150ஆவது போட்டியில் டக் அவுட்; ஸ்டீவ் வாக், ரிக்கி பாண்டிங் வரிசையில் இணைந்த ஜோ ரூட்!
நியூசிலாந்து - இங்கிலாந்து அணிகளுக்கு இடையேயான முதல் டெஸ்ட் போட்டியானது கிறிஸ்ட்சர்ச்சில் இன்று தொடங்கியது. இதில் டாஸ் வென்ற இங்கிலாந்து அணி பந்து வீச்சை தேர்வு செய்தது. அதன்படி முதலில் பேட்டிங் செய்த நியூசிலாந்து அணி கேன் வில்லியம்சன் மற்றும் கிளென் பிலீப்ஸ் ஆகியோரது அரைசதங்களின் காரணமாக முதல் இன்னிங்ஸில் 348 ரன்களுக்கு ஆல் அவுட்டானாது.
இதில் அதிகபட்சமாக கேன் வில்லியம்சன் 93 ரன்களையும், இறுதிவரை ஆட்டமிழக்காமல் இருந்த கிளென் பிலீப்ஸ் 58 ரன்களையும் சேர்த்தனர். இங்கிலாந்து சார்பில் பஷீர், பிரிடன் கேர்ஸ் தலா 4 விக்கெட்டும், கஸ் அட்கின்சன் 2 விக்கெட்டும் கைப்பற்றினர். இதையடுத்து, இங்கிலாந்து அணியின் தொடக்க வீரர்களாக ஸாக் கிரௌலி- பென் டக்கெட் களமிறங்கினர். இதில் ஸாக் கிரௌலி ரன்கள் ஏதுமின்றியும், ஜேக்கப் பெத்தேல் 10, ஜோரூட் ரன்கள் ஏதுமின்றியும் என விக்கெட்டை இழந்தனர்.
அவர்களைத் தொடர்ந்து மற்றொரு தொடக்க வீரர் பென் டக்கெட் 46 ரன்களிலும், அதிரடியாக விளையாடிய ஒல்லி போப் 77 ரன்னிலும் என விக்கெட்டை இழந்து பெவிலிய்னுக்கு நடையைக் கட்டினர். இருப்பினும் மறுபக்கம் அதிரடியாக விளையாடி வந்த ஹாரி புரூக் சர்வ்தேச டெஸ்ட் கிரிக்கெட்டில் தனது 7ஆவது சதத்திப் பதிவுசெய்து அசத்தினார். அவருக்கு துணையாக கேப்டன் பென் ஸ்டோக்ஸும் சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர்.
இதன்மூல்ம் இரண்டாம் நாள்ஆட்ட நேர முடிவில் இங்கிலாந்து அணி 5 விக்கெட்டுகளை இழந்து 319 ரன்கள் எடுத்துள்ளது. இதில் ஹாரி புரூக் 132 ரன்களுடனும், பென் ஸ்டோக்ஸ் 37 ரன்களுடனும் களத்தில் உள்ளனர். நியூசிலாந்து அணி தரப்பில் நாதன் ஸ்மித் 2 விக்கெட்டுகளையும், டிம் சௌதீ, மேட் ஹென்றி, வில்லியம் ஓ ரூர்க் ஆகியோர் தலா ஒரு விக்கெட்டையும் கைப்பற்றியுள்ளனர். இதனைய்டுத்து 29 ரன்கள் பின் தங்கிய நிலையில் இங்கிலாந்து அணி மூன்றாம் நாள் ஆட்டத்தை தொடரவுள்ளது.
இந்நிலையில் இப்போட்டியின் மூலம் தனது 150ஆவது போட்டியின் விளையாடியா ஜோ ரூட் மீது பெரும் எதிர்பார்ப்புகள் இருந்த நிலையில், இப்போட்டியில் அவர் ரன்கள் ஏதுமின்றி ஆட்டமிழந்து ஏமாற்றமளித்தர். அதுமட்டுமில்லாமல் இப்போட்டியில் ரன்கள் ஏதுமின்றி விக்கெட்டை இழந்ததன் மூலம் ஜோ ரூட் மோசமான சாதனை பட்டியாலிலும் இடம்பிடித்துள்ளார். அதன்படி 150ஆவது டெஸ்ட் போட்டியில் ரன்கள் ஏதுமின்றி விக்கெட்டை இழந்த மூன்றாவது வீரர் எனும் மோசமான சாதனையில் இணைந்துள்ளார்.
Also Read: Funding To Save Test Cricket
முன்னதாக கடந்த 2002ஆம் அண்டு பாகிஸ்தனுக்கு எதிரான டெஸ்ட் போட்டியில் ஆஸ்திரேலிய அணியின் முன்னாள் வீரர் ஸ்டீவ் வாக் தனது 150ஆவது டெஸ்ட் போட்டியில் எதிர்கொண்ட முதல் பந்திலேயேயும், 2010ஆம் ஆண்டு இங்கிலாந்து அணிக்கு எதிராக 150ஆவது டெஸ்ட் போட்டியில் விளையாடிய ஆஸ்திரேலியாவின் ரிக்கி பாண்டிங் ஆகியோர் எதிர்கொண்ட முதல் பந்திலேயே விக்கெட்டை இழந்து இந்த பட்டியலில் முதலிரண்டு இடங்களை பிடித்துள்ளது குறிப்பிடத்தக்கது.