ஐசிசி தரவரிசை : ஏற்ற, இறக்கங்களை சந்தித்த இந்திய வீரர்கள்!

சர்வதேச டி20 வீரர்களுக்கான தரவரிசைப் பட்டியளில் இந்திய வீரர் கேஎல் ராகுல் மட்டுமே டாப் 10 இடத்தை தக்கவைத்தார்.

Men's T20I Rankings: Shreyas Iyer moves to top 20, KL Rahul drops to tenth (Image Source: Google)

ஐசிசி டி20 போட்டிகளுக்கான தரவரிசை பட்டியல் தற்போது வெளியிடப்பட்டுள்ளது. இந்தியா, இலங்கை தொடர் முடிந்ததை அடுத்து பட்டியலில் பல மாற்றம் கண்டுள்ளது. தொடர்ந்து 12 போட்டிகளில் வென்றுள்ள இந்திய அணி தற்போது தரவரிசை பட்டியலில் முதலிடத்தில் உள்ளது.

இந்த பட்டியலில் சில இந்திய வீரர்கள் நல்ல முன்னேற்றத்தை கண்டாலும், டாப் 10 பட்டியலில் கே.எல்.ராகுல் மட்டுமே 10ஆவது இடத்தில் உள்ளார்.

இலங்கைக்கு எதிரான டி20 தொடரில் ஆட்டமிழக்காமல் மொத்தம் 204 ரன்கள் அடித்த ஸ்ரேயாஸ் ஐயர், டி20 தரவரிசை பட்டியலில் 27 இடங்கள் முன்னேறி தற்போது 18ஆவது இடத்தில் உள்ளார். கேப்டன் ரோஹித் சர்மா, தொடர்ந்து 2 போட்டியில் ஒற்றை இலக்கத்தில் ஆட்டமிழந்து, 3 போட்டியில் வெறும் 50 ரன்கள் தான் அடித்தார். இதனால் அவர் 11ஆவது இடத்தில் இருந்து 13ஆவது இடத்துக்கு சரிந்துள்ளார்.

இலங்கை தொடரில் ஓய்வில் இருந்த விராட் கோலி, வரலாற்றில் முதல் முறையாக முதல் 10 இடங்களை விட்டு வெளியெறிவிட்டார். தற்போது அவர் 10ஆவது இடத்திலிருந்து 15ஆவது இடத்துக்கு தள்ளப்பட்டார். இந்தியாவுக்கு எதிரான அரைசதம் விளாசிய நிஷங்கா, 15ஆவது இடத்திலிருந்து 9ஆவது இடத்துக்கு முன்னேறியுள்ளார். பாகிஸ்தான் வீரர் பாபர் அசாம் தொடர்ந்து முதலிடத்தில் உள்ளார்.

டி20 பந்துவீச்சை பொறுத்தவரை, இந்திய வீரர் புவனேஸ்வர் குமார் 20ஆவது இடத்திலிருந்து 17 ஆவது இடத்துக்கு முன்னேறியுள்ளார். டாம் 10 பந்துவீச்சில் இந்திய வீரர்கள் ஒருவர் கூட இல்லை. இருப்பினும் இந்திய தொடரில் விளையாடாத இலங்கை வீரர் ஹசரங்கா தொடர்ந்து முதலிடத்தில் உள்ளார்.

ஒருநாள் போட்டிகளுக்கான ஐசிசி பேட்ஸ்மேன்கள் தரவரிசை பட்டியலில் பாபர் அசாம் முதலிடத்திலும், விராட் கோலி 2ஆவது இடத்திலும், ரோகித் சர்மா 3ஆவது இடத்திலும் உள்ளனர். இதே போன்று ஒருநாள் போட்டிக்கான பந்துவீச்சாளர்கள் தரப்பில் பும்ரா 6ஆவது இடத்தில் உள்ளார். டெஸ்ட் பேட்ஸ்மேனுக்கான தரவரிசை பட்டியலில் ரோகித் 6ஆவது இடமும், கோலி 7ஆவது இடத்திலும் உள்ளது குறிப்பிடத்தக்கது.

Win Big, Make Your Cricket Tales Now