ஐசிசி வாழ்நாள் சாதனையாளர் பட்டியலில் இணைந்த டி வில்லியர்ஸ், அலெஸ்டர் குக், நீது டேவிட்!

இங்கிலாந்து அணியின் அலெஸ்டர் குக், இந்திய வீராங்கனை நீது டேவிட், தென் ஆப்பிரிக்காவின் ஏபி டிவில்லியர்ஸ் அகியோருக்கு ஐசிசியின் வாழ்நாள் சாதனையாளர் பட்டியலில் இணைந்துள்ளதாக அறிவிக்கப்பட்டுள்ளது.

ஐசிசி வாழ்நாள் சாதனையாளர் பட்டியலில் இணைந்த டி வில்லியர்ஸ், அலெஸ்டர் குக், நீது டேவிட்! (Image Source: Google)

சர்வதேச கிரிக்கெட்டில் சிறந்த பங்களிப்பை வழங்கிய வீரர்களை தேர்வு செய்து, அவர்களுக்கு வாழ்நாள் சாதனையாளர் எனும் விருதை வழங்கி சர்வதேச கிரிக்கெட் கவுன்சிலானது கவுரவித்து வருகிறது. அந்தவகையில் தற்போது ஐசிசி மூன்று வீரர்களுக்கு வாழ்நாள் சாதனையாளர் எனும் அங்கீகாரத்தை வழங்கியுள்ளது. 

அதன்படி தென் ஆப்பிரிக்க அணியின் முன்னாள் கேப்டனும், கிரிக்கெட்டின் மிஸ்டர் 360 என்றழைக்கப்படும் ஏபி டி வில்லியர்ஸ், இங்கிலாந்து அணியின் முன்னாள் கேப்டன் அலெஸ்டர் குக் மற்றும் இந்திய மகளிரணியின் முன்னாள் வீராங்கனை நீத்து டேவிட் ஆகிய மூவருக்கு சர்வதேச கிரிக்கெட் கவுன்சிலின் வாழ்நாள் சாதனையாளர்கள் பட்டியலில் இணைந்துள்ளதாக இசிசி இன்று அறிவித்துள்ளது.

இதில், இங்கிலாந்து அணியின் முன்னாள் கேப்டனான அலெஸ்டர் குக், அந்த அணிக்காக 2006ஆம் ஆண்டு அறிமுகமாக டெஸ்டில் 161 போட்டிகளில் விளையாடி 12,472 ரன்களையு, 92 ஒருநாள் போட்டிகளில் விளையாடி 3204 ரன்களையும் குவ்யித்துள்ளார். இதில் அவர் 38 சதங்கள் மற்றும் 76 அரைசதங்களையும் விளாசியுள்ளார். மேலும் சர்வதேச டெஸ்ட் கிரிக்கெட்டில் 12 ஆயிரம் ரன்கள் குவித்த முதல் இங்கிலாந்து வீரர் என்ற சாதனையையும் அவர் படைத்தார் என்பது குறிப்பிடத்தக்கது.

அதேபோல், தென் ஆப்பிரிக்க அணியின் முன்னாள் கேப்டன் ஏபி டி வில்லியர்ஸ் அந்த அணியின் மிகச்சிறந்த வீரர்களில் ஒருவராக ரசிகர்களால் அறியப்பட்டவர். தனது அபாரமான ஷாட்கள் மூலம் கிரிக்கெட்டின் மிஸ்டர் 360 என்றழைக்கப்படும் இவர், தென் ஆப்பிரிக்க அணிக்காக 2004ஆம் ஆண்டு அறிமுகமாகினார். மேற்கொண்டு அவர் 114 டெஸ்ட், 228 ஒருநாள் மற்றும் 78 சர்வதேச டி20 போட்டிகளில் விளையாடியுள்ளார். 

மேலும் இதில் அவர் 20ஆயிரத்திற்கு அதிகமான ரன்களையும் அவர் விளாசியுள்ளார். மேற்கொண்டு இதில் 47 சதங்கள் மற்றும் 109 அரைசதங்களையும் விளாசியுள்ளார். இதுதவிர்த்து தென் ஆப்பிரிக்காவுக்காக அதிவேக அரைசதம், சதம், 150 ரன்கள் அடித்தவர் என்ற சாதனையையும் அவர் தனது பெயரில் வைத்துள்ளார். இதுதவிர்த்து தென் ஆப்பிரிக்க அணியின் கேப்டனாகவும் டி வில்லியர்ஸ் செயல்பட்டுள்ளார் என்பது குறிப்பிடத்தக்கது. 

இதுதவிர்த்து, இந்திய மகளிரணியின் சுழற்பந்து வீச்சாளரான நீத்து டேவிட், இந்திய அணிக்காக 1995ஆம் ஆண்டு அறிமுகமாகி 10 டெஸ்ட் மற்றும் 97 ஒருநாள் போட்டிகளில் விளையாடியுள்ளார். இதில் அவர் 182 விக்கெட்டுகளையும் கைப்பற்றி அசத்தியுள்ளார். மேற்கொண்டு சர்வதேச டெஸ்ட் போட்டியில் ஒரு இன்னிங்ஸில் 8 விக்கெட்டுகளை வீழ்த்திய வீராங்கனை எனும் சாதனையையும் அவர் தனது பெயரில் வைத்துள்ளார் என்பது குறிப்பிடத்தக்கது. 

Win Big, Make Your Cricket Tales Now