India vs England Manchester Test: மான்செஸ்டரில் நடைபெறும் நான்காவது டெஸ்ட் போட்டியின் மூலம் இங்கிலாந்தின் நட்சத்திர வீரர் ஜோ ரூட் முன்னாள் ஜாம்பவான்களான ரிக்கி பாண்டிங் மற்றும் சச்சின் டெண்டுல்கரின் வரலாற்று சாதனைகளை நோக்கி கண்காணித்து வருகிறார்.
இங்கிலாந்து - இந்தியா அணிகளுக்கு இடையேயான ஆண்டர்சன் - டெண்டுல்கர் கோப்பை டெஸ்ட் தொடரின் 4ஆவது போட்டி எதிர்வரும் ஜூலை 23ஆம் தேதி மான்செஸ்டரில் உள்ள ஓல்ட் டிராஃபோர்ட் கிரிக்கெட் மைதானத்தில் நடைபெறவுள்ளது. தற்சமயம் இங்கிலாந்து அணி இத்தொடரில் 2-1 என்ற கணக்கில் முன்னிலை வகித்து வரும் நிலையில், இப்போட்டியிலும் வெற்றிபெற்று தொடரை கைப்பற்றும் முனைப்பில் விளையாடவுள்ளது.
டெஸ்ட் கிரிக்கெட்டில் அதிக ரன்கள்
இந்நிலையில் இப்போட்டியின் மூலம் இங்கிலாந்து அணியின் நட்சத்திர வீரர் ஜோ ரூட் சர்வதேச கிரிக்கெட்டில் சில சாதனைகளை படைக்கும் வாய்ப்பைப் பெற்றுள்ளார். அதன்படி இப்போட்டியில் அவர் 120 ரன்களைச் சேர்க்கும் பட்சத்தில் சர்வாதேச டெஸ்ட் கிரிக்கெட்டில் அதிக ரன்களை அடித்த வீரர்களின் பட்டியலில் ரிக்கி பாண்டிங், ஜாக் காலிஸ் மற்றும் ராகுல் டிராவிட்டை முந்தி இரண்டாவது இடத்தைப் பிடிக்கும் வாய்ப்பை பெற்றுள்ளார்.
டெஸ்ட் கிரிக்கெட்டில் அதிக ரன்கள்
- சச்சின் டெண்டுல்கர் - 15921 ரன்கள்
- ரிக்கி பாண்டிங் - 13378 ரன்கள்
- ஜாக் காலிஸ் - 13289 ரன்கள்
- ராகுல் டிராவிட் - 13288 ரன்கள்
- ஜோ ரூட் - 13259 ரன்கள்
சர்வதேச டெஸ்ட் கிரிக்கெட்டில் அதிக அரைசதங்கள்
இதுதவிர்த்து டெஸ்ட் கிரிக்கெட்டில் அதிக அரைசதங்கள் அடித்த வீரர்களின் பட்டியலில் ஜோ ரூட் தற்போது கூட்டாக இரண்டாவது இடத்தில் உள்ளார். இந்த வடிவத்தில் அவர் 66 அரைசதங்கள் அடித்துள்ளார். அதேபோல் வெஸ்ட் இண்டீஸின் முன்னாள் வீரர் ஷிவ்நரைன் சந்தர்பாலும் 66 அரைசதங்களைப் பதிவுசெய்துள்ளார். இந்த பட்டியலில் இந்திய அணியின் முன்னாள் ஜாம்பவான் சச்சின் டெண்டுல்கர் 68 அரைசதங்களுடன் முதலிடத்தில் உள்ளார்.
சர்வதேச டெஸ்ட் கிரிக்கெட்டில் அதிக அரைசதங்கள்
- சச்சின் டெண்டுல்கர் - 68 அரை சதங்கள்
- ஜோ ரூட் - 66 அரை சதங்கள்
- ஷிவ்நரைன் சந்தர்பால் - 66 அரை சதங்கள்
- ராகுல் டிராவிட் - 63 அரை சதங்கள்
- ஆலன் பார்டர் - 63 அரை சதங்கள்
டெஸ்டில் அதிக சதங்கள்
இது மட்டுமல்லாமல், ஜோ ரூட் மான்செஸ்டர் டெஸ்டில் ஒரு சதம் அடிக்க்கும் பட்சத்தில் சர்வதேச டெஸ்ட் கிரிக்கெட்டில் தனது 38ஆவது சதத்தை நிறைவு செய்வார்.தன் மூலம் அதிக சதங்கள் அடித்த வீரர்கள் பட்டியலில் குமார் சங்கக்காரவின் சாதனையை சமன் செய்து நான்காவது இடத்தைப் பிடிப்பார் என்பதையும் அறிந்து கொள்ளுங்கள். இந்தப் பட்டியலிலும் இந்திய அணியின் முன்னாள் ஜாம்பவான் சச்சின் டெண்டுல்கர் 51சதங்களை அடித்து முதலிடத்தில் உள்ளார்.
டெஸ்டில் அதிக சதங்கள்
- சச்சின் டெண்டுல்கர் - 51 சங்கள்
- ஜாக்ஸ் காலிஸ் - 45 சதங்கள்
- ரிக்கி பாண்டிங் - 41 சதங்கள்
- குமார் சங்கக்காரா - 38 சதங்கள்
- ஜோ ரூட் - 37 சதங்கள்
Also Read: LIVE Cricket Score
நான்காவது டெஸ்ட் போட்டிக்கான இங்கிலாந்து அணி: பென் ஸ்டோக்ஸ் (கேப்டன்), ஜோஃப்ரா ஆர்ச்சர், கஸ் அட்கின்சன், ஜேக்கப் பெத்தேல், ஹாரி புரூக், பிரைடன் கார்ஸ், ஜாக் கிராலி, லியாம் டௌசன், பென் டக்கெட், ஓலி போப், ஜோ ரூட், ஜேமி ஸ்மித், ஜோஷ் டோங், கிறிஸ் வோக்ஸ்.