ஐசிசி விருது: அக். மாதத்திற்கான விருதை வென்ற ஆசிஃப் அலி, லாரா டெலானி!

அக்டோபர் மாதத்தின் ஐசிசியின் சிறந்த வீரராக ஆசிஃப் அலியும், சிறந்த வீராங்கனையாக லாரா டெலானியும் தேர்வு செய்யப்பட்டுள்ளனர்.

சர்வதேச கிரிக்கெட் கவுன்சில் சார்பில் மாதந்தோறும் கிரிக்கெட்டில் சிறந்து விளங்கும் வீரர், வீராங்கனை தேர்வு செய்யப்பட்டு விருது வழங்கி கவுரவிக்கப்பட்டு வருகிறார்கள். 

இந்த ஐசிசி விருது பட்டியலில் இடம் பெறும் 3 வீரர், வீராங்கனைகளில் இருந்து தலா ஒருவர் வாக்குகளின் அடிப்படையில் தேர்வு செய்து விருது வழங்கி வருகின்றனர். 

இந்நிலையில், அக்டோபர் மாதத்திற்கான சிறந்த வீரராக பாகிஸ்தான் அணியின் ஆசிஃப் அலி தேர்வு செய்யப்பட்டுள்ளார். டி20 உலகக்கோப்பை சூப்பர் 12 லீக் சுற்றில் சிறப்பான ஆட்டத்தை வெளிப்படுத்தியதன் மூலம் இவருக்கு இந்த விருது வழங்கப்பட்டுள்ளது.

அதேபோல் அக்டோபர் மாதத்திற்கான சிறந்த வீராங்கனையாக அயர்லாந்து கேப்டன் லாரா டெலானி தேர்வு செய்யப்பட்டுள்ளார். ஜிம்பாப்வே அணிக்கெதிரான ஒருநாள் தொடரில் சிறப்பான ஆட்டத்தை வெளிப்படுத்தியதன் அடிப்படையில் இவருக்கு இந்த விருது வழங்கப்பட்டுள்ளது.