ஐபிஎல் 2025: கேகேஆர் அணியில் இணைந்த உம்ரான் மாலிக்!
காயம் காரணமாக ஐபிஎல் தொடரில் இருந்து விலகி இருந்த உம்ரான் மாலிக், தற்போது மீண்டும் கேகேஆர் அணியுடன் இணைந்துள்ளார்.
இவ்விரு அணிகளுக்கும் இடையேயான இப்போட்டியானது கொல்கத்தாவில் உள்ள ஈடன் கார்டன்ஸ் கிரிக்கெட் மைதானத்தில் நடைபெறவுள்ளது. நடப்பு ஐபிஎல் தொடரில் இவ்விரு அணிகளும் மோதிய போட்டியில் பஞ்சாப் கிங்ஸ் அணி த்ரில் வெற்றியைப் பதிவுசெய்து ஆசத்தியுள்ள நிலையில், கேகேஆர் அணி அதற்கான பதிலடியை இப்போட்டியில் கொடுக்கும் என்ற எதிர்பார்ப்புகள் அதிகரித்துள்ளன. இதற்காக இரு அணி வீரர்களும் தீவிரமாக தயாராகி வருகின்றனர்.
Also Read
இந்நிலையில் இப்போட்டிக்கு முன்னதாக கொல்கத்தா நைட் ரைடர்ஸ் அணிக்கு உத்வேகம் அளிக்கும் வகையில் அதிவேக பந்துவீச்சாளர் உம்ரான் மாலிக் காயத்தில் இருந்து மீண்டும் அணியில் இணைந்துள்ளார். நடந்து முடிந்த ஐபிஎல் வீரர்கள் ஏலத்தில் உம்ரான் மாலிக்கை அவரது அடிப்படை தொகையான ரூ.75 லட்சத்திற்கு கொல்கத்தா நைட் ரைடர்ஸ் அணி ஒப்பந்தம் செய்திருந்தது. இதனையடுத்து அவர் கேகேஆர் அணியுடன் இணைந்து பயிற்சிகளையும் தொடங்கி இருந்தார்.
ஆனால் காயம் காரணமாக அவர் இத்தொடர் தொடங்குவதற்கு முன்னரே தொடரில் இருந்து விலகினார். இதனையடுத்து அவருக்கு மாற்றாக மற்றொரு இந்திய வேகப்பந்து வீச்சாளர் சேத்தன் சகாரியாவை ரூ.75 லட்சத்திற்கு கேகேஆர் அணி ஒப்பந்தம் செய்திருந்தது. இருப்பினும் நடப்பு ஐபிஎல் தொடரில் சேத்தன் சக்காரியா ஒரு போட்டியில் கூட விளையாடும் லெவனில் சேர்க்கப்படவில்லை. இந்நிலையில் தான் காயத்தில் இருந்து மீண்டுள்ள உம்ரான் மாலிக் மீண்டும் கேகேஆர் அணியுடன் இணைந்துள்ளார்.
இதுகுறித்து கேகேஆர் அணி தங்களுடைய அறிக்கையில்,”உம்ரான் மாலிக் தனது காயத்தில் இருந்து மீண்டுள்ளதுடன், ஐபிஎல் தொடரில் எஞ்சியுள்ள போட்டிகளில் விளையாடுவதற்காக கொல்கத்தா நைட் ரைடர்ஸ் அணியிலும் இணைந்துள்ளார். இருப்பினும் அவர் அணியின் அதிகாரப்பூர்வ விளையாட்டு உறுப்பினராக சேரவில்லை, ஆனால் தனது சிறந்த நிலைக்குத் திரும்ப அணி மற்றும் ஆதரவு ஊழியர்களுடன் இணைந்து பணியாற்றுவார்” என்று தெரிவித்துள்ளது.
முன்னதாக அவர் 2021ஆம் ஆண்டு முதல் சன்ரைசர்ஸ் ஹைதராபாத் அணியின் ஒரு அங்கமாக செயல்பட்டு வந்தார். தனது அதிவேகப்பந்துவீச்சின் மூலம் ரசிகர்களின் கவனத்தை ஈர்த்த உம்ரான் மாலிக் இதுவரை ஐபிஎல் தொடரில் 26 போட்டிகளில் விளையாடி 29 விக்கெட்டுகளை வீழ்த்தியுள்ளார். இதுதவிர்த்து அவர் மணிக்கு 150+ கிமீ வேகத்தில் பந்துவீசி எதிரணி பேட்டர்களை நிலைகுழைய செய்ததன் காரணமாக இந்திய அணிக்கு அறிமுகமாகும் வாய்ப்பும் அவருக்கு கிடைத்தது.
அதன்படி அவர் இந்திய அணிக்காக சர்வதேச ஒருநாள் மற்றும் டி20 போட்டிகளில் விளையாடினார். இதில் இந்திய அணிக்காக 10 ஒருநாள் போட்டிகளில் விளையாடி 13 விக்கெட்டுகளையும், 8 டி20 போட்டிகளில் விளையாடி 11 விக்கெட்டுகளையும் வீழ்த்தினார். அதன்பின் காயம் காரணமாக இந்திய அணியில் இருந்து ஓரங்கட்டப்பட்ட உம்ரான் மாலிக், இந்த ஐபிஎல் தொடரின் மூலம் கம்பேக் கொடுப்பார் என்று எதிர்பார்க்கப்பட்ட நிலையில் மீண்டும் காயத்தை சந்தித்தார் என்பது குறிப்பிடத்தக்கது.
Also Read: LIVE Cricket Score
கொல்கத்தா நைட் ரைடர்ஸ்: அஜிங்கியா ரஹானே (கேப்டன்), வெங்கடேஷ் ஐயர் (துணைக்கேப்டன்),ரிங்கு சிங், வருண் சக்கரவர்த்தி, சுனில் நரைன், ஆண்ட்ரே ரஸ்ஸல், ஹர்ஷித் ராணா, ரமன்தீப் சிங், குயின்டன் டி காக், ரஹ்மானுல்லா குர்பாஸ், அன்ரிச் நோர்ட்ஜே, ஆங்க்ரிஷ் ரகுவன்ஷி வைபவ் அரோரா, மயங்க் மார்கண்டே, ஸ்பிர்மன் பாண்டே பவல், ஸ்பிர்மன் பான்டே பவல் , அனுகுல் ராய், மொயின் அலி, சேத்தன் சகாரியா.*
Win Big, Make Your Cricket Tales Now
