர் அலசல்!

ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வரும் 18ஆவது சீசன் ஐபிஎல் தொடரில் இன்று நடைபெறும் 20ஆவது லீக் போட்டியில் ஹர்திக் பாண்டியா தலைமையிலான மும்பை இந்தியன்ஸ் மற்றும் ரஜத் படிதர் தலைமையிலான ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது மும்பையில் உள்ள வான்கடே கிரிக்கெட் மைதானத்தில் நடைபெறவுள்ளது. இதில் இரு அணிகளும் தோல்விகு பிற்கு இப்போட்டியை எதிர்கொள்ளவுள்ளதன் காரணமாக, இதில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இந்நிலையில் இரு அணிகளில் பலம், அணிகளின் உத்தேச லெவன், நேருக்கு நேர் தரவுகள் மற்றும் ஃபேண்டஸி லெவன் குறித்து இந்த பதிவில் பார்ப்போம். 

மும்பை இந்தியன்ஸ்

ஹர்திக் பாண்டியா தலைமையிலான மும்பை இந்தியன்ஸ் அணிக்கு நடப்பு ஐபிஎல் சீசன் பெரும் சோகக்கதையாக மாறி வருகிறது. ஏனெனில் இதுவரை அந்த அணி விளையாடிய 5 போட்டிகளில் ஒன்றில் மட்டுமே வெற்றியைப் பதிவுசெய்துள்ளது. அந்த அணியின் பேட்டிங்கைப் பொறுத்தவரையில் சூர்யகுமார் யாதவ், ஹர்திக் பாண்டியா சிறப்பாக செயல்படும் பட்சத்தில் ரிக்கெல்டன், ரோஹித் சர்மா, திலக் வர்மா உள்ளிட்டோர் சோபிக்க தவறுவது பெரும் பின்னடைவாக பார்க்கப்படுகிறது. 

பந்துவீச்சைப் பொறுத்த மட்டும் டிரென்ட் போல்ட், தீபக் சஹார், ஹர்திக் பாண்டியா, மிட்செல் சான்ட்னர் ஆகியோருடன் அஷ்வானி குமார், விக்னேஷ் புதூர் உள்ளிட்டோர் சிறப்பாக செயல்பட்டாலும், அவ்வபோது ரன்களை வாரி வழங்குவது எதிரணிக்கு சாதகமாக பார்க்கப்படுகிறது. இந்நிலையில் ஜஸ்பிரித் பும்ரா மீண்டும் அணியில் இணைந்துள்ளதால் இனி வரும் போட்டிகளில் அந்த அணி வலிமை பெரும் என எதிர்பார்க்கப்படுகிறது. 

மும்பை இந்தியன்ஸ் உத்தேச லெவன்: வில் ஜாக்ஸ், ரியான் ரிக்கல்டன் (விக்கெட் கீப்பர்), நமன் தீர், சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), மிட்செல் சான்ட்னர், ஜஸ்பிரித் பும்ரா, டிரென்ட் போல்ட், அஷ்வினி குமார், தீபக் சாஹர்.

ராயல் சேலஞ்சர்ஸ் பெங்களூரு

ரஜத் பட்டிதார் தலைமையிலான ஆர்சிபி அணி அடுத்தடுத்து வெற்றிகளைப் பெற்ற நிலையில், கடந்த போட்டியில் குஜராத் டைட்டன்ஸுக்கு எதிராக தோல்வியைத் தழுவியது. இதனால் இன்றைய ஆட்டத்தை வெற்றிபெற்று மீண்டும் வெற்றி பாதைக்கும் திரும்பும் என எதிர்பார்க்கப்படுகிறது. பேட்டிங்கில் விராட் கோலி, பில் சால்ட், படிதர், லிவிங்ஸ்டோன் மற்றும் டிம் டேவிட் ஆகியோர் சிறப்பான ஃபார்மில் உள்ளது அண்க்கு பலமாக பார்க்கப்படுகிறது. 

மறுபக்கம் பந்துவீச்சைப் பொறுத்த மட்டில் புவனேஷ்வர் குமார், ஜோஷ் ஹேசில்வுட் ஆகியோருடன் குர்னால் பாண்டியா, யாஷ் தயாளும் சிறப்பாக செயல்பட்டு வருகின்றனர். இருப்பினும் சுயாஷ் சர்மா ரன்களை அதிகமாக விட்டுகொடுப்பது அணிக்கு சிக்கலை ஏற்படுத்தி வருகிறது. இதனால் இன்றைய ஆட்டத்தில் ஸ்வப்நில் சிங் அல்லது ரஷிக் சலாம் ஆகியோரில் ஒருவர் பிளேயிங் லெவனில் சேர்க்கப்பட வாய்ப்புள்ளது. 

ராயல் சேலஞ்சர்ஸ் பெங்களூரு உத்தேச லெவன் : பில் சால்ட், விராட் கோலி, தேவ்தத் படிக்கல், ரஜத் படிதார் (கேப்டன்), லியாம் லிவிங்ஸ்டோன், ஜிதேஷ் சர்மா (விக்கெட் கீப்பர்), க்ருனால் பாண்டியா, டிம் டேவிட், புவனேஷ்வர் குமார், ஜோஷ் ஹேசில்வுட், யாஷ் தயாள்.

நேருக்கு நேர்

• மோதிய போட்டிகள் - 33
• மும்பை இந்தியன்ஸ் - 19
• ராயல் சேலஞ்சர்ஸ் பெங்களூரு - 14

Also Read: Funding To Save Test Cricket

ஃபேண்டஸி லெவன் டிப்ஸ்

• விக்கெட் கீப்பர்- பில் சால்ட், ஜிதேஷ் சர்மா, ரியான் ரிக்கல்டன்
• பேட்ஸ்மேன்கள் - விராட் கோலி, சூர்யகுமார் யாதவ் (கேப்டன்), ரஜத் படிதார்
• ஆல்-ரவுண்டர்கள் - லியாம் லிவிங்ஸ்டோன், ஹார்டிக் பாண்டியா (துணை கேப்டன்), நமன் தீர்
• பந்து வீச்சாளர்கள் - ஜோஷ் ஹேசில்வுட், அஷவானி குமார்.