ரோஹித் சர்மாவின் முடிவை 100 சதவீதம் ஆதரிக்கிறேன் - டிராவிஸ் ஹெட்!
குழந்தை பிறப்பின் காரணமாக டெஸ்ட் போட்டியில் இருந்து விலகிய இந்திய அணி கேப்டன் ரோஹித் சர்மாவின் முடிவை நான் 100 சத வீதம் ஆதரிக்கிறேன் என்று ஆஸ்திரேலிய அணியின் நட்சத்திர வீரர் டிராவிஸ் ஹெட் தெரிவித்துள்ளார்.
இந்திய அணி தற்சமயம் ஆஸ்திரேலியாவில் சுற்றுப்பயணம் செய்து 5 போட்டிகளை கொண்ட பார்டர் கவாஸ்கர் கோப்பை தொடரில் விளையாடவுள்ளது. இதில் இரு அணிகளுக்கும் இடையேயான முதல் டெஸ்ட் போட்டியானது பெர்த்தில் உள்ள ஆப்டஸ் கிரிக்கெட் மைதானத்தில் எதிவரும் நவம்பர் 22ஆம் தேதி நடைபெறவுள்ளது. இப்போட்டிக்காக இரு அணி வீரர்களும் தீவிரமாக தயாராகி வருகின்றனர்.
இந்நிலையில் இத்தொடருக்கான இந்திய அணியின் கேப்டனாக நியமிக்காப்பட்ட ரோஹித் சர்மா தனது இரண்டாவது குழந்தை பிறப்பு காரணமாக இந்திய அணியுடன் ஆஸ்திரேலிய சுற்றுப்பயணத்திற்கு செல்லவில்லை. மேலும் அவர் இன்னும் சில தினங்கள் தாது மனைவி மற்றும் குடும்பத்தினருடன் நேரம் செலவிட முடிவுசெய்ததன் காரணமாக முதல் டெஸ்ட் போட்டியில் இருந்து விலகினார். இதன் காரணமாக இந்திய அணியை ஜஸ்பிரித் பும்ரா வழிநடத்தவுள்ளார்.
Trending
இந்நிலையில் குழந்தை பிறப்பின் காரணமாக டெஸ்ட் போட்டியில் இருந்து விலகிய இந்திய அணி கேப்டன் ரோஹித் சர்மாவின் முடிவை நான் 100 சத வீதம் ஆதரிக்கிறேன் என்று ஆஸ்திரேலிய அணியின் நட்சத்திர வீரர் டிராவிஸ் ஹெட் தெரிவித்துள்ளார். இதுகுறித்து பேசிய அவர், "“கிரிக்கட் வீரர்களாகிய நாங்கள் பல விஷயங்களை தியாகம் செய்கிறோம், அதனால் நாங்கள் எங்கள் தனிப்பட்ட வாழ்க்கையில் பல சிறப்பு தருணங்களை இழக்கிறோம்.
உங்களுக்கு அந்த நேரம் திரும்பக் கிடைக்காது. மேலும் அவர் தனது சிறப்பான தருணங்களை அனுபவித்து விரைவில் இந்தத் தொடரில் மீண்டும் வருவார் என்று நம்புகிறேன்" என்று தெரிவித்துள்ளார். ரோஹித் சர்மா இல்லாத பட்சத்தில், தொடரின் முதல் போட்டிக்கு வழக்கமான கேப்டன் இல்லாமல் இந்தியா அணி களம் இறங்கவுள்ளது. மேலும் இதுவரை கிடைத்த தகவலின்படி, முதல் டெஸ்டின் நடுவில் அல்லது அடிலெய்டில் நடைபெறும் இரண்டாவது போட்டிக்கு முன்னதாக ரோஹித் அணியில் இணைவார் என்று கூறப்படுகிறது.
இந்திய டெஸ்ட் அணி: ரோஹித் சர்மா (கே), ஜஸ்பிரித் பும்ரா, யஷஸ்வி ஜெய்ஸ்வால், அபிமன்யு ஈஸ்வரன், ஷுப்மான் கில், விராட் கோலி, கேஎல் ராகுல், ரிஷப் பந்த், சர்ஃப்ராஸ் கான், துருவ் ஜூரல், ரவிச்சந்திரன் அஸ்வின், ரவீந்திர ஜடேஜா, முகமது சிராஜ், ஆகாஷ் தீப், பிரசித் கிருஷ்ணா, ஹர்ஷித் ராணா, நிதிஷ் குமார் ரெட்டி, வாஷிங்டன் சுந்தர்.
Also Read: Funding To Save Test Cricket
ஆஸ்திரேலிய டெஸ்ட் அணி: பாட் கம்மின்ஸ் (கேப்டன்), அலெக்ஸ் கேரி, ஜோஷ் இங்கிலிஸ், டிராவிஸ் ஹெட், உஸ்மான் கவாஜா, ஸ்டீவ் ஸ்மித், மார்னஸ் லாபுஷாக்னே, மிட்செல் மார்ஷ், ஸ்காட் போலண்ட், ஜோஷ் ஹேசில்வுட், நாதன் லயன், மிட்செல் ஸ்டார்க், நாதன் மெக்ஸ்வீனி.
Win Big, Make Your Cricket Tales Now
