WI vs AUS, 2nd T20I: ஹெட்மையர், வால்ஷ் அசத்தல்; ஆஸ்திரேலியாவை தவிடுபொடியாக்கிய விண்டீஸ்!

ஆஸ்திரேலியா அணிக்கு எதிரான 2ஆவது டி20 போட்டியில் வெஸ்ட் இண்டீஸ் அணி 56 ரன்கள் வித்தியாசத்தில் வெற்றி பெற்றது.

Hetmyer, Bravo Power West Indies To Win Against Australia In 2nd T20I (Image Source: Google)

ஆஸ்திரேலியா - வெஸ்ட் இண்டீஸ் அணிகளுக்கு இடையேயான 2ஆவது டி20 போட்டி இன்று காலை நடைபெற்றது. இதில் டாஸ் வென்ற ஆஸ்திரேலியா முதலில் பந்துவீச்சை தேர்வு செய்தது.

அதன்படி, முதலில் பேட் செய்த வெஸ்ட் இண்டீஸ் நிர்ணயிக்கப்பட்ட 20 ஓவரில் 4 விக்கெட் இழப்புக்கு 196 ரன்கள் எடுத்தது. அணியில் அதிகபட்சமாக ஹெட்மையர் 61 ரன்களையு, பிராவோ 47 ரன்களையும் எடுத்தனர். ஆஸ்திரேலியா தரப்பில் ஹசில்வுட், மிட்செல் மார்ஷ், ஆஷ்டன் அகர் ஆகியோர் தலா 1 விக்கெட்டை வீழ்த்தினர்.

இதையடுத்து, 197 ரன்கள் எடுத்தால் வெற்றி என்ற கடின இலக்குடன் களமிறங்கிய ஆஸ்திரேலிய அணி முதலில் இருந்து திணறியது. அந்த அணி வீரர்கள் சீரான இடைவெளியில் விக்கெட்டுகளை இழந்தனர். 

அதிலும் 101 ரன்களில் 4 விக்கெட்டுகளை இழந்த அந்த அணி 113 ரன்கள் எடுப்பதற்குள் அடுத்த 3 விக்கெட்டுகளை இழந்தது. அதன்பின் 19.2 ஓவரில் ஆஸ்திரேலிய அணி அனைத்து விக்கெட்டுகளையும் இழந்து 140 ரன்கள் மட்டுமே எடுத்தது. வெஸ்ட் இண்டீஸ் அணி தரப்பில் ஹெய்டன் வால்ஷ் 3விக்கெட்டுகளையு, ஷெல்டன் காட்ரெல் 2 விக்கெட்டுகளையும் கைப்பற்றினர். 

இதனால் வெஸ்ட் இண்டீஸ் அணி 56 ரன்கள் வித்தியாசத்தில் ஆஸ்திரேலியாவை வீழ்த்தி அபார வெற்றி பெற்றது. இந்த வெற்றியின் மூலம் 5 போட்டிகள் கொண்ட தொடரில் வெஸ்ட் இண்டீஸ் அணி 2-0 என முன்னிலையும் வகிக்கிறது.

Win Big, Make Your Cricket Tales Now