தொடர்ந்து விளையாட ஆர்வமாக இருக்கிறேன் - ஜோஃப்ரா ஆர்ச்சர்

இந்தியாவுக்கு எதிரான டெஸ்ட் தொடரின் மீதமுள்ள போட்டிகளில் தொடர்ந்து விளையாட ஆர்வமாக இருப்பதாக இங்கிலாந்து வேகப்பந்து வீச்சாளர் ஜோஃப்ரா ஆர்ச்சர் கூறியுள்ளார்.

தொடர்ந்து விளையாட ஆர்வமாக இருக்கிறேன் - ஜோஃப்ரா ஆர்ச்சர் (Image Source: Google)

இங்கிலாந்து - இந்தியா அணிகளுக்கு இடையேயான 5 போட்டிகள் கொண்ட ஆண்டர்சன் - டெண்டுல்கர் கோப்பை கிரிக்கெட் தொடரானது நடைபெற்று வருகிறது. இதில் முதல் டெஸ்ட் போட்டியில் இங்கிலாந்து அணியும், இரண்டாவது டெஸ்ட் போட்டியில் இந்திய அணியும், மூன்றாவது டெஸ்ட் போட்டியில் இங்கிலாந்து அணியும் வெற்றியைப் பதிவுசெய்துள்ளன. இதன்மூலம் இந்த தொடரில் இங்கிலாந்து அணி 2-1 என்ற கணக்கில் முன்னிலைப் பெற்றுள்ளது. 

இதனையடுத்து இங்கிலாந்து - இந்தியா அணிகளுக்கு இடையேயான நான்காவது டெஸ்ட் போட்டி ஜூலை 23ஆம் மான்செஸ்டரில் நடைபெறவுள்ளது. இதிலும் இங்கிலாந்து அணி வெற்றிபெறும் பட்சத்தில் டெஸ்ட் தொடரை கைப்பற்றும் என்பதால் இப்போட்டி மீதான எதிர்பார்ப்புகளும் ரசிகர்கள் மத்தியில் அதிகரித்துள்ளது. இந்நிலையில் இத்தொடரின் எஞ்சிய போட்டிகளில் விளையாட ஆர்வமாக இருப்பதாக இங்கிலாந்து வேகப்பந்து வீச்சாளர் ஜோஃப்ரா ஆர்ச்சர் கூறியுள்ளார்.

இதுகுறித்து பேசிய அவர், “அணி நிர்வாகம் அனுமதிக்கும் பட்சத்தில் இத்தொடரின் மற்ற இரண்டு டெஸ்ட் போட்டிகளிலும் நான் விளையாட ஆர்வமாக இருக்கிறேன். நான் இந்தத் தொடரை நான் இழக்க விரும்பவில்லை. மேலும் அணியின் நிர்வாக இயக்குனர் ராக் கீயிடம் இந்த டெஸ்ட் தொடர் மட்டுமின்றி ஆஷஸ் டெஸ்ட் தொடரிலும் விளையாட விரும்புகிறேன் என்றும் சொன்னேன். இதில் தற்சமயம் தற்சயம் ஒன்றை நான் செய்துள்ளேன். 

அதேபோல் ஆஷஸ் டெஸ்ட் தொடரில் விளையாடுவதற்காக என்னால் முடிந்த அனைத்தையும் செய்வேன் என்று நம்புகிறேன். நிச்சயமாக இந்த வடிவத்திற்கு திரும்ப நான் அதிகம் நேரம் எடுத்துள்ளேன். இருப்பினும் கடந்த ஒன்றரை வருடங்களாக நான் ஒருநாள் மற்றும் டி20 போட்டிகளில் விளையாடி வருகிறேன். அதன் காரணமாக நான் இப்போது மீண்டும் என்னால் முடிந்த அனைத்தையும் கொடுக்க தயாராக இருக்கிறேன்” என்று தெரிவித்துள்ளார். 

லார்ட்ஸ் டெஸ்ட் போட்டியில் இங்கிலாந்து அணி வெற்றி பெற்றதில் ஜோஃப்ரா ஆர்ச்சர் முக்கிய பங்கு வகித்தார். இந்த போட்டியின் இரண்டு இன்னிங்ஸ்களிலும் சிறப்பான பந்துவீச்சை வெளிப்படுத்தியா அவர் இந்திய பேட்டர்களை ஆழுத்தத்தில் தள்ளினார். இதனால் இத்தொடரின் எஞ்சிய இரண்டு போட்டிகளிலும் ஜோஃப்ரா ஆர்ச்சர் விளையாடும் பட்சத்தில் அது இங்கிலாந்து அணிக்கு பெரும் பலமாக அமையும் என்பதில் எந்த சந்தேகமும் இல்லை.

இங்கிலாந்து அணி: பென் ஸ்டோக்ஸ் (கேப்டன்), ஜோஃப்ரா ஆர்ச்சர், கஸ் அட்கின்சன், ஜேக்கப் பெத்தேல், ஹாரி புரூக், பிரைடன் கார்ஸ், ஜாக் கிராலி, லியாம் டௌசன், பென் டக்கெட், ஓலி போப், ஜோ ரூட், ஜேமி ஸ்மித், ஜோஷ் டோங், கிறிஸ் வோக்ஸ்.

இந்திய டெஸ்ட் அணி: ஷுப்மன் கில் (கேப்டன்), ரிஷப் பந்த் (துணைக்கேப்டன்), யஷஸ்வி ஜெய்ஸ்வால், கேஎல் ராகுல், சாய் சுதர்ஷன், அபிமன்யு ஈஸ்வரன், கருண் நாயர், நிதிஷ் குமார் ரெட்டி, ரவீந்திர ஜடேஜா, துருவ் ஜூரல், வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், பிரசித் கிருஷ்ணா, ஆகாஷ் தீப், அர்ஷ்தீப் சிங், குல்தீப் யாதவ், ஹர்ஷித் ரானா.