இலங்கை கிரிக்கெட் அணியின் இந்திய பயணம் இன்றுடன் முடிவுக்கு வருகிறது. இதில் டி20 தொடரை 1-2 என்ற கணக்கில் இழந்த இலங்கை அணி அடுத்து 3 போட்டிகள் கொண்ட ஒரு நாள் தொடரில் பங்கேற்றுள்ளது. இதில் கவுகாத்தி மற்றும் கொல்கத்தாவில் நடந்த முதல் இரு ஆட்டங்களில் தோல்வியை தழுவிய இலங்கை அணி ஒரு நாள் தொடரையும் பறிகொடுத்து விட்டது.
இந்த நிலையில் இந்தியா- இலங்கை அணிகள் இடையிலான 3ஆவது மற்றும் கடைசி ஒரு நாள் போட்டி கேரள தலைநகர் திருவனந்தபுரத்தில் உள்ள கிரீன்பீல்டு சர்வதேச ஸ்டேடியத்தில் இன்று பகல்-இரவு மோதலாக நடக்கிறது. கௌகாத்தியில் நடந்த முதல் ஆட்டத்தில் விராட் கோலியின் சதத்தோடு 373 ரன் குவித்து மிரட்டிய இந்தியா 2ஆவது ஆட்டத்தில் 216 இலக்கை தடுமாறித் தான் எட்டிப்பிடித்தது. மிடில் வரிசையில் லோகேஷ் ராகுல் (64 ரன்) பொறுப்புடன் விளையாடி அணியை கரைசேர்த்தார்.
தொடரை 3-0 என்ற கணக்கில் முழுமையாக வெல்லும் உத்வேகத்துடன் உள்ள இந்திய அணியில் பெரிய அளவில் மாற்றம் இருக்காது என்று தெரிகிறது. பந்து வீச்சாளர்களில் முகமது ஷமி, அக்ஸர் பட்டேலுக்கு ஓய்வு அளித்து விட்டு அர்ஷ்தீப்சிங், வாஷிங்டன் சுந்தருக்கு வாய்ப்பு அளிக்கப்படலாம். இன்னும் 3 நாட்களில் நியூசிலாந்துக்கு எதிராக ஒரு நாள் கிரிக்கெட் தொடர் தொடங்க இருக்கிறது. அந்த தொடருக்கு வெற்றியோடு நுழைய இந்தியா ஆர்வமாக உள்ளது.
தசுன் ஷனகா தலைமையிலான இலங்கை அணியை பொறுத்தவரை பேட்டிங் சீரற்ற வகையில் உள்ளது. குறிப்பிட்ட வீரர்கள் ஒருசேர கைகொடுப்பதில்லை. அதனால் தான் தள்ளாடுகிறது. கேப்டன் ஷனகா, குசல் மென்டிஸ் மட்டுமே நல்ல பார்மில் உள்ளனர். மற்ற வீரர்களும் நிலைத்து நின்று ஆடினால் தான் இந்தியாவுக்கு நெருக்கடி கொடுக்க முடியும். இல்லாவிட்டால் வீழ்ச்சியில் இருந்து நிமிர்வது கடினம் தான்.
போட்டி நடக்கும் திருவனந்தபுரம் ஆடுகளம் பொதுவாக பேட்டிங் மற்றும் சுழற்பந்து வீச்சுக்கு ஒத்துழைக்கக்கூடியது. இங்கு இதற்கு முன்பு ஒரு நாள் போட்டி ஒன்று மட்டுமே நடந்துள்ளது. 2018ஆம் ஆண்டில் நடந்த அந்த ஆட்டத்தில் இந்திய அணி, வெஸ்ட் இண்டீசை 104 ரன்னில் சுருட்டி எளிதில் வெற்றி பெற்றது நினைவு கூரத்தக்கது.
உத்தேச லெவன்
இந்தியா - ரோஹித் சர்மா (கே), ஷுப்மான் கில் / இஷான் கிஷன், விராட் கோலி, ஸ்ரேயாஸ் ஐயர் / சூர்யகுமார் யாதவ், கேஎல் ராகுல், ஹர்திக் பாண்டியா, அக்ஸர் படேல், அர்ஷ்தீப் சிங், உம்ரான் மாலிக், முகமது சிராஜ், குல்தீப் யாதவ்.
இலங்கை – நுவனிந்து ஃபெர்னாண்டோ, பதும் நிஷங்கா/அவிஷ்க ஃபெர்னாண்டோ, குசல் மெண்டிஸ், தனஞ்சய டி சில்வா, சரித் அசலங்கா, தசுன் ஷனக (கேட்ச்), வனிந்து ஹசரங்க, சாமிக்க கருணாரத்ன, துனித் வெல்லலகே, கசுன் ராஜித, தில்சன் மதுஷங்க/லஹிரு குமார.
ஃபேண்டஸி லெவன் டிப்ஸ்
- விக்கெட் கீப்பர்: குசல் மெண்டிஸ், கேஎல் ராகுல்
- பேட்டிங்: விராட் கோலி, பதும் நிசாங்கா, ஷ்ரேயாஸ் ஐயர்
- ஆல்ரவுண்டர்: தசுன் ஷனகா, அக்சர் படேல், ஹர்திக் பாண்டியா
- பந்துவீச்சு: உம்ரான் மாலிக், கசுன் ரஜிதா, குல்தீப் யாதவ்