IND vs AUS: கோலிக்கு ஆதரவாக குரல் கொடுத்த ரவி சாஸ்திரி!

ஆஸ்திரேலிய அணியுடனான முதல் டெஸ்ட் போட்டியில் விராட் கோலி மோசமான முறையில் விக்கெட்டை இழந்ததாக விமர்சனங்கள் எழுந்து வரும் சூழலில் அவருக்கு ஆதரவாக முன்னாள் பயிற்சியாளர் ரவி சாஸ்திரி குரல் கொடுத்துள்ளார்.

“Once In 50 Innings He Will Get Out In That Fashion” – Ravi Shastri! (Image Source: Google)

இந்தியா - ஆஸ்திரேலியா அணிகள் மோதி வரும் முதல் டெஸ்ட் போட்டி விறுவிறுப்பு கட்டத்தை எட்டியுள்ளது. ஆஸ்திரேலிய அணி முதல் இன்னிங்ஸில் 177 ரன்களுக்கெல்லாம் ஆல் அவுட்டான நிலையில் இந்திய வீரர்கள் கடும் சவால் கொடுத்து வருகின்றனர். இந்திய அணியின் ஓப்பனிங் வீரரும் கேப்டனுமான ரோகித் சர்மா அட்டகாசமான அரைசதத்தால் அணியை தூக்கி நிறுத்தினார். லோயர் ஆர்டரில் ஜடேஜா மற்றும் அக்‌ஷர் பட்டேல் ஆகியோர் அரைசதம் அடித்தது உதவியாக இருந்தது.

லோயர் ஆர்டரில் களமிறங்கிய வீரர்கள் கூட அரைசதம் அடித்த சூழலில் நல்ல ஃபார்மில் இருக்கக்கூடிய விராட் கோலி 26 பந்துகளில் வெறும் 12 ரன்களை மட்டுமே அடித்தது ரசிகர்களுக்கு ஏமாற்றத்தை கொடுத்தது. அதுவும் அறிமுக வீரர் மர்ஃபி விரித்த வலையில் மிகவும் மோசமான முறையில் கோலி ஏமாந்தது தான் தற்போது பிரச்சினையை உருவாக்கியுள்ளது.

லெக் சைடில் மர்ஃபி வீசிய ஷார்ட் பந்தை சுலபமாக பின் திசையில் அடித்துவிடலாம் என்ற எண்ணத்தில் கோலி பேட்டை நகர்த்தினார். ஆனால் பந்து பவுன்ஸாகாமல் நினைத்ததை விட மிகவும் கீழாக வந்துவிட்டது. இதனால் துரதிஷ்டவசமாக விராட் கோலி அவுட்டானார். இந்த போட்டியில் மெர்ஃபி இதுவரை வீசியதிலேயே மோசமான பந்து என்றால் இதை கூறலாம். ஆனால் இதில் தான் கோலி சரிந்தார்.

இந்நிலையில் இதுகுறித்து ரவிசாஸ்திரி பேசியுள்ளார். அதில், “கோலிக்கு அதிர்ஷ்டம் இல்லை என்று தான் கூறுவேன். லெக்சைட்டில் இதுபோன்று வரும் பந்தை கோலி அதிகம் அடிக்கவே விரும்ப மாட்டார். 50 இன்னிங்ஸ்களில் ஒரு முறை இந்த ஷாட்டை ஆடி இருக்கலாம். அது துரதிஷ்டவசமாக தவறிவிட்டது. இதை அனைத்தையும் மறந்துவிடுங்கள். இதை ஆஸ்திரேலியா நல்லபடியாக பயன்படுத்திக்கொண்டால் சரி. தேவையான நேரத்தில் அதிர்ஷ்டவசமாக கோலியின் விக்கெட் கிடைத்தது என்று நினைத்துக்கொள்ளட்டும்” என கூறியுள்ளார்.

கோலி அவுட்டானதை நியாயப்படுத்தினாலும், அவர் ஸ்பின்னர்களுக்கு எதிராக நீண்ட காலமாக தடுமாறி வருவது ஏற்றுக்கொள்ள வேண்டிய உண்மை. வங்கதேச தொடரில் ஸ்பின்னர்களிடம் சொதப்பிய அவர், நியூசிலாந்து தொடரிலும் மிட்செல் சாண்ட்னரிடம் தடுமாறினார். தற்போது மீண்டும் அதே பிரச்சினை நீடித்து வருவதால் ரசிகர்கள் கவலையடைந்துள்ளனர்.

Win Big, Make Your Cricket Tales Now