இங்கிலாந்து அணி தற்சமயம் வெஸ்ட் இண்டீஸில் சுற்றுப்பயணம் செய்து 3 போட்டிகள் கொண்ட ஒருநாள் தொடரிலும், 5 போட்டிகள் கொண்ட டி20 தொடரிலும் விளையாடி வருகிறது. இதில் நடந்து முடிந்த மூன்று போட்டிகள் கொண்ட ஒருநாள் தொடரை வெஸ்ட் இண்டீஸ் அணியானது 2-1 என்ற கணக்கில் இங்கிலாந்தை வீழ்த்தி வெற்றிபெற்று அசத்தியது.
இதனைத்தொடர்ந்து வெஸ்ட் இண்டீஸ் - இங்கிலாந்து அணிகளுக்கு இடையேயான 5 போட்டிகள் கொண்ட டி20 தொடரானது நாளை முதல் தொடங்கவுள்ளது. முன்னதாக இத்தொடரில் பங்கேற்கும் இங்கிலாந்து அணி அறிவிக்கப்பட்டிருந்த நிலையில், தற்சமயம் டி20 தொடருக்கான வெஸ் இண்டீஸ் அணியை அந்நாட்டு கிரிக்கெட் வாரியம் இன்று அறிவித்துள்ளது. அதன்படி இந்த அணியின் கேப்டனாக ரோவ்மன் பாவெல் தொடர்கிறார்.
அதேசமயம் இலங்கை டி20 தொடரின் போது ஓய்வில் இருந்த அதிரடிய வீரர்கள் நிக்கோலஸ் பூரன், ஆண்ட்ரே ரஸல், ஷிம்ரான் ஹெட்மையர் மற்றும் அகீல் ஹொசைன் ஆகியோர் மீண்டும் டி20 அணியில் இணைந்துள்ளனர். மேற்கொண்டு ஆல்ஸாரி ஜோசப் விளையாட தடை விதிக்கப்பட்டிருக்கும் நிலையில் அவருக்கான மாற்று வீரரகாக இங்கிலாந்து ஒருநாள் தொடரில் தொடர்நாயகன் விருதை வென்ற மேத்யூ ஃபோர்ட் அணியில் சேர்க்கப்பட்டுள்ளார்.
