என்னைப் பொறுத்தவரை இவர் தான் சிறந்தவர் - ஏபிடி வில்லியர்ஸ்!

டி20 கிரிக்கெட் வரலாற்றில் சிறந்த கிரிக்கெட் வீரர் யார் என்ற கேள்விக்கு ஏபில் டிவிலியர்ஸ் பளிச்சென்று ஒரு பதில் அளித்துள்ளார்.

AB de Villiers names greatest T20 player of all time and it's not Virat Kohli! (Image Source: Google)

டிவிலியர்ஸும் விராட் கோலியும் நல்ல நண்பர்கள் என்று நம் அனைவருக்கும் தெரிந்த விஷயமே. ஆனால் டிவிலியர்ஸ் சிறந்த டி20 கிரிக்கெட் வீரருக்கு விராட் கோலி பெயரை சொல்லவில்லை என்பது ரசிகர்களை ஆச்சரியத்தை ஏற்படுத்தியிருக்கிறது.

சர்வதேச டி20 கிரிக்கெட்டில் அதிக ரன்கள் விளாசியவர்கள் பட்டியலில் விராட் கோலி 4,008 ரன்கள் உடன் முதலிடத்தில் இருக்கிறார். இதில் ஒரு சதமும் 37 அரை சதமும் அடங்கும். அதன் பிறகு இந்திய அணி கேப்டன் ரோஹித் சர்மா இரண்டாவது இடத்தில் இருக்கிறார். அவர் 3853 ரன்களும், நான்கு சதம் மற்றும் 29 அரை சதமும் அடங்கும்.

இதேபோன்று பந்துவீச்சாளர்கள் பட்டியலில் அதிக விக்கெட் வீழ்த்தியவர்கள் பட்டியலில் முதலிடத்தில் டிம் சவுதியும் இரண்டாவது இடத்தில் ஷகிபுல் ஹசனும் இருக்கிறார்கள். ஆனால் இந்தப் பட்டியலில் இடம் பிடித்தவர்களை எல்லாம் டிவில்லியர்ஸ் சொல்லவில்லை.

இது குறித்து தனியார் நிறுவனத்திற்கு அவர் அளித்த பேட்டியில், “என்னை பொறுத்தவரை டி20 கிரிக்கெட்டில் சிறந்த வீரர் என்றால் அது ரஷித் கான் தான். அவரைத் தவிர வேறு யாரும் கிடையாது. ரஷித் கான் பேட் மற்றும் பந்துவீச்சு என இரண்டிலுமே பங்காற்றுவார். இரண்டிலுமே ரஷித் கான் தான் மேட்ச் வின்னர் பில்டிங்கில் சிறப்பாக செயல்படுவார்.

ரசித் கானுக்கு சிங்கம் போன்ற இதயம் இருக்கிறது. எப்போதுமே போட்டியை வெல்ல வேண்டும் என்று நினைப்பார். டி20 கிரிக்கெட்டில் கடும் சவால்களை பேட்ஸ்மேனுக்கு கொடுப்பார். டி20 கிரிக்கெட்டில் சிறந்த வீரர்கள் பட்டியலில் ரஷீத் கான் வீரர்களில் ஒருவராக இருப்பார். அவ்வளவு ஏன் அவர்தான் சிறந்தவர்” என்று டிவில்லியர்ஸ் பேசியுள்ளார். 

உலகம் முழுவதும் நடைபெறும் டி20 தொடரில் ரஷீத் கான் இல்லாத அணியே கிடையாது. சர்வதேச டி20 கிரிக்கெட்டிலும் 77 போட்டிகளில் விளையாடி 126 விக்கெட்டுகளை அவர் கைப்பற்றி இருக்கிறார் என்பது குறிப்பிடத்தக்கது.

Win Big, Make Your Cricket Tales Now