அரைசதம் கடந்து சாதனைகளைக் குவித்த யஷஸ்வி ஜெய்ஸ்வால்!

India vs England 4th Test: மான்செஸ்டரில் நடைபெற்று வரும் இங்கிலாந்துக்கு எதிரான நான்காவது டெஸ்ட் போட்டியில் யஷஸ்வி ஜெய்ஸ்வால் அரைசதம் கடந்ததன் மூலம் சில சாதனைகளைப் படைத்துள்ளார். 

இங்கிலாந்தில் சுற்றுப்பயணம் செய்து வரும் இந்திய அணி 5 போட்டிகள் கொண்ட ஆண்டர்சன் - டெண்டுல்கர் கோப்பை கிரிக்கெட் தொடரில் விளையாடி வருகிறது. இதில் ஏற்கெனவே மூன்று போட்டிகள் முடிவடைந்துள்ள நிலையில், அதில் இங்கிலாந்து அணி இரண்டு போட்டிகளிலும், இந்திய அணி ஒரு போட்டியிலும் வெற்றியைப் பதிவுசெய்துள்ளன. இதையடுத்து இரு அணிகளுக்கும் இடையேயான நான்காவது டெஸ்ட் போட்டி இன்று மான்செஸ்டரில் தொடங்கி நடைபெற்று வருகிறது.

இப்போட்டியில் டாஸை இழந்து முதலில் பேட்டிங் செய்து வரும் இந்திய அணி தற்போது வரையிலும் 3 விக்கெட்டுகள் இழப்பிற்கு 159 ரன்களைச் சேர்த்துள்ளது. இதில் யஷஸ்வி ஜெய்ஸ்வால் 58 ரன்களிலும், கேஎல் ராகுல் 46 ரன்னிலும், ஷுப்மன் கில் 12 ரன்னிலும் என விக்கெட்டுகளை இழந்துள்ளனர். இந்நிலையில் இப்போட்டியில் ஜெய்ஸ்வால் அரைசதம் கடந்ததன் மூலம் சர்வதேச டெஸ்ட் கிரிக்கெட்டில் சில சாதனைகளையும் படைத்துள்ளார்.  

இங்கிலாந்துக்கு எதிராக 1000 டெஸ்ட் ரன்கள்

அதன்படி இப்போட்டியின் மூலம் யஷஸ்வி ஜெய்ஸ்வால் இங்கிலாந்துக்கு எதிராக தனது 1000 டெஸ்ட் ரன்களை எட்டியுள்ளார். இதன்மூலம் இங்கிலாந்துக்கு எதிராக இந்த மைல் கல்லை எட்டிய இரண்டாவது அதிவேகமான இந்திய வீரர் எனும் முகமது அசாரூதின் சாதனையை சமன்செய்துள்ளார். முன்னதாக அசாரூதின் 16 இன்னிங்ஸில் இதனை செய்த நிலையில் ஜெய்ஸ்வாலும் தனது 16ஆவது இன்னிங்ஸில் இதனை எட்டி சாதனையை சமன்செய்துள்ளார். இந்த பட்டியலில் சச்சின் டெண்டுல்கர் மற்றும் ராகுல் டிராவிட் ஆகியோர் தலா 15 இன்னிங்ஸ்களில் இதனைச் செய்து முதலிடத்தில் உள்ளனர்.

அதிகமுறை 50+ ஸ்கோர்கள்

இதுதவிர்த்து இப்போட்டியில் யஷஸ்வி ஜெய்ஸ்வால் அரைசதம் கடந்ததன் மூலம், 43 டெஸ்ட் இன்னிங்ஸ்களுக்கு பிற்கு அதிக 50+ ஸ்கோரை பதிவுசெய்த வீரர்கள் பட்டியலில் சச்சின் டெண்டுல்கர் மற்றும் சுனில் கவாஸ்கார் ஆகியோரது சாதனையை சமன்செய்துள்ளார். முன்னதாக சச்சின் மற்றும் கவாஸ்கர் இருவரும் 17 50+ ஸ்ஓரை பதிவுசெய்திருந்த நிலையில் ஜெய்ஸ்வாலும் அதே எண்ணிகையிலான 50+ ஸ்கோரை பதிவுசெய்து சாதனையை சமன்செய்துள்ளார். இதன் பட்டியலில் ராகுல் டிராவிஸ் 20 முறை 50+ ஸ்கோரை பதிவுசெய்து முதலிடத்தில் உள்ளார்.

இந்தியாவுக்காக 43 டெஸ்ட் இன்னிங்ஸ்களுக்குப் பிறகு அதிக முறை 50+ ஸ்கோர்கள்

• 20: ராகுல் டிராவிட்
• 17: யஷஸ்வி ஜெய்ஸ்வால்
• 17: சச்சின் டெண்டுல்கர்
• 17: சுனில் கவாஸ்கர்

தொடக்க வீரராக அதிக 50+ ஸ்கோர்கள்

மேற்கொண்டு இங்கிலாந்தில் நடைபெற்ற் டெஸ்ட் போட்டிகளில் இந்திய அணியின் தொடக்க வீரராக அதிக 50+ ஸ்கோரை பதிவுசெய்த தொடக்க வீரர்கள் பட்டியலிலும் யஷஸ்வி ஜெய்ஸ்வால் இரண்டாம் இடத்திற்கு முன்னேறியுள்ளார். இதன் மூலம் அவர் ரோஹித் சர்மாவின் சாதனையையும் சாமன்செய்துள்ளார். இதற்கு முன் ரோஹித் சர்மா 24 இன்னிங்ஸ்களில் 8 முறை 50+ ஸ்கோரை அடித்ததே சாதனையாக இருந்த நிலையில், தற்போது ஜெய்ஸ்வாலும் 8 முறை 50+ ஸ்கோரை பதிவுசெய்து சாதனையை சமன்செய்துள்ளார். 

இங்கிலாந்துக்கு எதிராக அதிக 50+ ஸ்கோர்கள் (இந்தியர்கள்)

• 20 - சுனில் கவாஸ்கர் (66 இன்னிங்ஸ்)
• 8* - (16 இன்னிங்ஸ்)
• 8 - ரோஹித் சர்மா (24 இன்னிங்ஸ்)
• 7 - கே.எல். ராகுல் (27 இன்னிங்ஸ்)

இங்கிலாந்து பிளேயிங் லெவன்: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி ப்ரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டௌசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர்.

இந்தியா பிளேயிங் லெவன்: கேஎல் ராகுல், யஷஸ்வி ஜெய்ஸ்வால், சாய் சுதர்ஷன், ஷுப்மன் கில்(கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், ஷர்துல் தாக்கூர். ஜஸ்பிரித் பும்ரா, அன்ஷுல் கம்போஜ், முகமது சிராஜ்.