முஷ்ஃபிக்கூரை க்ளீன் போல்டாக்கிய ஜஸ்பிரித் பும்ரா - வைரல் காணொளி!
வங்கதேச அணிக்கு எதிரான இரண்டாவது டெஸ்ட் போட்டியில் இந்திய வீரர் ஜஸ்பிரித் பும்ரா விக்கெட்டை வீழ்த்திய காணொளி வைரலாகி வருகிறது.
இதையடுத்து பேட்டிங் செய்ய களமிறங்கிய வங்கதேச அணியில் ஸகிர் ஹசன் ரன்கள் ஏதுமின்றியும், ஷாத்மான் இஸ்லாம் 24 ரன்களிலும், கேப்டன் நஜ்முல் ஹொசைன் சாண்டோ 31 ரன்களிலும் என அடுதடுத்து விக்கெட்டுகளை இழந்து ஏமாற்றமளித்தனர். இதனால் வங்கதேசம் அணி 3 விக்கெட்டுகள் இழப்புக்கு 107 ரன்களை எடுத்திருந்த நிலையில் மழை குறுக்கிட்டதால் முதல்நாள் ஆட்டம் அத்துடன் முடிவுக்கு வந்ததாக அறிவிக்கப்பட்டது.
Trending
வங்கதேச அணி தரப்பில் மொமினுல் 40 ரன்களுடனும், முஷ்ஃபிக்கூர் ரஹீம் 6 ரன்களுடன் களத்தில் இருந்தனர். இதனையடுத்து நடைபெற இருந்த இப்போட்டியின் இரண்டாம் நாள் மற்றும் மூன்றாம் நாள் ஆட்டங்கள் தொடர் மழை மற்றும் ஈரப்பதம் காரணமாக முழுவதுமாக கைவிடப்பட்டது. இதனால் இப்போட்டியானாது மீண்டும் நடைபெறுமா என்ற சந்தேகமும் ரசிகர்கள் மத்தியில் எழத்தொடங்கியது.
இந்நிலையில் இன்றைய தினம் இப்போட்டியின் நான்காம் நாள் ஆட்டமானது குறிப்பிட்ட நேரத்தில் தொடங்கியது. அதன்படி வங்கதேச அணி தரப்பில் மொமினுல் ஹக் மற்றும் முஷ்ஃபிக்கூர் ரஹிம் இணை இன்னிங்ஸைத் தொடங்கினர். இதில் நிதான ஆட்டத்தை வெளிப்படுத்திய முஷ்ஃபிக்கூர் ரஹிம் 11 ரன்கள் எடுத்த நிலையில் விக்கெட்டை இழந்தார். அதேசமயம் மறுபக்கம் சிறப்பான ஆட்டத்தை வெளிப்படுத்திய மொமினுல் ஹக் தனது அரைசதத்தைப் பதிவுசெய்தார்.
BOOM! @Jaspritbumrah93 strikes early on Day 4 with a splendid delivery that comes back in sharply!
— BCCI (@BCCI) September 30, 2024
Mushfiqur Rahim departs for 11.
Live - https://t.co/JBVX2gyyPf#TeamIndia | #INDvBAN | @IDFCFIRSTBank pic.twitter.com/Dc4qdmt3M2
அவருடன் இணைந்து விளையாடி வரும் லிட்டன் தாஸும் அணியின் ஸ்கோரை உயர்த்தும் முயற்சியில் இறங்கியுள்ளார். இதன்மூலம் வங்கதேச அணி தற்போது வரை 4 விக்கெட் இழப்பிற்கு 148 ரன்களை எடுத்துள்ளது. இந்நிலையில் இன்றைய ஆட்டத்தில் இந்திய வேகப்பந்து வீச்சாளர் ஜஸ்பிரித் பும்ரா தனது அபாரமான பந்துவீச்சின் மூலம் முஷ்ஃபிக்கூர் ரஹிமை க்ளீன் போல்டாக்கி வெளியேற்றினார்.
Also Read: Funding To Save Test Cricket
அதன்படி இன்னிங்ஸின் 41ஆவது ஓவரை பும்ரா வீச, அந்த ஓவரின் முதல் பந்தை பவுண்டரி அடித்த முஷ்ஃபிக்கூர் அடுத்த பந்தை விட்டு ஆட முயற்சித்தார். ஆனால் இன்ஸ்விங் பந்தை கணிக்க தவறிய அவர் பந்தை விட்டு ஆட, அட நேரடியாக ஆஃப் ஸ்டம்பைத் தக்கியது. இதனால் 11 ரன்கள் மட்டுமே எடுத்த நிலையில் முஷ்ஃபிக்கூர் தனது விக்கெட்டை இழந்தார். இந்நிலையில் ஜஸ்பிரித் பும்ரா விக்கெட் வீழ்த்தும் காணொளியானது தற்போது வைரலாகி வருகிறது.
Win Big, Make Your Cricket Tales Now
