மெல்போர்னில் புதிய சாதனை படைக்க காத்திருக்கும் விராட் கோலி!

இந்திய அணி தற்சமயம் ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட பார்டர் கவாஸ்கர் கோப்பை டெஸ்ட் தொடரில் விளையாடி வருகிறது. இதில் நடைபெற்று முடிந்த மூன்று போட்டிகளின் முடிவில் இரு அணிகளும் தலா ஒரு வெற்றியைப் பதிவுசெய்து 1-1 என்ற கணக்கில் தொடரை சமன்செய்திருந்தன. அதேசமயம் இரு அணிகளுக்கும் இடையேயான மூன்றாவது  டெஸ்ட் போட்டியானது டிராவில் முடிவடைந்துள்ளது. 

தையடுத்து இரு அணிகளுக்கும் இடையேயான பாக்ஸிங் டே டெஸ்ட் போட்டியானது எதிர்வரும் டிசம்பர் 26அம் தேதில் மெல்போர்னில் நடைபெறவுள்ளது. இப்போட்டியில் வெற்றி பெறும் அணி தொடரில் முன்னிலைப் பெறும் என்பதால் கூடுதல் எதிர்பார்ப்புகளும் அதிகரித்துள்ளது. இதன் காரணமாக இரு அணி வீரர்களும் தீவிர பயிற்சியில் ஈடுபட்டு வருகின்றனர். மேலும் கடைசி இரண்டு டெஸ்ட்  போட்டிக்கான இரு அணிகளையும் அந்தந்த நாட்டு கிரிக்கெட் வாரியங்கள் சமீபத்தில் அறிவித்தது.

இந்நிலையில் இந்த போட்டியில் இந்திய கிரிக்கெட் அணியின் முன்னாள் வீரர் சச்சின் டெண்டுல்கரின் மிகப்பெரிய சாதனையை முறியடிக்கும் வாய்ப்பை விராட் கோலி பெற்றுள்ளார். அதன்படி மெல்போர்ன் கிரிக்கெட் மைதானத்தில் அதிக ரன்கள் எடுத்த இந்த வீரர் எனும் சாதனையை சச்சின் டெண்டுல்கர் தற்போது வரை தன்வசம் வைத்துள்ளார். அவர் இங்கு 10 இன்னிங்ஸ்களில் 449 ரன்களைக் குவித்துள்ளார். 

அதேசமயம் விராட் கோலி மெல்போர்ன் கிரிக்கெட் மைதானத்தில் இதுவரை 6 இன்னிங்ஸ்களில் விளையாடி 316 ரன்களைச் சேர்த்துள்ளார். இந்நிலையில் இப்போட்டியில் விராட் கோலி மேற்கொண்டு 165 ரன்களைச் சேர்க்கும் பட்சத்திர சச்சின் டெண்டுல்கரின் சாதனையை முறியடிப்பார் என்பது குறிப்பிடத்தக்கது. அதேசமயம் இந்த பட்டியலில் அஜிங்கியா ரஹானே 6 இன்னிங்ஸ்களில் விளையாடி 369 ரன்களுடன் இரண்டாம் இடத்தில் உள்ளது குறிப்பிடத்தக்கது. 

மெல்போர்ன் கிரிக்கெட் மைதானத்தில் அதிக ரன்களை எடுத்த இந்திய வீரர்கள்

• சச்சின் டெண்டுல்கர்: 10 இன்னிங்சில் 449 ரன்கள்
• அஜிங்கியா ரஹானே: 6 இன்னிங்சில் 369 ரன்கள்
• விராட் கோலி: 3 இன்னிங்சில் 316 ரன்கள்
• வீரேந்திர சேவாக்: 4 இன்னிங்சில் 280 ரன்கள்
• ராகுல் டிராவிட்: 8 இன்னிங்ஸ்களில் 263 ரன்கள்

அதேசமயம் நடப்பு பார்டார் கவாஸ்கர் கோப்பை கிரிக்கெட் தொடரில் விராட் கோலியின் பேட்டிங் ஃபார்ம் பெரும் கேள்வியாக இருந்து வருகிறது. அவர் இத்தொடரின் முதல் போட்டியில் சதம் அடித்ததை தவிர்த்து மற்ற் போட்டியில் பெரிதளவில் ரன்களை சேர்க்கவில்லை. அதிலும் இந்த தொடரில் இதுவரை ஆஃப் ஸ்டம்புக்கு வெளியே பந்துகளை விளையாடி அவர் தொடர்ந்து விக்கெட்டை இழந்து வருவதால், அவரது பேட்டிங் யுக்தி குறித்த கேள்விகளும் அதிகரித்துள்ளன. 

கடைசி இரண்டு போட்டிகளுக்கான இந்திய டெஸ்ட் அணி: யஷஸ்வி ஜெய்ஸ்வால், கேஎல் ராகுல், ஷுப்மன் கில், விராட் கோலி, ரிஷப் பந்த், ரோஹித் சர்மா (கே), ரவீந்திர ஜடேஜா, நிதிஷ் குமார் ரெட்டி, ஜஸ்பிரித் பும்ரா, முகமது சிராஜ், ஆகாஷ் தீப், துருவ் ஜூரல், வாஷிங்டன் சுந்தர், சர்ஃபராஸ் கான், தேவ்தத் படிக்கல், அபிமன்யு ஈஸ்வரன், பிரசித் கிருஷ்ணா, ஹர்ஷித் ராணா, தனூஷ் கோட்டியான். 

Also Read: Funding To Save Test Cricket

கடைசி இரண்டு போட்டிகளுக்கான ஆஸ்திரேலிய டெஸ்ட் அணி: பாட் கம்மின்ஸ் (கேப்டன்), டிராவிஸ் ஹெட், ஸ்டீவ் ஸ்மித், சீன் அபோட், ஸ்காட் போலண்ட், அலெக்ஸ் கேரி, ஜோஷ் இங்கிலிஸ், உஸ்மான் கவாஜா, சாம் கொன்ஸ்டாஸ், மார்னஸ் லாபுஷாக்னே, நாதன் லையன், மிட்செல் மார்ஷ், ஜெய் ரிச்சர்ட்சன், மிட்செல் ஸ்டார்க், பியூ வெப்ஸ்டர்.