சதமடித்து சர்வதேச டெஸ்டில் சாதனை படைத்த பென் ஸ்டோக்ஸ்!
இந்திய அணிக்கு எதிரான நான்காவது டெஸ்ட் போட்டியில் இங்கிலாந்து அணி கேப்டன் பென் ஸ்டோக்ஸ் சதமடித்து அசத்தியுள்ளார்.
இங்கிலாந்து - இந்தியா அணிகளுக்கு இடையேயான நான்காவது டெஸ்ட் போட்டி மான்செஸ்டரில் உள்ள ஓல்ட் டிராஃபோர்ட் மைதானத்தில் நடைபெற்று வருகிறது. இப்போட்டியில் டாஸை இழந்து முதலில் பேட்டிங் செய்த இந்திய அணி முதல் இன்னிங்ஸில் 358 ரன்களைச் சேர்த்து ஆல் அவுட்டான நிலையில், இங்கிலாந்து அணி அபாரமான ஆட்டத்தை வெளிப்படுத்தி வருவதுடன் 600 ரன்களுக்கு மேல் குவித்து வலுவான முன்னிலையைப் பெற்றுள்ளது.
அதிலும் குறிப்பாக இப்போட்டியில் அபார ஆட்டத்தை வெளிப்படுத்தி வரும் இங்கிலாந்து அணி கேப்டன் பென் ஸ்டோக்ஸ் சர்வதேச டெஸ்ட் கிரிக்கெட்டில் தனது 15ஆவது சதத்தைப் பூர்த்தி செய்து அசத்தியதுடன் சில சாதனைகளையும் படைத்துள்ளார். அதன்படி இப்போட்டியில் பென் ஸ்டோக்ஸ் முதல் இன்னிங்ஸில் 5 விக்கெட்டுகளை கைப்பற்றியதுடன் தற்போது பேட்டிங்கில் சாதமடித்தும் அசத்தியுள்ளார்.
இதன்மூலம் சர்வதேச டெஸ்ட் கிரிக்கெட்டில் கேப்டனாக ஒரு போட்டியில் சதம் மற்றும் 5 விக்கெட்டுகளை கைப்பற்றிய 5ஆவது வீரர் மற்றும் இரண்டாவது இங்கிலாந்து வீரர் எனும் பெருமையைப் பெற்றுள்ளார். இதற்கு முன் இங்கிலாந்து அணிக்காக கடந்த 1955ஆம் ஆண்டு டேனிஸ் அட்கின்சன் இந்த சாதனையைப் படைத்திருந்தார். அதேசமயம் பாகிஸ்தானின் இம்ரான் கான், முஷ்டாக் முகமது, கேரி சோபர்ஸ் உள்ளிட்டோரு உலகளவில் இந்த சாதனையை படைத்துள்ள்து குறிப்பிடத்தக்கது.
ஒரே டெஸ்ட் போட்டியில் சதம் மற்றும் 5 விக்கெட்டுகள் வீழ்த்திய கேப்டன்கள் :-
- டெனிஸ் அட்கின்சன் vs ஆஸ்திரேலியா, 1955
- கேரி சோபர்ஸ் vs இங்கிலாந்து, 1966
- முஷ்டாக் முகமது vs மேற்கு இந்திய அணி, 1977
- இம்ரான் கான் vs இந்தியா, 1983
- பென் ஸ்டோக்ஸ் vs இந்தியா, 2025*
இதுதவிர்த்து பென் ஸ்டோக்ஸ் இப்போட்டியில் 114 ரன்களைக் கடந்ததன் மூலம் சர்வதேச டெஸ்ட் கிரிக்கெட்டில் தனது 7ஆயிரம் ரன்களையும் பூர்த்தி செய்து அசத்தினார். இதன் மூலம் சர்வதேச டெஸ்ட் கிரிக்கெட்டில் இங்கிலாந்து அணிக்காக 7ஆயிரம் ரன்களைக் கடந்த 13ஆவது வீரர் எனும் பெருமையைப் பெற்றுள்ளார். அதேசமயம் பேட்டிங்கில் 7000 ரன்களும், பந்துவீச்சில் 200+ விக்கெட்டுகளையும் வீழ்த்திய முதல் இங்கிலாந்து வீரர் மற்றும் உலகளவில் மூன்றாவது வீரர் எனும் பெருமையையும் பெற்றுள்ளார்.
டெஸ்ட் போட்டிகளில் 7000+ ரன்கள் மற்றும் 200+ விக்கெட்டுகள்
- ஜாக் காலிஸ் (தென் ஆப்பிரிக்கா)
- கேரி சோபர்ஸ் (வெஸ்ட் இண்டீஸ்)
- பென் ஸ்டோக்ஸ் (இங்கிலாந்து)
இங்கிலாந்து பிளேயிங் லெவன்: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி ப்ரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டௌசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர்.
Also Read: LIVE Cricket Score
இந்தியா பிளேயிங் லெவன்: கேஎல் ராகுல், யஷஸ்வி ஜெய்ஸ்வால், சாய் சுதர்ஷன், ஷுப்மன் கில்(கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், ஷர்துல் தாக்கூர். ஜஸ்பிரித் பும்ரா, அன்ஷுல் கம்போஜ், முகமது சிராஜ்.
Win Big, Make Your Cricket Tales Now
