Netherlands vs Nepal Three Super Over: கிளாஸ்கோவில் நடைபெற்ற நெதர்லாந்து மற்றும் நேபாளம் அணிகளுக்கு இடையிலான டி20 சர்வதேச போட்டியானது கிரிக்கெட் வரலாற்றில் முதல் முறையாக மூன்று சூப்பர் ஓவர்களை சந்தித்த போட்டியாக சாதனை படைத்துள்ளது.
ஸ்காட்லாந்தில் நடைபெற்று வரும் நெதர்லாந்து, நேபாள் மற்றும் ஸ்காட்லாந்து அணிகளுக்கு இடையேயான முத்தரப்பு டி20 தொடரானது நடைபெற்று வருகிறது. இதில் நேற்று நடைபெற்ற இரண்டாவது போட்டியில் நெதர்லாந்து மற்றும் ஸ்காட்லாந்து அணிகள் பலப்பரீட்சை நடத்தின. கிளாஸ்கோவில் நடைபெற்ற இப்போட்டியில் டாஸ் வென்ற நேபாள் அணி முதலில் பந்துவீசுவதாக அறிவித்து நெதர்லாந்தை பேட்டிங் செய்ய அழைத்தது.
அதன்படி களமிறங்கிய நெதர்லாந்து அணியில் விக்ரம்ஜித் சிங் 30 ரன்களையும், தேஜா நிடமானுரு 35 ரன்களையும், சாகிப் ஸுல்ஃபிகூர் 25 ரன்களையும் சேர்க்க, 20 ஓவர்கள் முடிவில் 7 விக்கெட்டுகளை இழந்து 152 ரன்களைச் சேர்த்தது. பின்னர் இலக்கை நோக்கி விளையாடிய நேபாள் அணியில் ரோஹித் படேல் 48 ரன்களையும், குஷால் புர்டல் 34 ரன்களையும் சேர்க்க, அந்த அணியும் 20 ஓவர்கள் முடிவில் 152 ரன்களைச் சேர்க்க ஆட்டம் டையில் முடிந்தது.
இதையடுத்து சூப்பர் ஓவர் முறை கடைபிடிக்கப்பட்ட நிலையில், முதலில் பேட்டிங் செய்த நேபாள் அணி 20 ரன்களைச் சேர்க்க, அடுத்து களமிறங்கிய நெதர்லாந்து அணியும் 20 ரன்களைச் சேர்த்து மீண்டும் ஸ்கோரை சமன்செய்தன. இதனால் இரண்டாவது சூப்பர் ஓவருக்கு ஆட்டம் சென்ற நிலையில் அதில் நெதர்லாந்து அணி 18 ரன்களை இலக்காக நிர்ணயித்த நிலையில் நேபாள் அணி சிறப்பான ஆட்டத்தை வெளிப்படுத்தி 17 ரன்களைச் சேர்த்ததுடன் மீண்டு ஸ்கோரை சமன்செய்தது.
இதனால் ரசிகர்கள் யாரும் எதிர்பார்க்காத வகையில் சர்வதேச கிரிக்கெட்டில் முதல் முறையாக மூன்றாவது சூப்பர் ஓவரானது நடைபற்றது. இதில் நெபாள் அணி முதலிரண்டு பந்துகளில் அடுத்த விக்கெட்டுகளை இழந்தது. இதனால் ஒரு ரன் எடுத்தால் வெற்றி என்ற கணக்கில் அந்த சூப்பர் ஓவரை எதிர்கொண்ட நெதர்லாந்து அணி முதல் பந்திலேயே இலக்கை எட்டியதுடன், பரபரப்பான இந்த போட்டியில் வெற்றியையும் பதிவுசெய்து அசத்தியுள்ளது.
Also Read: LIVE Cricket Score
மேலும் இப்போட்டியின் முடிவை எட்டுவதற்காக மூன்று சூப்பர் ஓவர்கள் பயன்படுத்தப்பட்டதன் மூலம் சர்வதேச டெஸ்ட் கிரிக்கெட் வரலாற்றில் மூன்று சூப்பர் ஓவர்களைக் கண்ட முதல் போட்டி எனும் சாதனையை இந்த போட்டி படைத்துள்ளது. மேற்கொண்டு டி20, முதல் தர போட்டி மற்றும் லிஸ்ட் ஏ உள்பட அனைத்து வடிவிலும் மூன்று சூப்பர் ஓவர்களை உள்ளடக்கிய போட்டியாகவும் இது வரலாற்றில் பதியப்பட்டுள்ளது குறிப்பிடத்தக்கது.