ஐசிசி மகளிர் டி20 உலகக்கோப்பை கிரிக்கெட் தொடரானது ஐக்கிய அரபு அமீரகத்தில் நடந்து முடிந்தது. இத்தொடரின் இறுதிப்போட்டியில் தென் ஆப்பிரிக்க மகளிர் அணியானது நியூசிலாந்திடம் தோல்வியைத் தழுவியதுடன் கோப்பையை வெல்லும் வாய்ப்பை மீண்டும் ஒருமுறை தவறவிட்டது.
இதனைத்தொடர்ந்து தென் ஆப்பிரிக்க அணி அடுத்ததாக இங்கிலாந்து அணியுடன் சொந்த மண்ணில் மூன்று போட்டிகளை கொண்ட டி20 மற்றும் ஒருநாள் தொடரிலும், ஒரே ஒரு டெஸ்ட் போட்டி கொண்ட தொடரிலும் விளையாடவுள்ளது. அதன்படி இரு அணிகளுக்கும் இடையேயான இந்த தொடரானது எதிவரும் நவம்பர் மாதம் 24ஆம் தேதி முதல் நடைபெறவுள்ளது. இதில் இரு அணிகளுக்கும் இடையேயான டி20 தொடர் நவம்பர் 24ஆம் தேதி தொடங்கவுள்ளது.
அதேசமயம் ஒருநாள் தொடரானது டிசம்பர் 04ஆம் தேதி முதலும், ஒரே ஒரு டெஸ்ட் போட்டியானது டிசம்பர் 15ஆம் தேதி நடைபெறவுள்ளது. இந்நிலையில் இத்தொடருக்கான ஹீதர் நைட் தலைமையிலான இங்கிலாந்து மகளிர் அணியின் ஒருநாள், டி20 மற்றும் டெஸ்ட் அணிகளை அந்நாட்டு கிரிக்கெட் வாரியம் இன்று அறிவித்துள்ளது. இதில் ஃபிரேயா கெம்ப் மற்றும் மையா பௌச்சர் ஆகியோர் இங்கிலாந்து டெஸ்ட் அணியில் முதல் முறையாக சேர்க்கப்பட்டுள்ளார்.
இதுதவிர்த்து லாரன் பெல், மையா பௌச்சர், சோஃபியா டங்க்லி, சார்லீ டீன், டேனியல் வையட் ஹாட்ஜ், நாட் ஸ்கைவர் பிரண்ட் உள்ளிட்ட நட்சத்திர வீராங்கனைகள் மூன்று வடிவிலான இங்கிலாந்து அணியிலும் இடம்பிடித்துள்ளனர். அதேசமயம் அனுபவ வீராங்கனை டாமி பியூமண்ட் ஒருநாள் மற்றும் டெஸ்ட் அணியில் மட்டுமே வாய்ப்பு வழங்கப்பட்டுள்ள, இங்கிலாந்து டி20 அணியில் அவருக்கு வாய்ப்பு கிடைக்கவில்லை என்பது குறிப்பிடத்தக்கது.
இங்கிலாந்து மகளிர் டி20 அணி: ஹீதர் நைட் (கேப்டன்), லாரன் பெல், மையா பௌச்சர், சார்லி டீன், சோபியா டன்க்லி, சோஃபி எக்லெஸ்டோன், லாரன் ஃபைலர், சாரா க்ளென், பெஸ் ஹீத், ஆமி ஜோன்ஸ், ஃப்ரீயா கெம்ப், பைஜ் ஸ்கால்ஃபீல்ட், நாட் ஸ்கைவர்-பிரண்ட், லின்ஸி ஸ்மித், டேனியல் வையட்-ஹாட்ஜ்
இங்கிலாந்து மகளிர் ஒருநாள் அணி: ஹீதர் நைட் (கேப்டன்), டாமி பியூமண்ட், லாரன் பெல், மையா பௌச்சர், ஆலிஸ் கேப்ஸி, கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், சாரா கிளென், ஏமி ஜோன்ஸ், ஃப்ரேயா கெம்ப், நாட் ஸ்கைவர்-பிரண்ட், டேனியால் வையட்-ஹாட்ஜ்
Also Read: Funding To Save Test Cricket
இங்கிலாந்து மகளிர் டெஸ்ட் அணி: ஹீதர் நைட் (கேப்டன்), டாமி பியூமண்ட், லாரன் பெல், மையா பௌச்சர், கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், ஏமி ஜோன்ஸ், ஃபிரேயா கெம்ப், நாட் ஸ்கைவர்-பிரண்ட், டேனியல் வையட்-ஹாட்ஜ்