சாம்பியன்ஸ் கோப்பை: இந்திய அணியின் துணைக்கேப்டனாக பும்ரா நியமனம்?

வரும் 2025ஆம் ஆண்டு ஐசிசி சாம்பியன்ஸ் கோப்பை கிரிக்கெட் தொடர் பாகிஸ்தானில் நடைபெறவுள்ளது. புள்ளிப்பட்டியளின் டாப் 8 இடங்களைப் பிடிக்கும் அணிகள் நேருக்கு நேர் பலப்பரீட்சை நடத்தவுள்ளதால் இத்தொடரின் மீதான எதிர்பார்ப்புகளும் ரசிகர்கள் மாத்தியில் அதிகரித்துள்ளன. அதன்படி சாம்பியன்ஸ் கோப்பை தொடரானது அடுத்த ஆண்டு பிப்ரவரி 19ஆம் தேதி தொடங்கி மார்ச் 9ஆம் தேதி வரை பாகிஸ்தானில் நடைபெறவுள்ளது.  

இதில் இந்தியா - பாகிஸ்தான் இடையே இருக்கும் அரசியல் சூழ்நிலை காரணமாக இந்திய அணியும் பாகிஸ்தானுக்கு சென்று விளையாட மறுத்ததன் காரணமாக இத்தொடரானது ஹைபிரிட் மாடலில் நடைபெறவுள்ளது. அந்தவகையில் இத்தொடரில் இந்திய அணி பங்கேற்கும் போட்டிகள் மட்டும் துபாயில் நடைபெறும் என்று அறிவிக்கப்பட்டுள்ளது. அதன்படி மொத்தம் 8 அணிகள் பங்கேற்கும் நிலையில் இரு குழுக்களக பிரிக்கப்பட்டு இத்தொடரானது நடைபெறவுள்ளது.

இதில் குரூப் ஏ பிரிவில் இந்தியா, பாகிஸ்தான், நியூசிலாந்து மற்று வங்கதேச அணிகளும், பி பிரிவில் ஆஸ்திரேலியா, இங்கிலாந்து, தென் ஆப்பிரிக்கா மற்றும் ஆஃப்கானிஸ்தான் அணிகளும் இடம்பிடித்துள்ளன. மேலும் பிப்ரவரி 19ஆம் தேதி நடைபெறும் இத்தொடரின் முதல் லீக் போட்டியில் பாகிஸ்தான் மற்றும் நியூசிலாந்து அணிகள் பலப்பரீட்சை நடத்தவுள்ள நிலையில், இந்திய அணி தனது முதல் லீக் ஆட்டத்தில் வங்கதேச அணியை எதிர்த்து பலப்பரீட்சை நடத்தவுள்ளது.

இதுதவிர்த்து ரசிகர்கள் பெரிதும் எதிர்பார்த்து காத்திருக்கும் இந்தியா - பாகிஸ்தான் அணிகளுக்கு இடையேயான போட்டியானது பிப்ரவரி 23ஆம் தேதி துபாயில் நடைபெறவுள்ளது. அதன்பின் இந்திய அணி தனது கடைசி லீக் ஆட்டத்தில் நியூசிலாந்து அணியை எதிர்த்து பலப்பரீட்சை நடத்தவுள்ளது. இந்நிலையில் இத்தொடருக்கான இந்திய அணியும் விரைவில் அறிவிக்கப்படும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளது. 

அந்தவகையில் சாம்பியன்ஸ் கோப்பை தொடருக்கான இந்திய அணியின் துணைக்கேப்டனாக ஜஸ்பிரித் பும்ரா நியமிக்கப்படவுள்ளதாக தகவல்கள் வெளியாகியுள்ளது.  இருப்பினும், ஆஸ்திரேலிய அணிக்கு எதிரான பார்டர் கவாஸ்கர் கோப்பை தொடரின் இறுதி போட்டியின் போது ஜஸ்பிரித் பும்ரா முதுகு பகுதியில் காயமடைந்து போட்டியில் இருந்து வெளியேறினார். இதனால் அவர் சாம்பியன்ஸ் கோப்பை தொடருக்குள் முழு உடற்தகுதியை எட்டுவாரா என்ற கேள்வி எழுந்துள்ளது. 

Also Read: Funding To Save Test Cricket

இதுதவிர்த்து இங்கிலாந்து ஒருநாள் தொடரிலும் பும்ராவுக்கு ஓய்வளிக்கப்படவுள்ளதாக கூறப்படுகிறது. மேற்கொண்டு இங்கிலாந்து ஒருநாள் தொடருக்கான இந்திய அணியில் ஸ்ரேயாஸ் ஐயர், ஹர்திக் பாண்டியா மற்றும் அர்ஷ்தீப் சிங் உள்ளிட்ட வீரர்களும் சேர்க்கப்படுவார்கள் என்று எதிர்பார்க்கப்படுகிறது. அதேசமயம் முகமது ஷமி மற்றும் சஞ்சு சாம்சன் ஆகியோருக்கு இந்த அணியில் வாய்ப்பு கிடைக்குமா என்பது ரசிகர்கள் மத்தியில் மிகப்பெரும் கேள்வியாக உள்ளது.