மகேஷ் பதியா பந்துவீச்சில் திணறும் ஸ்டீவ் ஸ்மித்!
ரஞ்சிக் கோப்பையில் அறிமுக ஸ்பின்னராக களமிறங்கிய சௌராஷ்டிரா இளம் வீரர் மகேஷ் பதியாவை ஸ்மித் பயிற்சிக்காக அழைத்த நிலையில், அவரது பந்துவீச்சை எதிர்கொள்ள முடியாமல் ஸ்மித் திணறியுள்ளார்.
இத்தொடரில் இந்திய அணி 3-0 அல்லது 3-1 என்ற கணக்கில் வென்றாக வேண்டும். கடந்த இரண்டுமுறை ஆஸ்திரேலிய மண்ணில் இந்திய அணி டெஸ்ட் தொடரைக் கைப்பற்றியதால், இம்முறை இந்திய மண்ணில் டெஸ்ட் தொடரை கைப்பற்றி பதிலடி கொடுக்க ஆஸ்திரேலிய அணி கடுமையாக போராடும் எனக் கருதப்படுகிறது.
Trending
இந்திய மண்ணில் சுழற்பந்து வீச்சாளர்களால்தான் பெரிய தாக்கத்தை ஏற்படுத்த முடியும். குறிப்பாக, ரவிச்சந்திரன் அஸ்வின் ஆஸ்திரேலிய பேட்டர்களுக்கு கடும் சவாலாக இருப்பார் எனக் கணிக்கப்பட்டுள்ளது. இதனால், அஸ்வினைப் போலவே, பந்துவீசும் ஒருவரை வைத்து பயிற்சியில் ஈடுபட ஸ்மித் முடிவு செய்தார்.
அதன்படி, சமீபத்தில் ரஞ்சிக் கோப்பையில் அறிமுக ஸ்பின்னராக களமிறங்கிய சௌராஷ்டிரா இளம் வீரர் மகேஷ் பதியாவை ஸ்மித் பயிற்சிக்காக அழைத்து, பந்துவீச வைத்து வருகிறார். பதியா அச்சு அசலாக ரவிச்சந்திரன் அஸ்வினைப் போலவே பந்துவீசக் கூடியவர். ஆகையால்தான், இவரை ஸ்மித் தேர்வு செய்து, அதிக நேரம் பயிற்சி மேற்கொண்டு வருகிறார்.
தொடக்கத்தில், பதியாவை ஸ்மித்தால் சிறப்பாகவே எதிர்கொள்ள முடியவில்லை. முதல் 30 பந்துகளிலேயே இரண்டுமுறை போல்ட் ஆனார். அதன்பிறகு, ஓரளவுக்கு சிறப்பாக விளையாட ஆரம்பித்தார். இன்னும் மூன்று நாட்களுக்கு இவரை வைத்துதான், ஸ்மித் பயிற்சி மேற்கொள்ள உள்ளதாக கூறப்படுகிறது.
அஸ்வின் ஆஸ்திரேலிய அணிக்கு எதிராக 18 டெஸ்ட் போட்டிகளில் விளையாடி 89 விக்கெட்களை வீழ்த்தி அசத்தியிருக்கிறார். அதில், 5 முறை ஒரு இன்னிங்ஸில் 5 விக்கெட்களையும் சாய்த்துள்ளார். ஒருமுறை 10 விக்கெட்களை கைப்பற்றினார். இவர் ஸ்டீவன் ஸ்மித், மார்னஸ் லபுசாக்னே ஆகியோர்களுக்கு எதிராக தொடர்ந்து சிறப்பாக பந்துவீசி விக்கெட்களை வீழ்த்தியிருக்கிறார். மேலும், இடது கை பேட்டர்களுக்கு எதிராகவும் அதிக அளவில் விக்கெட்களை வீழ்த்தியுள்ளார் என்பது குறிப்பிடத்தக்கது.
Win Big, Make Your Cricket Tales Now
