WI vs AUS, 3rd T20I : போட்டி முன்னோட்டம் & ஃபேண்டஸி லெவன்!

வெஸ்ட் இண்டீஸில் சுற்றுப்பயணம் மேற்கொண்டுள்ள ஆஸ்திரேலிய அணி 5 டி20, 3 ஒருநாள் போட்டிகள் கொண்ட தொடரில் விளையாடவுள்ளது. இத்தொடரில் இதுவரை நடைபெற்ற 2 டி20 போட்டிகளிலும் வெஸ்ட் இண்டீஸ் அணி வெற்றிபெற்று தொடரில் முன்னிலைப் பெற்றுள்ளது.

இந்நிலையில் அணிகளுக்கும் இடையேயான மூன்றாவது டி20 போட்டி செயிண்ட் லூசியாவிலுள்ள டேரன் சமி தேசிய கிரிக்கெட் மைதானத்தில் இந்திய நேரப்படி நாளை (ஜூலை 12) அதிகாலை 5 மணிக்கு நடைபெறவுள்ளது. 

போட்டி தகவல்கள்

•     மோதும் அணிகள் - வெஸ்ட் இண்டீஸ் vs ஆஸ்திரேலியா
•     இடம் - டேரன் சமி தேசிய கிரிக்கெட் மைதானம், செயிண்ட் லூசியா
•     நேரம் - அதிகாலை 5 மணி

போட்டி முன்னோட்டம்

வெஸ்ட் இண்டீஸ்

ஆஸ்திரேலியாவுடனான முதல் இரண்டு போட்டிகளிலும் வெஸ்ட் இண்டீஸ் அணி வெற்றிபெற்று தொடரில் முன்னிலைப்  பெற்றுள்ளது.

ஆனாலும் முதல் வரிசை வீரர்கள் தொடர்ந்து ரன் சேர்க்க தவறிவருவதால், போராடியே வெற்றிய பெரவேண்டிய சூழலிற்கு வெஸ்ட் இண்டீஸ் தள்ளப்பட்டுள்ளது. மேலும் நாளைய போட்டிகான வெஸ்ட் இண்டீஸ் அணி கிறிஸ் கெய்லிற்கு பதிலாக எவின் லூயிஸ் அணி இடம்பெறுவதற்கான வாய்ப்புகளும் அதிகரித்துள்ளது.

அதேசமயம் பந்துவீச்சில் டுவைன் பிராவோ, ஹெய்டன் வால்ஷ் ஆகியோர் தொடர்ந்து தங்களது சிறப்பான ஆட்டத்தை வெளிப்படுத்தி வருகின்றனர். அவர்களுடன் மற்ற பந்துவீச்சாளர்களும் தங்களது பணியை செய்யும் பட்சத்தில் வெஸ்ட் இண்டீஸ் அணி தொடரை வெல்லும் என எதிர்பார்க்கப்படுகிறது. 

ஆஸ்திரேலியா

ஆரோன் ஃபிஞ்ச் தலைமையிலான ஆஸ்திரேலிய அணி, டேவிட் வார்னர், பாட் கம்மின்ஸ், மேக்ஸ்வெல், ஸ்மித் உள்ளிட்ட நட்சத்திர வீரர்களின்றி இத்தொடரில் பங்கேற்றுள்ளதால், ரன்களை சேர்க்க தவறி வருகிறது.

அந்த அணியில் மிட்செல் மார்ஷ் மட்டுமே சிறப்பாக விளையாடி வருவதால், மற்ற வீரர்களும் தங்கள் திறமை நிரூபிக்க வேண்டிய கட்டாயத்திற்கு தள்ளப்பட்டுள்ளனர்.

பந்துவீச்சில் மிட்செல் ஸ்டார்க், டேனியல் கிறிஸ்டியன், ஆண்ட்ரூ டை உள்ளிட்டோருடன் ஆடம் ஸாம்பாவும் அணியில் இடம்பிடித்துள்ளது ஆஸ்திரேலிய அணிக்கு ஓரளவேனும் நம்பிக்கையை அளித்து வருகிறது.

நேருக்கு நேர்

• மோதிய ஆட்டங்கள் - 13
• வெஸ்ட் இண்டீஸ் வெற்றி - 8
• ஆஸ்திரேலியா வெற்றி - 5

உத்தேச அணி

வெஸ்ட் இண்டீஸ்- லென்ட்ல் சிம்மன்ஸ், ஆண்ட்ரே ஃபிளெட்சர், கிறிஸ் கெய்ல் / எவின் லூயிஸ், ஷிம்ரான் ஹெட்மையர், நிக்கோலஸ் பூரன், ஆண்ட்ரே ரஸ்ஸல், ஃபேபியன் ஆலன், டுவைன் பிராவோ, ஹேய்டன் வால்ஷ், ஷெல்டன் கோட்ரெல், பிடல் எட்வர்ட்ஸ் / ஓபட் மெக்காய்.

ஆஸ்திரேலியா - மேத்யூ வேட், ஆரோன் பிஞ்ச் (கே), மிட்செல் மார்ஷ், ஜோஷ் பிலிப், மொய்சஸ் ஹென்ரிக்ஸ், பென் மெக்டெர்மொட் / ஆஷ்டன் டர்னர், டேனியல் கிறிஸ்டியன், ஆஷ்டன் அகர், மிட்செல் ஸ்டார்க், ஆடம் ஜாம்பா / மிட்செல் ஸ்வெப்சன், ஜோஷ் ஹேசில்வுட்.

ஃபேண்டஸி லெவன் 

• விக்கெட் கீப்பர்கள் - ஆண்ட்ரே ஃபிளெட்சர், மேத்யூ வேட்
• பேட்ஸ்மேன்கள் - ஷிம்ரான் ஹெட்மையர், மொய்சஸ் ஹென்ரிக்ஸ், ஜோஷ் பிலிப்
• ஆல்ரவுண்டர்கள் - ஃபேபியன் ஆலன், ஆண்ட்ரே ரஸ்ஸல், டுவைன் பிராவோ, மிட்செல் மார்ஷ்
• பந்து வீச்சாளர்கள் - ஹேய்டன் வால்ஷ், ஜோஷ் ஹேசில்வுட்