ஹாரி புரூக் விரித்த வலையில் விக்கெட்டை இழந்த பிரஷித் கிருஷ்ணா - காணொளி

இங்கிலாந்து அணிக்கு எதிரான ஹெடிங்லே டெஸ்ட் போட்டியில் இந்திய வீரர் பிரஷித் கிருஷ்ணா விக்கெட்டை இழந்த காணொளி வைரலாகி வருகிறது.

ஹாரி புரூக் விரித்த வலையில் விக்கெட்டை இழந்த பிரஷித் கிருஷ்ணா - காணொளி (Image Source: Google)

Prasidh Krishna And Harry Brook Video: ஹெடிங்லே டெஸ்ட் போட்டியின் போது இங்கிலாந்தின் ஹாரி புரூக் மற்றும் இந்தியாவின் பிரஷித் கிருஷ்ணா இருவருக்கும் இடையே நடைபெற்ற உரையாடல் குறித்த காணொளி வரைலாகி வருகிறது. 

இந்தியா மற்றும் இங்கிலாந்து அணிகளுக்கு இடையேயான ஐந்து போட்டிகள் கொண்ட டெஸ்ட் தொடரின் முதல் போட்டி லீட்ஸில் உள்ள ஹெடிங்லே கிரிக்கெட் மைதானத்தில் நடைபெற்று வருகிறது. இப்போடியின் முதல் இன்னிங்ஸில் இந்திய அணி 471 ரன்களையும், இங்கிலாந்து அணி 465 ரன்களையும் சேர்த்து ஆல் அவுட்டானது. அதன்பின் இரண்டாவது இன்னிங்ஸை தொடர்ந்த இந்திய அணி 364 ரான்களைச் சேர்த்து ஆல் அவுட்டானது. இதன் மூலம் இங்கிலாந்து அணி 371 ரன்கள் இலக்காக நிர்ணயிக்கப்பட்டுள்ளது.

இதையடுத்து இலக்கை நோக்கி விலையாடி வரும் இங்கிலாந்து அணிக்கு பென் டக்கெட் - ஸாக் கிரௌலி இணை தொடக்கம் கொடுத்தனர். இந்த இன்னிங்ஸில் ஓவர்கள் மட்டுமே வீசப்பட்ட நிலையில் நான்காம் நாள் ஆட்டம் முடிவுக்கு வந்தது. இதில் ஸாக் கிரௌலி 12 ரன்களுடனும், பென் டக்கெட் 09 ரன்களுடனும் களத்தில் உள்ளனர். இதனையடுத்து 350 ரன்கள் எடுத்தால் வெற்றி என்ற இலக்கை நோக்கி இங்கிலாந்து அணி நளை கடைசி நாள் ஆட்டத்தை தொடரவுள்ளது.

இந்நிலையில் இந்த ஆட்டத்தின் நான்காவது நாளில், இங்கிலாந்து கிரிக்கெட் வீரர் ஹாரி புரூக், இந்திய அணியின் வேகப்பந்து வீச்சாளர் பிரசித் கிருஷ்ணாவிடம் ஸ்லெட்ஜிங்கில் ஈடுபட்டார். அதன்படி, இங்கிலாந்து அணிக்கு கடைசி ஒரு விக்கெட் மட்டுமே தேவைப்பட்ட நிலையில் ஹாரி புரூக் பிரசித் கிருஷ்ணாவை தூண்டிவிட முயன்றார். அவர் பிரஷித் கிருஷ்ணாவிடம் , 'உங்களால் ஒரு பெரிய சிக்ஸ் அடிக்க முடியுமா?' என்று கேட்டு ஸ்லெட்ஜிங்கில் ஈடுபட்டார்.

"Can you hit big sixes?" — Harry Brook on the stump mic... and Prasidh goes for it on the very next ball and gets out.

Classic Test cricket theatre — brought to you by the mic (and a bit of mischief). #ENGvIND | 1st Test, Day 5 | TUE, 24th JUNE, 2:30 PM on JioHotstar! pic.twitter.com/Bgwq5D3PiB

— Star Sports (@StarSportsIndia) June 24, 2025

அவரது வார்த்தைகளில் கவனம் செலுத்திய பிரஷித் கிருஷ்ணாவும், இங்கிலாந்து சுழற்பந்து வீச்சாளர் சோயிப் பஷீர் ஓவரின் கடைசி பந்தில் ஒரு பெரிய சிக்ஸர் அடிக்கும் முயற்சியில் பந்தை தூக்கி அடித்தார். ஆனால் அவரால் அந்த ஷாட்டை முழுமையாக அடிக்க முடியாததன் காரணமாக நேராக டீப் மிட்-விக்கெட் திசையில் ஃபீல்டிங் செய்து கொண்டிருந்த ஜோஷ் டங்க் கைகளில் தஞ்சமடைந்தது. இதனால் பிரசித் கிருஷ்ணா தனது விக்கெட்டை இழந்தார். இக்காணொளி தற்சமயம் வைரலாகி வருகிறது.

இங்கிலாந்து பிளேயிங் லெவன்: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித், கிறிஸ் வோக்ஸ், பிரைடன் கார்ஸ், ஜோஷ் டங்கு, ஷோயப் பஷீர்.

இந்தியா பிளேயிங் லெவன்: யஷஸ்வி ஜெய்ஸ்வால், கேஎல் ராகுல், சாய் சுதர்ஷன், ஷுப்மான் கில் (கேப்டன்), ரிஷப் பந்த், கருண் நாயர், ரவீந்திர ஜடேஜா, ஷர்துல் தாக்கூர், பிரசித் கிருஷ்ணா, ஜஸ்பிரித் பும்ரா, முகமது சிராஜ்.

Read More