ஐபிஎல் தொடரில் நிகழ்த்திய சாதனை; இந்திய அணியின் கேப்டன் ரேஸில் ஸ்ரேயாஸ் ஐயர்!

ஐபிஎல் தொடரில் நிகழ்த்திய சாதனை; இந்திய அணியின் கேப்டன் ரேஸில் ஸ்ரேயாஸ் ஐயர்! (Image Source: Google)

By Bharathi Kannan
Jun 08, 2025 • 12:32 PM

ஐபிஎல் தொடரின் 18ஆவது சீசனில் ஸ்ரேயாஸ் ஐயர் தலைமையிலான பஞ்சாப் கிங்ஸ் அணியானது இறுதிப்போட்டி வரை முன்னேறிய நிலையிலும், இறுதிப்போட்டியில் ராயல் சேலஞ்சர்ஸ் பெங்களூரு அணியிடம் 6 ரன்கள் வித்தியாசத்தில் தோல்வியடைந்து கோப்பையை வெல்லும் வாய்ப்பை நழுவவிட்டுள்ளது. 

By Bharathi Kannan
June 08, 2025 • 12:32 PM

இத்தொடரில் பஞ்சாப் கிங்ஸ் அணி தோல்வியைத் தழுவினாலும், ஸ்ரேயாஸ் ஐயர் தனது சிறந்த தலைமைத்துவ திறமையால் ரசிகர்கள் மட்டுமல்ல, நிபுணர்களின் இதயங்களையும் வென்றுள்ளார். அதற்கேற்றவாறு ஸ்ரேயாஸ் ஐயர் இத்தொடரில் அணியை சிறப்பாக வ்ழிநடத்தியதுடன் பேட்டிங்கிலும் அற்புதமாக செயல்பட்டுள்ளார். அதன்படி இத்தொடரில் 17 போட்டிகளில் விளையாடிய ஸ்ரேயாஸ் ஐயர் 50.33 என்ற சராசரியில் 175.07 ஸ்ட்ரைக் ரேட்டில் 604 ரன்கள் எடுத்துள்ளார்.

இதுதவிர்த்து அவர் உள்ளூர் மற்றும் சர்வதேச கிரிக்கெட்டிலும் அற்புதமாக செயல்பட்டு வருகிறார். அதிலும் குறிப்பாக நடந்து முடிந்த ஐசிசி சாம்பியன்ஸ் கோப்பை கிரிக்கெட் தொடரில் இந்திய அணிக்காக அதிக ரன்களை குவித்த வீரராக இருந்ததுடன், அணி சாம்பியன் பட்டத்தை வென்றதிலும் முக்கிய பங்கினை வகித்துள்ளார். இருப்பினும் இங்கிலாந்து தொடருக்கான இந்திய அணியில் ஸ்ரேயாஸ் ஐயர் புறக்கணிக்கப்பட்டது அனைவரையும் ஆச்சரியத்தில் ஆழ்த்தியுள்ளது. 

இருப்பினும் ஸ்ரேயாஸ் ஐயருக்கு வரும் நாள்களில் சில நற்செய்திகள் கிடைக்கும் என்று தகவல்கள் வெளியாகிவுள்ளன. அதன்படி இந்திய அணியின் அடுத்த ஒருநாள் மற்றும் டி20 அணியின் கேப்டனாக ஸ்ரேயாஸ் ஐயர் நியமிக்கப்பட அதிக வாய்ப்புள்ளதாக தகவல்கள் வெளியாகிவுள்ளன. தற்போது அவர் ஒருநாள் போட்டிகளில் மட்டுமே விளையாடி வந்தாலும், இந்த ஐபிஎல் தொடருக்கு பிறகு அவரை சர்வதேச டி20 போட்டிகள் மற்றும் டெஸ்ட் போட்டிகளில் சேர்க்க அதிக வாய்ப்புள்ளதாக கூறப்படுகிறது. 

அதிலும் குறிப்பாக அவர் இந்திய ஒருநாள் மற்றும் டி20 அணியின் கேப்டனாக நியமிக்கப்படுவதற்கும் அதிக வாய்ப்புள்ளது. இதனால் எதிர்வரும் தொடர்களில் ஸ்ரேயாஸ் ஐயர் அணியிலிருந்து நீக்க முடியாத ஒரு வீரராக உருவாகுவார் என்று கணிக்கப்படுகிறது. ஸ்ரேயாஸ் ஐயர் இதுவரை இந்திய அணிக்காக 14 டெஸ்ட், 70 ஒருநாள் மற்றும் 51 டி20 போட்டிகளில் விளையாடி அதில் 4800க்கும் மேற்பட்ட ரன்களைச் சேர்த்துள்ளர்.