ஐசிசி டெஸ்ட் தரவரிசை: மீண்டும் முதலிடத்திற்கு முன்னேறினார் ஜோ ரூட்!

சர்வதேச டெஸ்ட் வீரர்களுக்கான தரவரிசை பட்டியலில் இந்தியா, இங்கிலாந்து, ஆஸ்திரேலியா, வெஸ்ட் இண்டீஸ் வீரர்கள் முன்னேற்றம் கண்டுள்ளனர்.

ஐசிசி டெஸ்ட் தரவரிசை: மீண்டும் முதலிடத்திற்கு முன்னேறினார் ஜோ ரூட்! (Image Source: Google)

ICC Test Players Rankings: ஐசிசி வெளியிட்டுள்ள புதுப்பிக்கப்பட்ட டெஸ்ட் பேட்டர்களுக்கான தரவரிசைப் பட்டியலில் இங்கிலாந்து அணியின் நட்சத்திர வீரர் ஜோ ரூட் மீண்டும் முதலிடத்திற்கு முன்னேறி அசத்தியுள்ளார்.

இங்கிலாந்து - இந்தியா, வெஸ்ட் இண்டீஸ் - ஆஸ்திரேலியா அணிகளுக்கு இடையேயான இரண்டாவது டெஸ்ட் போட்டி சமீபத்தில் முடிவடைந்தது. இந்நிலையில் சர்வதேச கிரிக்கெட் கவுன்சிலானது டெஸ்ட் வீரர்களுக்கான புதுப்பிக்கப்பட்ட தரவரிசைப் பட்டியலை இன்று வெளியிட்டுள்ளது. இதில் பேட்டர்களுக்கான தரவரிசைப் பட்டியலில் இங்கிலாந்து அணியின் நட்சத்திர வீரர் ஜோ ரூட் மீண்டும் முதலிடத்திற்கு முன்னேறி அசத்தியுள்ளார். 

முன்னதாக கடந்த வாரம் ஹாரி புரூக் முதலிடத்தை பிடித்திருந்த நிலையில், இந்திய அணிக்கு எதிரான மூன்றாவது டெஸ்ட் போட்டியில் அவர் சோபிக்க தவறினார். அதேசமயம் ஜோ ரூட் சதமடித்து அசத்தியதுடன் அணியின் வெற்றியிலும் பங்காற்றினார். இதன் காரணமாக ஜோ ரூட் ஒரு இடம்முன்னேறி முதலிடத்தைப் பிடித்துள்ள நிலையில், ஹாரி புரூக் மூன்றாம் இடத்திற்கு தள்ளப்பட்டுள்ளார். அதேசமயம் நியூசிலாந்தின் கேன் வில்லியம்சன் ஒரு இடம் முன்னேறி இரண்டாம் இடத்தைப் பிடித்துள்ளார்.

மேற்கொண்டு ஆஸ்திரேலியாவின் ஸ்டீவ் ஸ்மித் 4ஆம் இடத்திற்கும் முன்னேறிய நிலையில், லார்ட்ஸ் டெஸ்டில் சோபிக்க தவறிய யஷஸ்வி ஜெய்ஸ்வால் 5ஆம் இடத்திற்கு தள்ளப்பட்டுள்ளார். இதுதவிர்த்து டெம்பா பவுமா 6ஆம் இடத்திற்கும், இலங்கை அணியின் கமிந்து மெண்டிஸ் 7ஆம் இடத்தையும் பிடித்துள்ள நிலையில், இந்திய வீரர்கள் ரிஷப் பந்த் 8ஆம் இடத்திற்கு, ஷுப்மன் கில் 9ஆம் இடத்திற்கும் தள்ளப்பட்டுள்ளனர். 

Joe Root takes back the No. 1 Test ranking from Harry Brook! pic.twitter.com/ByyHO5fvFu

— CRICKETNMORE (@cricketnmore) July 16, 2025

மேலும் ஆஸ்திரேலியாவின் கேமரூன் க்ரீன் 16 இடங்கள் முன்னேறி 29ஆம் இடத்தையும், ரவீந்திர ஜடேஜா 5 இடங்கள் முன்னேறி 34ஆம் இடத்தையும், கேஎல் ராகுல் 5 இடங்கள் முன்னேறி 35ஆம் இடத்திற்கும் முன்னேறினர். இங்கிலாந்தின் பென் ஸ்டோக்ஸ் இரண்டு இடங்கள் முன்னேறி 42ஆவது இடத்திற்கும், வெஸ்ட் இண்டீஸின் ஜஸ்டின் க்ரீவ்ஸ் 14 இடங்கள் முன்னேறி 87ஆவது இடத்தையும் பிடித்துள்ளது குறிப்பிடத்தக்கது. 

பந்துவீச்சாளர்களுக்கான தரவரிசையில் முதல் ஐந்து இடங்களில் எந்த மாற்றமும் இல்லை. முதலிடத்தில் ஜஸ்பிரித் பும்ராவும், இரண்டாம் இடத்தில் காகிசோ ரபாடா இரண்டாம் இடத்திலும், பாட் கம்மின்ஸ் மூன்றாம் இடத்திலும், ஜோஷ் ஹேசில்வுட் 4அம் இடத்திலும், நௌமன் அலி 5ஆம் இடத்திலும் தொடர்கின்றனர். அதேசமயம் வெஸ்ட் இண்டீஸுக்கு எதிராக ஹாட்ரிக் விக்கெட்டுகளை கைப்பற்றிய ஸ்காட் போலண்ட் 6 இடங்கள் முன்னேறி 6ஆம் இடத்தைப் பிடித்துள்ளார். 

மேற்கொண்டு வெஸ்ட் இண்டீஸின் ஷமார் ஜோசப் 15 இடங்களும், அல்ஸாரி ஜோசப் 2 இடங்களும், ஜஸ்டின் க்ரீவ்ஸ் 15 இடங்களும் முன்னேற்றம் கண்டுள்ளனர். லார்ட்ஸ் டெஸ்டில் சிறப்பாக செயல்பட்ட வாஷிங்டன் சுந்தர் 12 இடங்கள் முன்னேறி 46ஆவது இடத்தையும் பிடித்துள்ளார். இதுதவிர்த்து தென் ஆப்பிரிக்காவின் வியான் முல்டர் மற்றும் டேன் பேட்டர்சன் ஆகியோர் தலா இரண்டு இடங்கள் முன்னேறி 46ஆவது இடத்தை பகிர்ந்துள்ளனர்.