ஐபிஎல் 2024: தொடரிலிருந்து விலகிய டேவிட் வில்லி; மேட் ஹென்றியை ஒப்பந்தம் செய்தது லக்னோ அணி!
நடப்பு சீசன் ஐபிஎல் தொடரிலிருந்து தனிப்பட்ட காரணங்களினால் லக்னோ அணியின் வேகப்பந்து வீச்சாளர் டேவிட் வில்லி விலகியுள்ளார். அவருக்கு மாற்றாக நியூசிலாந்தின் மேட் ஹென்றியை அந்த அணி ஒப்பந்தம் செய்துள்ளது.
ரசிகர்களின் பெரும் எதிர்பார்ப்புகளுக்கு மத்தியில் ஐபிஎல் தொடரின் 17ஆவது சீசன் கடந்த 22ஆம் தேதி தொடங்கி விறுவிறுப்பாக நடைபெற்று வருகிறது. மொத்தம் 10 அணிகள் பங்கேற்கும் இத்தொடரில் எந்த அணி கோப்பையை வென்று சாதனை படைக்கும் என்ற எதிர்பார்ப்பு அதிகரித்துள்ளது. அந்த வகையில் கேஎல் ராகுல் தலைமையில் களமிறங்கியுள்ள லக்னோ சூப்பர் ஜெயண்ட்ஸ் அணி நடப்பு சீசனில் விளையாடிய முதல் போட்டியில் தோல்வியைத் தழுவியுள்ளது.
இதையடுத்து இன்று நடைபெறும் லீக் போட்டியில் பஞ்சாப் கிங்ஸ் அணியை எதிர்த்து லக்னோ அணி விளையாடவுள்ளது. இப்போட்டிக்காக அந்த அணி வீரர்கள் தீவிர பயிசியில் ஈடுபட்டு வருகின்றன. இந்நிலையில் நடப்பு சீசனுக்கான லக்னோ அணியில் இடம்பிடித்திருந்த வேகப்பந்து வீச்சாளர் டேவிட் வில்லி தனிப்பட்ட காரணங்களினால் தொடரிலிருந்து விலகியுள்ளார்.
Trending
முன்னதாக இங்கிலாந்து அணியின் வேகப்பந்து வீச்சாளரான டேவிட் வில்லி ஐஎல்டி20 லீக் மற்றும் பாகிஸ்தான் சூப்பர் லீக் போன்ற தொடர்களில் அடுத்தடுத்து பங்கேற்று வந்ததால், குடுப்பத்தினருடன் சில காலம் இருக்க விருப்பம் தெரிவித்துள்ளதாக கூறப்பட்டது. இதன் காரணமாகவே அவர் முதல் சில் போட்டிகளில் பங்கேற்க மாட்டார் என தகவல்கள் அந்த அணியின் பயிற்சியாளர் ஜஸ்டின் லங்கர் தெரிவித்திருந்தார்.
இந்நிலையில் தான் தனிப்பட்ட காரணங்கள் காரணமாக அவர் ஐபிஎல் தொடரிலிருந்து விலகியுள்ளதாக அறிவிக்கப்பட்டுள்ளது. நடப்பு ஐபிஎல் தொடருக்கான வீரர்கள் மினி ஏலத்தில் டேவிட் வில்லியை அவரது அடிப்படை தொடக்கையான ரூ.2 கோடிக்கு லக்னோ சூப்பர் ஜெயண்ட்ஸ் அணி ஒப்பந்தம் செய்தது. இதையடுத்து அவருக்கு மாற்று வீரராக நியூசிலாந்து அணியின் வேகப்பந்து வீச்சாளர் மேட் ஹென்றி லக்னோ அணியில் சேர்க்கப்பட்டுள்ளார்.
அதன்படி அவரது அடிப்படை தொகையான ரூ.1.25 கோடிக்கு லக்னோ சூப்பர் ஜெயண்ட்ஸ் அணி மேட் ஹென்றியை ஒப்பந்தம் செய்துள்ளது. நியூசிலாந்து அணிக்காக 25 டெஸ்ட், 82 ஒருநாள் மற்றும் 17 டி20 போட்டிகளில் விளையாடியுள்ள மேட் ஹென்றி 255 விக்கெட்டுகளை கைப்பற்றியுள்ளார். மேலும் ஐபிஎல் தொடரில் இதற்கு முன்னதாக பஞ்சாப் கிங்ஸ் மற்றும் சென்னை சூப்பர் கிங்ஸ் போன்ற அணிகளிலும் மேட் ஹென்றி ஒப்பந்தம் செய்யப்பட்டார் என்பது குறிப்பிடத்தக்கது.
லக்னோ சூப்பர் ஜெயண்ட்ஸ்: குயின்டன் டி காக், கேஎல் ராகுல் (கேப்டன்), நிக்கோலஸ் பூரன், தேவ்தத் படிக்கல், ஆயுஷ் பதோனி, ஆஷ்டன் டர்னர், தீபக் ஹூடா, கிருஷ்ணப்பா கௌதம், க்ருனால் பாண்டியா, கைல் மேயர்ஸ், மார்கஸ் ஸ்டொய்னிஸ், பிரேராக் மன்காட், யுத்வீர் சிங் சரக், மேட் ஹென்றி, அர்ஷின் குல்கர்னி, அர்ஷத் கான், ஷமார் ஜோசப், மயங்க் யாதவ், மொஹ்சின் கான், ரவி பிஷ்னோய், யாஷ் தாக்கூர், அமித் மிஸ்ரா, நவீன் உல் ஹக், ஷிவம் மாவி, மணிமாறன் சித்தார்த்.
Win Big, Make Your Cricket Tales Now
