சர்வதேச கிரிக்கெட்டில் புதிய சாதனை படைத்த ஹாரி புரூக்!
சர்வதேச ஒருநாள் கிரிக்கெட்டில் பேட்டிங்கில் அரைசதமும், ஃபீல்டிங்கில் 5 கேட்சுகளையும் பிடித்த முதல் வீரர் எனும் சாதனையை இங்கிலாந்து கேப்டன் ஹாரி ப்ரூக் படைத்துள்ளார்.
இந்நிலையில் இப்போட்டியில் இங்கிலாந்து அணியின் கேப்டனாக செயல்பட்ட ஹாரி புரூக் சர்வதேச கிரிக்கெட்டில் சில சாதனைகளைப் படைத்துள்ளார். அதன்படி இப்போட்டியில் ஹாரி புரூக் பேட்டிங்கில் அரைசதம் கடந்து அசத்தியதுடன், ஃபீல்டிங்கில் 5 கேட்ச்சுகளைப் பிடித்து அசத்தினார். இதில் அவர் வெஸ்ட் இண்டீஸ் அணியின் ஜஸ்டின் கிரீவ்ஸ், கேசி கார்டி, ஜூவல் ஆண்ட்ரூ, ஆமிர் ஜங்கு மற்றும் குடகேஷ் மோட்டி ஆகியோரின் கேட்சுகளைபிடித்தார்.
இதன்மூலம் சர்வதேச ஒருநாள் போட்டிகளில் அதிக கேட்சுகளை பிடித்த வீரர் எனும் சாதனையையும் ஹாரி ப்ரூக் சமன்செய்து அசத்தியுள்ளார். முன்னதாக கடந்த 1993ஆம் ஆண்டு வெஸ்ட் இண்டீஸுகு எதிரான போட்டியில் தென் ஆப்பிரிக்க வீரர் ஜாண்டி ரோட்ஸ் 5 கேட்ச்சுகளை பிடித்ததே இதுநாள் வரையிலும் சாதனையாக இருந்தது. இந்நிலையில் தான் ஹாரி புரூக் அவரது சாதனையை சமன்செய்து அசத்தியுள்ளார்.
இதுதவிர்த்து ஒருநாள் கிரிக்கெட் வரலாற்றில் பேட்டிங்கில் அரைசதமும், ஃபீல்டிங்கில் 5 கேட்சுகளையும் பிடித்த முதல் வீரர் எனும் வரலாற்று சாதனையையும் ஹாரி புரூக் படைத்துள்ளார் என்பது குறிப்பிடத்தக்கது. மேற்கொண்டு ஹாரி புரூக் இங்கிலாந்து ஒருநாள் அணியின் புதிய கேப்டனாக நியமிக்கப்பட்ட பிறகு அவர் எதிர்கொண்ட முதல் போட்டியிலேயே பேட்டிங் மற்றும் ஃபீல்டிங்கில் சிறப்பாக செயல்பட்டுள்ளது ரசிகர்களின் பாராட்டுக்களைப் பெற்று வருகிறது.
இப்போட்டி குறித்து பேசினால் டாஸை இழந்து முதலில் பேட்டிங் செய்த இங்கிலாந்து அணி நிர்ணயிக்கப்பட்ட 50 ஓவர்களில் 8 விக்கெட் இழப்புக்கு 400 ரன்கள் எடுத்தது. இதில் ஜேக்கப் பெத்தேல் 53 பந்துகளில் 82 ரன்களையும், பென் டக்கெட் 48 பந்துகளில் 60 ரன்களையும், கேப்டன் ஹாரி புரூக் 45 பந்துகளில் 58 ரன்களையும், ஜோ ரூட் 65 பந்துகளில் 57 ரன்களையும் எடுத்தனர். இது தவிர, வில் ஜாக்ஸ் 39 ரன்களையும், ஜேமி ஸ்மித் 37 ரன்களையும் எடுத்தனர்.
Also Read: LIVE Cricket Score
வெஸ்ட் இண்டீஸ் அணி தரப்பில் ஜெய்டன் சீல்ஸ் 4 விக்கெட்டுகளையும், அல்ஸாரி ஜோசப் மற்றும் ஜஸ்டின் க்ரீவ்ஸ் ஆகியோர் தல 2 விக்கெட்டுகளையும் கைப்பற்றினர். அதன்பின் இலக்கை நோக்கி விளையாடிய வெஸ்ட் இண்டீஸ் அணி 26.2 ஓவர்களில் அனைத்து விக்கெட்டுகளையும் இழந்து 162 ரன்களுக்கு ஆல் அவுட்டானது. அந்த அணியில் அதிகபட்சமாக ஜெய்டன் சீல்ஸ் 29 ரன்களைச் சேர்த்ததை தவிர்த்து மற்ற வீரர்கள் சோபிக்க தவறியது குறிப்பிடத்தக்கது.
Win Big, Make Your Cricket Tales Now
