SA vs PAK: பாகிஸ்தன் தொடரிலிருந்து விலகினார் ஆன்ரிச் நோர்ட்ஜே!

தென் ஆப்பிரிக்கா அணியானது சொந்த மண்ணில் பாகிஸ்தானுக்கு அணிக்கு எதிராக மூன்று போட்டிகள் கொண்ட ஒருநாள் மற்றும் டி20 தொடரிலும், இரண்டு போட்டிகள் கொண்ட டெஸ்ட் தொடரிலும் விளையாடவுள்ளது. இதில் நடந்து முடிந்த முதல் டி20 போட்டியில் தென் ஆப்பிரிக்க அணி வெற்றிபெற்றதுடன் 1-0 என்ற கணக்கில் தொடரில் முன்னிலைப் பெற்றுள்ளது. 

இதனையடுத்து தென் ஆப்பிரிக்கா - பாகிஸ்தான் அணிகளுக்கு இடையேயான இரண்டாவது டி20 போட்டி நாளை (டிசம்பர் 13) செஞ்சூரியனில் நடைபெறவுள்ளது. இதில் தென் ஆப்பிரிக்க அணியானது முதல் போட்டியில் பெற்ற உத்வேகத்துடன் இப்போட்டியையும் வெல்லும் முயற்சியில் இறங்கியுள்ளது. அதேசமயம் மறுபக்கம் முதல் போட்டியில் அடைந்த தோல்விக்கு பதிலடி கொடுக்கு முயற்சியில் பாகிஸ்தான் அணியும் இப்போட்டியை எதிகொள்ளவுள்ளது.

இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளது. மேற்கொண்டு இப்போட்டிக்காக இரு அணி வீரர்களும் தீவிரமாக தயாராகி வருகின்றன. இந்நிலையில் இப்போட்டிக்கு முன்னதாக தென் ஆப்பிரிக்க அணி பின்னடைவை சந்தித்துள்ளது. அதன்படி தென் ஆப்பிரிக்க அணியின் வேகப்பந்து வீச்சாளர் ஆன்ரிச் நோர்ட்ஜே காயம் காரணமாக இத்தொடரில் இருந்து விலகுவதாக அறிவிக்கப்பட்டுள்ளது. 

மேலும் பாகிஸ்தான் அணிக்கு எதிரான ஒருநாள் தொடரிலும் ஆன்ரிச் நோர்ட்ஜே விலகுவதாக தென் ஆப்பிரிக்க கிரிக்கெட் வாரியம் அறிவித்துள்ளது. முன்னதாக நடந்து முடிந்த டி20 உலகக்கோப்பை கிரிக்கெட் தொடருக்கு பிறகு ஆன்ரிச் நோட்ர்ஜே பங்கேற்கும் முதல் சர்வதேசா தொடராக இது அமைந்தது. மேலும் எதிர்வரும் சாம்பியன்ஸ் கோப்பை கிரிக்கெட் தொடருக்கு தயாராகும் வகையில் ஆன்ரிர் நோர்ட்ஜே சேர்க்கப்பட்டிருப்பதாக கூறப்பட்டது.

மேலும் பாகிஸ்தான் அணிக்கு எதிரான முதல் டி20 போட்டியின் போதே தென் ஆப்பிரிக்க அணியின் பிளேயிங் லெவனில் இடம்பிடிப்பார் என எதிர்பார்க்கப்பட்டது. ஆனால் தற்சமயம் அவர் காயம் காரணமாக இந்த தொடரில் இருந்து விலகியுள்ளது ரசிகர்களை ஏமாற்றமடைய செய்துள்ளது. அதேசமயம் அவருக்கு மாற்று வீரராக தயான் கலீம் எஞ்சியுள்ள போட்டிக்கான தென் ஆப்பிரிக்க அணியில் சேர்க்கப்பட்டுள்ளார். 

தென் ஆப்பிரிக்க டி20 அணி: ஹென்ரிச் கிளாசென் (கேப்டன்), ஓட்னீல் பார்ட்மேன், மேத்யூ ப்ரீட்ஸ்கி, டொனோவன் ஃபெரீரா, ரீசா ஹென்ட்ரிக்ஸ், பேட்ரிக் க்ரூகர், ஜார்ஜ் லிண்டே, குவேனா மபாகா, டேவிட் மில்லர், நகாபா பீட்டர், ரியான் ரிக்கேல்டன், தப்ரைஸ் ஷம்சி, அண்டில் சிமெலேன், ரஸ்ஸி வான் டெர் டுசென் மற்றும் தயான் கலீம்.

Also Read: Funding To Save Test Cricket