EN-W vs IN-W T20I: இந்திய மகளிர் அணிக்கு எதிரான மூன்றாவது டி20 போட்டிக்கான இங்கிலாந்து மகளிர் அணியின் கேப்டனாக டாமி பியூமண்ட் செயல்படுவார் என்று இங்கிலாந்து கிரிக்கெட் வாரியம் அறிவித்துள்ளது.
இந்திய மகளிர் அணி தற்சமயம் இங்கிலாந்தில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடி வருகிறது. இதில் தற்போது வரையிலும் இரண்டு போட்டிகள் நடைபெற்றுள்ள நிலையில், இரண்டு போட்டியிலும் இந்திய மகளிர் அணி வெற்றிபெற்று 2-0 என்ற கணக்கில் தொடரில் முன்னிலைப் பெற்றுள்ளது. இதையடுத்து தொடரின் வெற்றியாளரைத் தீர்மானிக்கும் மூன்றாவது போட்டி இன்று லண்டனில் நடைபெறவுள்ளது.
இதில் ஏற்கெனவே இந்திய அணி இரண்டு போட்டிகளில் வெற்றிபெற்றுள்ளதால் இப்போட்டியிலும் வெற்றி பெற்று தொடரை வெல்ல முயற்சிக்கும். அதேசமயம் இங்கிலாந்து அணி இப்போட்டியில் வெற்றி பெற்றால் மட்டுமே தொடரில் நீடிக்க முடியும். இதனால் இப்போட்டியில் எந்த அணி வெற்றி பெறும் என்ற எதிர்பார்ப்புகள் அதிகரித்துள்ளன. இந்நிலையில் இப்போட்டிக்கு முன்னதாக இங்கிலாந்து மகளிர் அணி பெரும் பின்னடைவை சந்தித்துள்ளது.
அந்தவகையில் இங்கிலாந்து அணியின் கேப்டன் நாட் ஸ்கைவர் பிரண்ட் காயம் காரணமாக மூன்றாவது டி20 போட்டியில் இருந்து விலகுவதாக அறிவிக்கப்பட்டுள்ளது. அதேசமயம் அவர் மேற்கொண்டு இத்தொடரில் விளையாடுவாரா என்பது ஸ்கேன் முடிவைப் பொறுத்தே தெரியவரும் என்று கூறப்பட்டுள்ளது. இதனால் இப்போட்டியில் இங்கிலாந்து கேப்டனாக டாமி பியூமண்ட் செயல்படுவார் என்றும் இங்கிலாந்து கிரிக்கெட் வாரியம் அறிவித்துள்ளது.
இதுதவிர்த்து மூன்றாவது டி20 போட்டிக்கான இங்கிலாந்து அணியில் நாட் ஸ்கைவர்-பிரண்டிற்கு பதிலாக மையா பவுச்சர் சேர்க்கப்பட்டுள்ளார். இருப்பினும் நாட் ஸ்கைவர் பிரண்ட் இல்லாதது அணிக்கு பெரும் பின்னடைவை ஏற்படுத்தும். ஏனெனில் நாட் ஸ்கைவர் இங்கிலாந்து அணிக்காக இதுவரை 137 டி20 போட்டிகளில் விளையாடி 18 அரைசதங்களுடன் 2960 ரன்களையும், 90 விக்கெட்டுகளையும் கைப்பற்றியுள்ளார் என்பது குறிப்பிடத்தக்கது.
இங்கிலாந்து டி20 அணி - டேனியல் வயட், சோபியா டங்க்லி, நாட் ஸ்கைவர்-பிரண்ட் (கேப்டன்), டாமி பியூமண்ட் (மூன்றாவது டி20 போட்டிக்கான கேப்டன்), ஆலிஸ் கேப்சி, ஏமி ஜோன்ஸ், எமிலி ஆர்லாட், சோஃபி எக்லெஸ்டோன், லாரன் ஃபைலர், லின்சி ஸ்மித், லாரன் பெல், மியா பவுச்சர் (மூன்றாவது டி20 போட்டி), சார்லி டீன், ஈசி வோங், பைஜ் ஸ்கோல்ஃபீல்ட்.
Also Read: LIVE Cricket Score
இந்தியா டி20 அணி- ஸ்மிருதி மந்தனா, ஹர்லீன் தியோல், ஷெஃபாலி வர்மா, ஹர்மன்பிரீத் கவுர் (கேப்டன்), ஜெமிமா ரோட்ரிக்ஸ், ரிச்சா கோஷ் (விக்கெட் கீப்பர்), அமன்ஜோத் கவுர், ஸ்னே ராணா, கிராந்தி கவுட், சாயாலி சத்கரே, தீப்தி சர்மா, ராதா யாதவ், அருந்ததி ரெட்டி, ஸ்னே ராணா, ஸ்ரீ சரணி.