அவரை வர்ணிக்க ஒரு வார்த்தை போதாது - ரசிகர்களின் நெஞ்சை அள்ளிய ரஷீத்!
தோனி குறித்து சொல்ல ஒரு வார்த்தை போதாது என்று ரசிகர்கள் கேட்ட கேள்விக்கு ஆப்கானிஸ்தான் கிரிக்கெட் அணியின் சுழற்பந்துவீச்சாளர் ரஷீத் கான் தெரிவித்துள்ளார்.
இதற்கிடையில் கிரிக்கெட் வீரர்கள் பலரும் சமூக வலைதளம் மூலமாக தங்களது நேரத்தை செலவிட்டு வருகின்றனர். அதன்படி ரசிகர்கள் கேட்கும் கேள்விக்கு அவர்கள் சமூக வலைத்தளம் வாயிலாக பதில் அளித்து வருகின்றனர். அந்த வரிசையில் தற்போது ஆப்கானிஸ்தான் அணியின் நட்சத்திர வீரரான ரஷீத் கானிடம் ரசிகர்கள் தங்களது தொடர்ச்சியான கேள்விகளை முன் வைத்து வருகின்றனர்.
Trending
இதில் தோனி குறித்து எழுப்பபட்ட கேள்விக்கு பதிலளித்த ரஷித் கான்தோனி குறித்து சொல்ல ஒரு வார்த்தை போதாது என்று பதிலளித்துள்ளார்.
இன்ஸ்டாகிராம் பக்கத்தில் ரசிகர்களின் கேள்விக்கு பதிலளித்தார் ரஷீத் கான்.அப்போது ரசிகர்கள் பலர் இந்திய அணி வீரர்கள் மகேந்திர சிங் தோனி, விராட் கோலி, யுவராஜ் சிங் குறித்து ஒரு வார்த்தையில் பதிலளிக்கும்படி கேட்டுக்கொண்டார். அதற்கு பதிலளித்த அவர் "விராட் கோலி குறித்து ஒரு வார்த்தையில் ‘கிங் கோலி’ எனவும், யுவராஜ் சிங்க்கை ‘சிக்ஸர் மன்னன்’ என்றும், ஏபிடி வில்லியர்ஸ் குறித்து மிஸ்டர் 360’ என்றும், பாபர் அசாம் குறித்து ‘சிறந்த ஆட்டக்காரர்’ என்றும் பதிலளித்துள்ளார்.
இதில் தோனி குறித்து கேட்கப்பட்ட கேள்விக்கு பதிலளித்த ரஷித் கான் "அவரை வர்ணிக்க ஒரு வார்த்தை போதாது' என்று பதிலளித்து ரசிகர்களின் நெஞ்சத்தை அள்ளினார். மேலும், கடந்த காலத்தில் உள்ள ஒரு கிரிக்கெட் வீரருக்கு பந்துவீச நினைத்தால் நீங்கள் யாருக்குப் பந்து வீசுவீர்கள் என்ற ரசிகரின் கேள்விக்கு, ‘சச்சின்’ என பதிலளித்தார். மேலும், கெவின் பீட்டர்சன் மற்றும் ரோஹித் ஷர்மாவின் ஃபுல் ஷாட் என்னை மிகவும் கவர்ந்தது எனவும் ரஷித் கான் தெரிவித்துள்ளார்.
Win Big, Make Your Cricket Tales Now
