ஸ்லோ ஓவர் ரேட்; பாகிஸ்தான் அணிக்கு அபராதம் விதித்தது ஐசிசி!

நியூசிலாந்தில் சுற்றுப்பயணம் மேற்கொண்டு வரும் பாகிஸ்தான் அணி தற்சமயம் 5 போட்டிகள் கொண்ட டி20 தொடர் மற்றும் மூன்று போட்டிகள் கொண்ட ஒருநாள் தொடரில் விளையாடி வருகிறது. இதில் நடந்து முடிந்த டி20 தொடரில் நியூசிலாந்து அணி 4-1 என்ற கணக்கில் கைப்பற்றி அசத்தியது.

இதனையடுத்து நியூசிலாந்து - பாகிஸ்தான் அணிகளுக்கு இடையேயான மூன்று போட்டிகள் கொண்ட ஒருநாள் தொடரானது நடைபெற்று வருகிறது. இதில் நடைபெற்ற முதல் ஒருநாள் போட்டியில் நியூசிலாந்து அணியானது 73 ரன்கள் வித்தியாசத்தில் பாகிஸ்தான் அணியை வீழ்த்தி அபார வெற்றியைப் பதிவுசெய்து அசத்தியது. இந்த வெற்றியின் மூலம் மூன்று போட்டிகள் கொண்ட ஒருநாள் தொடரிலும் நியூசிலாந்து அணி 1-0 என்ற கணக்கில் முன்னிலை வகிக்கிறது.

இதனையடுத்து நியூசிலாந்து - பாகிஸ்தான் அணிகளுக்கு இடையேயான ஒருநாள் தொடரின் வெற்றியாளரைத் தீர்மானிக்கும் இரண்டாவது டி20 போட்டி ஹாமில்டனில் நாளை நடைபெறவுள்ளது. இப்போட்டிக்காக இரு அணி வீரர்களும் தீவிரமாக தயாராகி வருகின்றனர். அதேசமயம் இப்போட்டிக்கு முன்னதாக நியூசிலாந்தின் மார்க் சாப்மேன், பாகிஸ்தானின் உஸ்மான் கான் ஆகியோர் காயம் காரணமாக விலகி இருப்பது இரு அணிகளுக்கும் பெரும் பின்னடவைவாக பார்க்கப்படுகிறது.

இந்நிலையில் பாகிஸ்தான் அணிக்கு மேலும் ஒரு சோக செய்தி ஒன்று வெளியாகியுள்ளது. அதன்படி நியூசிலாந்துக்கு எதிரான முதல் ஒருநாள் போட்டியில் பந்துவீச அதிக நேரம் எடுத்து கொண்டதாக பாகிஸ்தான் அணிக்கு ஐசிசி அபராதம் விதித்துள்ளது. இந்த போட்டியில் பாகிஸ்தான் அணி குறிப்பிட்ட நேரத்திற்குள் இரண்டு ஓவர்கள் குறைவாக வீசியதன் காரணமாக அணியின் கேப்டன் முகமது ரிஸ்வானுக்கு 10 சதவீத அபராதமும், அணி வீரர்களுக்கு 5 சதவீத அபராதமும் விதிக்கப்பட்டுள்ளது. 

மேற்கொண்டு பாகிஸ்தான் அணியின் கேப்டன் முகமது ரிஸ்வானும் குற்றத்தை ஒப்புக்கொண்டதன் காரணமாக மேற்கொண்டு விசாரணைக்கு ஆஜராக தேவையில்லை என்பதையும் ஐசிசி தெளிப்படுத்தியுள்ளது. ஏற்கெனவே தோல்வியைத் தழுவி இருக்கும் பாகிஸ்தான் அணி தற்சமயம் ஸ்லோ ஓவர் ரேட்டின் காரணமாக ஐசிசியின் அபராதத்தையும் பெற்றுள்ளது அந்த அணிக்கு கூடுதல் அழுத்தத்தை உருவாக்கியுள்ளது. 

நியூசிலாந்து ஒருநாள் அணி: டாம் லாதம் (கேப்டன்), முகமது அப்பாஸ், ஆதி அசோக், மைக்கேல் பிரேஸ்வெல், ஜேக்கப் டஃபி, மிட்ச் ஹே, நிக் கெல்லி, டேரில் மிட்செல், வில் ஓ'ரூர்க், பென் சியர்ஸ், டிம் சீஃபர்ட், நாதன் ஸ்மித், வில் யங்

Also Read: Funding To Save Test Cricket

பாகிஸ்தான் ஒருநாள் அணி: முகமது ரிஸ்வான் (கேப்டன்), சல்மான் அலி ஆகா, அப்துல்லா ஷஃபீக், அப்ரார் அகமது, அகிஃப் ஜாவேத், பாபர் ஆசாம், ஃபஹீம் அஷ்ரப், இமாம் உல் ஹக், குஷ்தில் ஷா, முகமது அலி, முகமது வாசிம் ஜூனியர், இர்பான் நியாசி, நசீம் ஷா, சுஃபியான் முகீம், தயப் தாஹிர்.