ENG vs PAK: ரோஹித் சர்மா சாதனையை முறியடிக்க காத்திருக்கும் பாபர் அசாம்!

இங்கிலாந்து அணிக்கு எதிரான டி20 தொடரில் பாகிஸ்தான் அணியின் கேப்டன் பாபர் அசாம் சர்வதேஅச் டி20 கிரிக்கெட்டில் சில சாதனைகளை முறியடிப்பார் என எதிர்பார்க்கப்படுகிறது.

ENG vs PAK: ரோஹித் சர்மா சாதனையை முறியடிக்க காத்திருக்கும் பாபர் அசாம்! (Image Source: Google)

ஐசிசி டி20 உலகக்கோப்பை கிரிக்கெட் தொடரானவது வரவுள்ள ஜூன் மாதம் வெஸ்ட் இண்டீஸ் மற்றும் அமெரிக்காவில் நடைபெறவுள்ளது. மொத்தம் 20 அணிகள் பங்கேற்கும் இத்தொடரில் எந்த அணி கோப்பையை வென்று சாம்பியன் பட்டத்தை கைப்பற்றும் என்ற எதிர்பார்ப்புகள் அதிகரித்துள்ளன. அதேசமயம் இத்தொடரில் பங்கேற்கும் ஒவ்வொரு கிரிக்கெட் வாரியங்களும் தங்களது அணி வீரர்களை அறிவித்து வருகின்றன. 

அந்தவகையில் பாபர் ஆசாம் தலைமையிலான பாகிஸ்தான் அணியானது இங்கிலாந்தில் சுற்றுப்பயணம் மேற்கொண்டு 4 போட்டிகள் கொண்ட டி20 தொடரில் விளையாடவுள்ளது. அதன்படி இவ்விரு அணிகளுக்கும் இடையேயான முதலாவது டி20 போட்டியானது நாளை லீட்ஸீன் ஹெடிங்லே கிரிக்கெட் மைதானத்தில் நடைபெறவுள்ளது. இத்தொடருக்காக இரு அணி வீரர்களும் தீவிரமாக தயாராகி வருகின்றனர்.

இந்நிலையில் இத்தொடரில் பாகிஸ்தான் அணி கேப்டன் பாபர் ஆசாம் 20 ரன்களைச் சேர்க்கும் பட்சத்தில் ரோஹித் சர்மாவின் சாதனையை முறியடிக்க உள்ளார். அதன்படி சர்வதேச டி20 கிரிக்கெட்டில் அதிக ரன்களை அடித்த வீரர்கள் பட்டியலில் இந்திய அணி கேப்டன் ரோஹித் சர்மா 143 இன்னிங்ஸ்களில் விளையாடி 3974 ரன்களைச் சேர்த்து இரண்டாம் இடத்தில் உள்ளார். 

அதேசமயம் பாகிஸ்தான் அணியின் கேப்டன் பாபர் ஆசாம் 110 இன்னிங்ஸ்களில் விளையாடி 3955 ரன்களைச் சேர்த்து மூன்றாம் இடத்தில் உள்ளார். இங்கிலாந்துக்கு எதிரான இத்தொடரில் பாபர் ஆசாம் மேற்கொண்டு 20 ரன்கள் சேர்த்தால், சர்வதேச டி20 கிரிக்கெட்டில் அதிக ரன்களை அடித்த இரண்டாவது வீரர் எனும் ரோஹித் சர்மாவின் சாதனையை முறியடித்து புதிய சாதனை படைப்பார் என்பது குறிப்பிடத்தக்கது. 

சர்வதேச டி20 கிரிக்கெட்டில் அதிக ரன்கள் எடுத்த வீரர்கள்

• விராட் கோலி - 4037 ரன்கள் (109 இன்னிங்ஸ்)
• ரோஹித் சர்மா - 3974 ரன்கள் (143 இன்னிங்ஸ்)
• பாபர் ஆசாம் - 3955 ரன்கள் (110 இன்னிங்ஸ்)
• மார்ட்டின் கப்தில் - 3531 ரன்கள் (118 இன்னிங்ஸ்)
• பால் ஸ்டிர்லிங் - 3521 ரன்கள் (139 இன்னிங்ஸ்)

Win Big, Make Your Cricket Tales Now