பாகிஸ்தான் அணியின் பேட்டிங் பயிற்சியாளராக ஷாஹித் அஸ்லாம் நியமனம்!
பாகிஸ்தான் அணியின் புதிய பேட்டிங் பயிற்சியாளராக முன்னாள் வீரர் ஷாஹித் அஸ்லாம் நியமிக்கப்பட்டுள்ளார்.
ஐசிசி ஒருநாள் உலகக்கோப்பை தொடரில் அடைந்த படுதோல்விக்கு பிறகு பாகிஸ்தான் அணியின் பயிற்சியாளர்கள், தேர்வாளர்கள் ஆகியோரை பாகிஸ்தான் கிரிக்கெட் வாரியம் நீக்கியது. இதனால் பாகிஸ்தானின் ஒருநாள் மற்றும் டி20 அணியின் புதிய தலைமை பயிற்சியாளராக முன்னாள் தென் ஆப்பிரிக்க வீரர் கேரி கிறிஸ்டன் தேர்வுசெய்யப்பட்டார். அதேசமயம், பாகிஸ்தான் டெஸ்ட் அணியின் பயிற்சியாளராக ஜேசன் கில்லெஸ்பியும் நியமிக்கப்பட்டனர்.
ஆனால் இந்த டி20 உலகக் கோப்பை தொடரில் சாம்பியன் பட்டத்தை வெல்லும் அணிகளில் ஒன்றாக கருதப்பட்ட பாகிஸ்தான் அணி மோசமான ஆட்டத்தை வெளிப்படுத்தி குரூப் சுற்றுடன் வெளியேறியது. அதன் பின் பாகிஸ்தான் அணியில் பல்வேறு மாற்றங்கள் நடைபெற்றன. இந்நிலையில் பாகிஸ்தான் கிரிக்கெட் வாரியத்தின் சமீபத்திய முடிவுகளில் விரும்பமின்பை காரணமாக அணியின் தலைமை பயிற்சியாளர் பதவியில் இருந்து கேரி கிறிஸ்டன் விலகுவதாக அறிவித்தார்.
Trending
இந்நிலையில் பாகிஸ்தான் ஒருநாள் மற்றும் டி20 அணிகளுக்கான தற்காலிக பயிற்சியாளராகவும் ஜேசன் கில்லெஸ்பி நியமிக்கப்பட்டிருந்தர். அவரது பயிற்சியின் கீழ் பாகிஸ்தான் அணி ஆஸ்திரேலியாவில் சுற்றுப்பயணம் மேற்கொண்டு ஒருநாள் தொடரை 2-1 என்ற கணக்கில் கைப்பற்றிய நிலையில், அடுத்து நடந்த டி20 தொடரில் 3-0 என்ற கணக்கில் மோசமான தோல்வியை சந்தித்தது. இதனால் அந்த அணி மீது மீண்டும் விமர்சனங்கள் எழத்தொடங்கின.
இந்நிலையில் பாகிஸ்தான் ஒருநாள் மற்றும் டி20 அணியின் புதிய தற்காலிக பயிற்சியாளராக அந்நாட்டின் முன்னாள் வீரர் ஆகிப் ஜாவித் நியமிக்கப்பட்டுள்ளார். இதனை பாகிஸ்தான் கிரிக்கெட் வாரியம் தங்களது அதிகாரபூர்வ எக்ஸ் பக்கத்தில் அறிவித்துள்ளது. அதன்படி எதிர்வரும் சாம்பியன்ஸ் கோப்பை தொடர் அவர் இந்த பதவில் இருப்பார் என்று தெரிவிக்கப்பட்டுள்ளது. அதேசமயம் டெஸ்ட் அணியின் பயிற்சியாளராக கில்லெஸ்பி தொடர்வார் என்பதையும் உறுதிசெய்துள்ளது.
இந்நிலையில் பாகிஸ்தான் ஒருநாள் மற்றும் டி20 அணியின் பேட்டிங் பயிற்சியாளராக ஷாஹித் அஸ்லாம் நியமிக்கப்பட்டுள்ளார். இவர் பாகிஸ்தான் அணியுடன் பல ஆண்டுகளாக உதவி பயிற்சியாளர், பீல்டிங் பயிற்சியாளர், உதவி மேலாளர் என பல்வேறு பதவிகளில் பணியாற்றியவர். மேலும் கடந்த இரண்டு ஆண்டுகளாக லாகூரில் உள்ள உயர் செயல்திறன் மையத்தில் பயிற்சியாளராகப் பணியாற்றி வந்தார் என்பது குறிப்பிடத்தக்கது.
Also Read: Funding To Save Test Cricket
பாகிஸ்தான் அணியானது ஜிம்பாப்வே சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் மற்றும் டி20 சர்வதேச தொடரில் விளையாடுகிறது. இதில் இரு அணிகளுக்கும் இடையேயான ஒருநாள் தொடரானது நவம்பர் 24ஆம் தேதி முதலும், டி20 தொடரானது டிசம்பர் 1ஆம் தேதி முதலும் தொடங்கவுள்ளது. மேலும் இத்தொடருக்கான பாகிஸ்தான் அணியின் கேப்டனாகவும் முகமது ரிஸ்வான் நியமிக்கப்பட்டுள்ளார்.
Win Big, Make Your Cricket Tales Now
