டெஸ்டில் ரோஹித்தை பார்ப்பது இதுவே கடைசி முறையாக இருக்கலாம் - சுனில் கவாஸ்கர்!
இந்திய அணிக்காக டெஸ்ட் கிரிக்கெட்டில் ரோஹித் சர்மாவை நாம் பார்ப்பது இதுவே கடைசியாக இருக்கலாம் என முன்னாள் ஜாம்பவான் சுனில் கவாஸ்கர் தெரிவித்துள்ளார்.
ஆஸ்திரேலியாவில் சுற்றுப்பயணம் செய்துவரும் இந்திய அணி 5 போட்டிகளை உள்ளடக்கிய பார்டர் கவாஸ்கர் கோப்பை கிரிக்கெட் தொடரில் விளையாடி வருகிறது. இதில் நடந்து முடிந்துள்ள நான்கு டெஸ்ட் போட்டிகளின் முடிவில் ஆஸ்திரேலிய அணி இரண்டு போட்டிகளிலும், இந்திய அணி ஒரு போட்டியிலும் ஒரு போட்டியிலும் டிராவிலும் முடிவடைந்துள்ளது.
இதன் காரணமாக ஆஸ்திரேலிய அணி இத்தொடரில் 2-1 என்ற கணக்கில் முன்னிலைப் பெற்றுள்ளது. இதைத்தொடர்ந்து ஆஸ்திரேலியா - இந்திய அணிகளுக்கு இடையேயான இத்தொடரின் வெற்றியாளரைத் தீர்மானிக்கு ஐந்தாவது மற்றும் கடைசி டெஸ்ட் போட்டியானது சிட்னியில் உள்ள சிட்னி கிரிக்கெட் மைதானத்தில் இன்று (ஜனவரி 03) நடைபெற்று வருகிறது. இதில் டாஸ் வென்று முதலில் பேட்டிங் செய்து வரும் இந்திய அணி தற்போது வரை 7 விக்கெட்டுகளை இழந்து தடுமாறி வருகிறது.
Trending
இந்நிலையில் இப்போட்டிக்கு முன்னதாக மோசமான பேட்டிங்கை வெளிப்படுத்தியதன் காரணமாக அணியின் கேப்டன் ரோஹித் சர்மா இப்போட்டியில் இருந்து தனக்கு தானே ஓய்வளித்துக்கொண்டார். ஏனெனில் நடப்பு பார்டர் கவாஸ்கர் கோப்பை தொடரில் ரோஹித் சர்மா விளையாடிய மூன்று டெஸ்ட் போட்டிகளிலும் சேர்த்து வெறும் 31 ரன்களை மட்டுமே எடுத்துள்ளார். இதனால் அவரது பேட்டிங் ஃபார்ம் குறித்த கேள்விகள் அதிகரிக்கத் தொடங்கின.
மேற்கொண்டு அவர் டெஸ்ட் கிரிக்கெட்டில் இருந்து ஓய்வு பெறும் நேரம் வந்துவிட்டதாகவும் சில கருத்துகளை தெரிவித்து வருகின்றனர். இதன் காரணமாகவே அவர் இப்போட்டியில் இருந்து நீக்கப்பட்டுள்ளார் என்று கூறப்படுகிறது. இந்நிலையில், இந்திய கேப்டன் ரோகித் சர்மா மெல்போர்ன் கிரிக்கெட் மைதானத்தில் இந்திய அணிக்காக தனது கடைசி டெஸ்டில் விளையாடியதாக முன்னாள் கிரிக்கெட் வீரர் சுனில் கவாஸ்கர் கருத்து தெரிவித்துள்ளார்.
இதுகுறித்து பேசிய அவர், “உலக டெஸ்ட் சாம்பியன்ஷிப் இறுதிப் போட்டிக்கு இந்தியா தகுதி பெறவில்லை என்பது ஏறத்தாழ உறுதியாகி விட்டதாக நான் நினைக்கிறேன். என்னைப் பொறுத்தவரை, மெல்போர்ன் டெஸ்ட் ரோஹித் சர்மாவின் கடைசி ஆட்டமாக இருக்கும். எனவே 2027ஆம் ஆண்டிற்கான உலக டெஸ்ட் சாம்பியன்ஷிப் தொடரின் புதிய சுழற்சி இங்கிலாந்து தொடரில் இருந்து தொடங்கும். இதனால் இந்திய அணியில் சில மாற்றங்களும் இருக்கும்.
Also Read: Funding To Save Test Cricket
இந்தியா இறுதிப் போட்டிக்கு வருமா இல்லையா என்பது வேறு விஷயம், ஆனால் தேர்வுக் குழு அதைத்தான் செய்யும் என்று நினைக்கிறேன். எனவே டெஸ்ட் கிரிக்கெட்டில் ரோஹித் சர்மாவை நாம் பார்ப்பது இதுவே கடைசியாக இருக்கலாம். நாள் முடிவில் அவர் தேர்வுக் குழுவின் ஒரு பகுதியாகவும் இருக்கிறார். இந்திய கிரிக்கெட்டில் நடப்பது என்னவென்றால், வெளிநாடுகளுக்குச் செல்வதற்கான அணியைத் தேர்வு செய்யும் ஒரு தேர்வுக் குழு உள்ளது” என்று தெரிவித்துள்ளார்.
Win Big, Make Your Cricket Tales Now
