நாங்கள் நல்ல கிரிக்கெட்டை விளையாடி வருகிறோம் - மிட்செல் சான்ட்னர்!
நாங்கள் நல்ல கிரிக்கெட் விளையாடி வருகிறோம், இந்த அணியில் அனுபவம் வாய்ந்த வீரர்களும் இளைய வீரர்களும் நன்றாக இணைந்துள்ளனர் என்று நியூசிலாந்து அணி கேப்டன் மிட்செல் சான்ட்னர் தெரிவித்துள்ளார்.
இந்நிலையில் இப்போட்டி குறித்து பேசிய நியூசிலாந்து கேப்டன் மிட்செல் சான்ட்னர், “இது இன்னொரு போட்டி என்று சொல்வது எளிது - ஆனால் நிச்சயமாக இது அப்படி இல்லை. இருப்பினும் எங்கள் அணி வீரர்கள் இப்போட்டியை மற்ற போட்டிகளைப் போலவே அணுக வேண்டும் என்று நான் நினைக்கிறேன். இந்தப் தொடரில் நாங்கள் நிறைய நல்ல விஷயங்களைச் செய்துள்ளோம். அதனால் இப்போட்டியிலும் அதனை பின்பற்று அணியை முன்னோக்கி எடுத்துச் செல்ல வேண்டும்.
நாங்கள் நல்ல கிரிக்கெட் விளையாடி வருகிறோம், இந்த அணியில் அனுபவம் வாய்ந்த வீரர்களும் இளைய வீரர்களும் நன்றாக இணைந்துள்ளனர். இப்போதைக்கு முக்கியமானது, சந்தர்ப்பத்தைப் பார்த்து மிரண்டு போகாமல், விஷயங்களை நிதானமாக வைத்து, செயல்பாட்டில் கவனம் செலுத்துவதாகும். இப்போட்டிக்காக நாங்கள் சிறந்த முறையில் பயிற்சி செய்துள்ளோம். அதேசமயம் மேட் ஹென்றி உடற்தகுதியைப் பொறுத்து அவர் லெவனில் இருப்பாரா என்பது குறித்த இறுதி முடிவை எடுப்போம்” என்று கூறியுள்ளார்.
முன்னதாக, தென் ஆப்பிரிக்காவிற்கு எதிரான 2ஆவது அரையிறுதியில் ஹென்ரிச் கிளாசனின் கேட்ச்சைப் பிடிக்கும் போது மேட் ஹென்றி வலது தோள்பட்டையில் காயம் ஏற்பட்டது. இந்நிலையில் அவரது காயம் தீவிரமடைந்துள்ளதாகவும், இதனால் அவர் இறுதிப்போட்டியில் இருந்து விலகும் அபாயம் ஏற்பட்டுள்ளதாகவும் தகவல்கள் வெளியாகியுள்ளன.
ஒருவேளை மேட் ஹென்றி இப்போட்டியை தவறவிடும் பட்சத்தில் ஆல் ரவுண்டர் நாதன் ஸ்மித் அல்லது வேகப்பந்து வீச்சாளர் ஜேக்கப் டஃபி ஆகியோரில் ஒருவர் பிளேயிங் லெவனில் சேர்க்கப்படலாம். நியூசிலாந்துக்காக நேதன் ஸ்மித் 7 ஒருநாள் போட்டிகளில் 7 விக்கெட்டுகளை வீழ்த்தியுள்ளார். ஜேக்கப் டஃபி 11 ஒருநாள் போட்டிகளில் 19 விக்கெட்டுகளை வீழ்த்தியுள்ளார். இதனால் இவர்களில் ஜேக்கப் டஃபி இடம்பெற அதிக வாய்ப்புள்ளதாக கருதப்படுகிறது.
Also Read: Funding To Save Test Cricket
நியூசிலாந்து அணி: வில் யங், ரச்சின் ரவீந்திரா, கேன் வில்லியம்சன், டேரில் மிட்செல், டாம் லேதம், கிளென் பிலிப்ஸ், மைக்கேல் பிரேஸ்வெல், மிட்செல் சாண்ட்னர் (கேப்டன்), மேட் ஹென்றி, கைல் ஜேமிசன், வில்லியம் ஓரூர்க், ஜேக்கப் டஃபி, டெவன் கான்வே, மார்க் சாப்மேன், நாதன் ஸ்மித்
Advertisement
Win Big, Make Your Cricket Tales Now
கிரிக்கெட்: Tamil Cricket News
