ENG vs ZIM: தொடரில் இருந்து விலகிய ஜோர்டன் காக்ஸ்; அறிமுக வீரருக்கு வாய்ப்பு!

ENG vs ZIM: தொடரில் இருந்து விலகிய ஜோர்டன் காக்ஸ்; அறிமுக வீரருக்கு வாய்ப்பு! (Image Source: Google)

By Bharathi Kannan
May 08, 2025 • 02:38 PM

ஜிம்பாப்வே அணி இங்கிலாந்தில் சுற்றுப்பயணம் செய்து ஒரே ஒரு டெஸ்ட் போட்டியில் விளையாடவுள்ளது. அதன்படி இவ்விரு அணிகளுக்கும் இடையேயான இந்த டெஸ்ட் போட்டியானது நாட்டிங்ஹாமில் உள்ள ட்ரென்ட் பிரிட்ஜ் மைதானத்தில் மே 22ஆம் தேதி நடைபெறவுள்ளது.

By Bharathi Kannan
May 08, 2025 • 02:38 PM

இந்நிலையில் இந்த டெஸ்ட் போட்டிக்கான பென் ஸ்டோக்ஸ் தலைமையிலான 13 பேர் அடங்கிய இங்கிலாந்து அணி சமீபத்தில் அறிவிக்கப்பட்டது.  முன்னதாக கடந்தாண்டு நியூசிலாந்துக்கு எதிரான டெஸ்ட் போட்டியின் போது கயத்தை சந்தித்த பென் ஸ்டோக்ஸ் அதன்பின் 5 மாதங்களாக எந்தவொரு போட்டிகளிலும் பங்கேற்காமல் விலகி வந்தார். மேற்கொண்டு எந்தவொரு போட்டிகளிலும் விளையாடமால் அவர், தற்போது காயத்தில் இருந்து மீண்டடு இங்கிலாந்து அணியின் கேப்டனாகவும் நியமிக்கப்பட்டுள்ளார். 

மேற்கொண்டு இந்த இங்கிலாந்து டெஸ்ட் அணியில் அறிமுக வீரர்கள் சாம் குக் மற்றும் ஜோர்டன் காக்ஸ் உள்ளிட்டோருக்கும் வாய்ப்பு வழங்கப்பட்டுள்ளது. இவரும் நடைபெற்றுவரும் கவுண்டி சாம்பியன்ஷிப் தொடரில் சசெக்ஸ் அணிக்காக விளையாடி வந்த நிலையில், தொடர்ச்சியாக சிறப்பான ஆட்டத்தை வெளிப்படுத்தியதன் மூலம் இங்கிலாந்து டெஸ்ட் அணியில் தேர்வு செய்யப்பட்டுள்ளனர். 

மேற்கொண்டு கடந்த இரண்டு ஆண்டுகளாக இங்கிலாந்து டெஸ்ட் அணியில் இடம்பிடிக்க முடியாமல் தடுமாறி வந்த ஜோஷ் டங்கிற்கு இந்த அணியில் வாய்ப்பு வழங்கப்பட்டுள்ளது. இதுதவிர்த்து அணியின் நட்சத்திர வீரர்கள் ஜோ ரூட், பென் டக்கெட், ஹாரி ப்ரூக், கஸ் அட்கின்சன், ஒல்லி போப் ஆகியோருடன் ஸாக் கிரௌலி, சோயப் பசீர், ஜேமி ஸ்மித் உள்ளிட்டோரும் இங்கிலாந்து டெஸ்ட் அணியில் தங்கள் இடங்களைத் தக்கவைத்துள்ளனர். 

இந்நிலையில் கவுண்டி கிரிக்கெட் தொடரில் விளையாடி வந்த ஜோர்டன் காக்ஸ் காயமடைந்ததுடன், இத்தொடரில் இருந்தும் விலகினார். இதனையாடுத்து ஜோர்டன் காக்ஸுக்கு பதிலாக அறிமுக விக்கெட் கீப்பர் பேட்டர் ஜேம்ஸ் ரீவ் இங்கிலாந்து டெஸ்ட் அணியில் சேர்க்கப்பட்டுள்ளார். முன்னதாக நியூசிலாந்து டெஸ்ட் தொடரின் போதே இங்கிலாந்து அணியில் இடம்பிடித்திருந்த ஜேம்ஸ் காயம் காரணமாக அத்தொடரில் இருந்து விலகினார். இந்நிலையில் அவருக்கு மீண்டும் அணியில் வாய்ப்பு வழங்கப்பட்டுள்ளது.