WI vs ENG: கடைசி மூன்று டி20 போட்டிகளுக்கான விண்டீஸ் அணி அறிவிப்பு!

இங்கிலாந்து அணி தற்சமயம் வெஸ்ட் இண்டீஸில் சுற்றுப்பயணம் செய்து 3 போட்டிகள் கொண்ட ஒருநாள் தொடரிலும், 5 போட்டிகள் கொண்ட டி20 தொடரிலும் விளையாடி வருகிறது. இதில் நடந்து முடிந்த மூன்று போட்டிகள் கொண்ட ஒருநாள் தொடரை வெஸ்ட் இண்டீஸ் அணியானது 2-1 என்ற கணக்கில் இங்கிலாந்தை வீழ்த்தி வெற்றிபெற்று அசத்தியது.

இதனைத்தொடர்ந்து இரு அணிகளுக்கும் இடையேயான 5 போட்டிகள் கொண்ட டி20 தொடரானது நடைபெற்று வருகிறது. இத்தொடரின் இதுவரை நடந்து முடிந்துள்ள முதலிரண்டு டி20 போட்டிகளிலும் இங்கிலாந்து அணியானது வெற்றியைப் பதிவுசெய்து அசத்தியதுடன், 2-0 என்ற கணக்கில் தொடரிலும் முன்னிலைப் பெற்றுள்ளது. இதையடுத்து இரு அணிகளுக்கும்ம் இடையேயான மூன்றாவது டி20 போட்டி நவம்பர் 15ஆம் தேதி நடைபெறவுள்ளது. 

இந்நிலையில் இத்தொடரில் எஞ்சியுள்ள மூன்று போட்டிகளுக்கான வெஸ் இண்டீஸ் அணியை அந்நாட்டு கிரிக்கெட் வாரியம் இன்று அறிவித்துள்ளது. அதன்படி இந்த அணியில் நட்சத்திர வீரர் ஆண்ட்ரே ரஸல் காயம் காரணமாக எஞ்சியுள்ள போட்டிகளில் இருந்து விலகியுள்ளார். மேற்கொண்டு தடை காரணமாக முதலிரண்டு டி20 போட்டிகளில் விளையாடாமல் இருந்த ஆல்ஸாரி ஜோசப் தற்போது மீண்டும் அணியில் சேர்க்கப்பட்டு, ஷமார் ஜோசப் அணியில் இருந்து நீக்கப்பட்டுள்ளார். 

இதுதவிர்த்து அந்த அணியின் நட்சத்திர வீரர்களான ஷாய் ஹோப், பிராண்டன் கிங், எவின் லூயிஸ், குடகேஷ் மோட்டி ஆகியோருடன் ஷமார் ஜோசப்பும் தனது இடத்தை தக்கவைத்துள்ளார். இந்த டி20 தொடரில் வெஸ்ட் இண்டீஸ் அணி ஏற்கெனவே இரண்டு போட்டிகளிலும் தோல்வியடைந்துள்ளதால், இனிவரும் அனைத்து போட்டிகளிலும் வெற்றிபெற்றால் மட்டுமே தொடரை வெல்ல முடியும் என்பதால் அந்த அணி மீதான எதிர்பார்ப்புகள் அதிகரித்துள்ளன. 

வெஸ்ட் இண்டீஸ் டி20 அணி: ரோவ்மேன் பவல் (கேப்டன்), ரோஸ்டன் சேஸ், மேத்யூ ஃபோர்டே, ஷிம்ரான் ஹெட்மையர், டெரன்ஸ் ஹிண்ட்ஸ், ஷாய் ஹோப், அக்கேல் ஹொசைன், அல்ஸாரி ஜோசப், பிராண்டன் கிங், எவின் லூயிஸ், குடாகேஷ் மோட்டி, நிக்கோலஸ் பூரன், ஷெர்பேன் ரூதர்ஃபோர்ட், ரொமாரியோ ஷெப்பர்ட்.

Also Read: Funding To Save Test Cricket

இங்கிலாந்து அணி: ஜோஸ் பட்லர் (கேப்டன், டி20 தொடரில் மட்டும்), ஜோஃப்ரா ஆர்ச்சர், ஜேக்கப் பெத்தேல், ஜாஃபர் சோஹன், சாம் கரன், வில் ஜாக்ஸ், லியாம் லிவிங்ஸ்டோன், சாகிப் மஹ்மூத், டான் மௌஸ்லி, ஜேமி ஓவர்டன், ஆதில் ரஷித், பில் சால்ட், ரீஸ் டாப்லி, ஜான் டர்னர்.