SL vs BAN: இரண்டாவது டெஸ்டில் விளையாடும் மெஹிதி ஹசன்; வலுப்பெறும் வங்கதேசம்!
இலங்கை அணிக்கு எதிரான இரண்டாவது டெஸ்ட் போட்டிக்கான வங்கதேச அணியில் மெஹிதி ஹசன் மிராஸ் விளையாடுவார் என தகவல் வெளியாகியுள்ளது.
வங்கதேச அணியானது தற்சமயம் இலங்கையில் சுற்றுப்பயணம் மேற்கொண்டு இரண்டு போட்டிகள் கொண்ட டெஸ்ட் தொடரில் விளையாடி வருகிறது. இதில் கலே கிரிக்கெட் மைதனத்தில் நடைபெற்று வரும் இரு அணிகளுக்கும்ம் இடையேயான முதல் டெஸ்ட் போட்டியின் முதல் இன்னிங்ஸ்லில் வங்கதேச அணி 495 ரன்களையும், இலங்கை அணி 485 ரன்களையும் சேர்த்துள்ளன. இதையடுத்து 10 ரன்கள் முன்னிலையுடன் வங்கதேச அணி இரண்டாம் இன்னிங்ஸைத் தொடர்ந்து வருகிறது.
இதனையடுத்து இலங்கை - வங்கதேச அணிகளுக்கு இடையேயான இரண்டாவது டெஸ்ட் போட்டியானது எதிர்வரும் ஜூன் 25ஆம் தேதி கொழும்புவில் நடைபெறவுள்ளது. இந்நிலையில் இப்போட்டிக்கு முன்னதாக வங்கதேச அணிக்கு நல்ல செய்தி வந்துள்ளது. அதன்படி காய்ச்சல் காரணமாக முதல் டெஸ்ட் போட்டியில் பங்கேற்காத வங்கதேச அணியின் நட்சத்திர ஆல் ரவுண்டர் மெஹிதி ஹசன் மிராஸ் தற்சமயம் குணமடைந்துள்ளதாக தகவல் வெளியாகியுள்ளது.
மேலும் அவர் தனது பயிற்சியையும் தொடங்கியுள்ளதாக கூறப்படுகிறது. இதன்மூலம் இலங்கை அணிக்கு எதிரான இரண்டாவது டெஸ்ட் போட்டிக்கான வங்கதேச அணியில் மெஹிதி ஹசன் மிராஸ் விளையாடுவார் என கூறப்படுகிறது. மெஹிதி ஹசன் மிராஸின் வருகை வங்கதேச அணியை மேலும் வலிமைப்படுத்தும். ஏனெனில் இதுவரை 53 டெஸ்ட் போட்டிகளில் விளையாடியுள்ள அவர் பேட்டிங்கில் 2 சதம், 9 அரைசதங்களுடன் 2068 ரன்களைக் குவித்துள்ளார்.
Also Read: LIVE Cricket Score
இதுதவிர்த்து பந்துவீச்சில் 13 ஐந்து விக்கெட்டுகளுடன் 205 விக்கெட்டுகளை கைப்பற்றி அசத்தியுள்ளார். மேலும் அவர் வங்கதேச டெஸ்ட் அணியின் துணைக்கேப்டனாகவும் நியமிக்கப்பட்டுள்ளார். இதுதவிர்த்து சமீபத்தில் நடந்து முடிந்த வங்கதேச டெஸ்ட் தொடரில் அபாரமாக செயல்பட்ட மெஹிதி ஹசன் மிராஸ், மே மாதத்திற்கான ஐசிசி சிறந்த வீரர் விருதையும் வென்றுள்ளார் என்பது குறிப்பிடத்தக்கது.
Win Big, Make Your Cricket Tales Now
