வெஸ்ட் இண்டீஸ் டி20 தொடரில் இருந்து விடுப்பு எடுத்த பில் சால்ட்; மாற்று வீரர் அறிவிப்பு!
குழந்தை பிறப்பு காரணமாக வெஸ்ட் இண்டீஸ் டி20 தொடரில் இருந்து இங்கிலாந்து அணி வீரர் பில் சால்ட் விடுப்பு எடுத்துள்ளதாக இங்கிலாந்து கிரிக்கெட் வாரியம் அறிவித்துள்ளது.
இந்நிலையில் இங்கிலாந்து - வெஸ்ட் இண்டீஸ் அணிகளுக்கு இடையேயான டி20 தொடர் நாளை முதல் தொடங்குகிறது. இதில் இரு அணிகளுக்கும் இடையேயான முதல் போட்டி செஸ்டர்-லெ-ஸ்ட்ரீட் உள்ள ரிவர்சைட் மைதானத்தில் நடைபெறவுள்ளது. ஏற்கெனவே இங்கிலாந்து அணி ஒருநாள் தொடரை வென்ற உத்வேகத்துடன் இப்போட்டியை எதிர்கொள்கிறது. மறுபக்கம் ஒருநாள் தொடரை இழந்துள்ள வெஸ்ட் இண்டீஸ் அணி டி20 தொடரில் அதற்கான பதிலடியைக் கொடுக்குமா என்ற எதிர்பார்ப்பு உள்ளது.
இந்நிலையில் இத்தொடருக்கு முன்னதாக இங்கிலாந்து அணி பின்னடைவை சந்தித்துள்ளது. அணியின் அதிரடி தொடக்க வீரர் பில் சால்ட் தனது குழந்தை பிறப்பு காரணமாக வெஸ்ட் இண்டீஸ் டி20 தொடரிலிருந்து விடுப்பு எடுத்துள்ளதாக இங்கிலாந்து கிரிக்கெட் வாரியம் அறிவித்துள்ளது. இதனையடுத்து அவருக்கான மாற்று வீரராக ஜேமி ஸ்மித் இங்கிலாந்து டி20 அணியில் சேர்க்கப்பட்டுள்ளதாகவும் அறிவிக்கப்பட்டுள்ளது.
முன்னதாக ஐபிஎல் தொடரில் சாம்பியன் பட்டத்தை வென்ற ராயல் சேலஞ்சர்ஸ் பெங்களூரு அணியின் முக்கிய வீரராக பில் சால்ட் செயல்பட்டிருந்தார். இதில் அவர் 13 போட்டிகளில் விளையாடி 4 அரைசதங்களுடன் 403 ரன்களைச் சேர்த்துள்ளார். இதில் 48 பவுண்டரிகளும், 28 சிக்ஸர்களும் அடங்கும். மேற்கொண்டு கடந்த 2024ஆம் ஆண்டு ஐபிஎல் தொடரில் சம்பியன் பட்டம் வென்ற கொல்கத்தா நைட் ரைடர்ஸ் அணியிலும் சால்ட் அங்கமாக இருந்தார் என்பது குறிப்பிடத்தக்கது.
Also Read: LIVE Cricket Score
இங்கிலாந்து டி20 அணி: ஹாரி புரூக் (கேப்டன்), ரெஹான் அகமது, டாம் பான்டன், ஜேக்கப் பெத்தேல், ஜோஸ் பட்லர், பிரைடன் கார்ஸ், லியாம் டாசன், பென் டக்கெட், வில் ஜாக்ஸ், சாகிப் மஹ்மூத், ஜேமி ஓவர்டன், மேத்யூ பாட்ஸ், அடில் ரஷீத், ஜேமி ஸ்மித், லூக் வுட்.
Win Big, Make Your Cricket Tales Now
