IND vs NZ: இந்திய ஒருநாள், டி20 அணிகள் அறிவிப்பு; டி20 அணியின் வாய்ப்பை பெற்றார் பிரித்வி ஷா!

இந்தியாவுக்கு சுற்றுப்பயணம் மேற்கொண்டுள்ள நியூசிலாந்து அணி 3 ஒருநாள் போட்டி மற்றும் 3 டி20 போட்டிகள் கொண்ட தொடரில் பங்கேற்கிறது. இதற்கான இந்திய அணியை பிசிசிஐயின் புதிய தேர்வுக்குழு உறுப்பினர்கள் அறிவித்துள்ளனர்.

இலங்கைக்கு எதிரான ஒருநாள் தொடர் 15ஆம் தேதி முடிந்த உடன் வரும் 18ஆம் தேதி ஹைதராபாத்தில் நியூசிலாந்துக்கு எதிரான ஒருநாள் தொடர் தொடங்குகிறது. இதற்கான இந்திய அணி அறிவிக்கப்பட்டுள்ளது. இதில் கேஎல் ராகுல் தனது திருமண பணிக்காக செல்வதால் அவர் பங்கேற்கவில்லை.

ஒருநாள் தொடரில் கேப்டனாக ரோகித் சர்மா தொடர்கிறார் அவருக்கு துணை கேப்டனாக ஹ்ர்திக் பாண்டியா இந்த தொடரிலும் செயல்படுவார் என்று அறிவிக்கப்பட்டுள்ளது. கேஎல் ராகுலுக்கு பதிலாக கேஎஸ் பரத்துக்கு வாய்ப்பு வழங்கப்பட்டுள்ளது. இதே போன்று ஆல் ரவுண்டர் ஷாபாஸ் அகமது, ஷர்துல் தாக்கூர் இந்திய அணிக்கு திரும்பியுள்ளனர். அக்சர் பட்டேலுக்கு ஓய்வு வழங்கப்பட்டு உள்ளது.

இதனைத் தொடர்நது, டி20 தொடருக்கான இந்திய அணி அறிவிக்கப்பட்டுள்ளது. இந்த தொடர் வரும் 27ஆம் தேதி தொடங்குகிறது. இதில் ரோஹித் சர்மா, விராட் கோலி ஆகியோருக்கு டி20 அணியில் ஓய்வு வழங்கப்பட்டுள்ளது. பெரும் ஆச்சரியமாக இந்திய அணியின் அதிரடி இளம் வீரர் பிரித்வி ஷாக்கு டி20 தொடரில் வாய்ப்பு வழங்கப்பட்டு இருக்கிறது. இந்த தொடருக்கு ஹர்திக் கேப்டனாக தொடர்கிறார். இதிலும் அக்சர் பட்டேல் இல்லை.

இந்திய ஒருநாள் அணி: ரோஹித் சர்மா, ஹர்திக் பாண்டியா, சுப்மான் கில், இஷான் கிஷன், விராட் கோலி, ஸ்ரேயாஸ் ஐயர், சூர்யகுமார் யாதவ், கேஎஸ் பரத், வாஷிங்டன் சுந்தர், ஷாபாஸ் அகமது, ஷர்துல் தாக்கூர், சாஹல், குல்தீப் யாதவ், முகமது ஷமி, முகமது சிராஜ்,உம்ரான் மாலிக்.

இந்திய டி20 அணி: ஹர்திக் பாண்டியா, சூர்யகுமார் யாதவ்,இஷான் கிஷன், ருத்துராஜ் கெய்க்வாட், சுப்மான் கில், தீபக் ஹூடா, ராகுல் திரிபாதி, ஜிதேஷ் சர்மா, வாசிங்டன் சுந்தர்,குல்தீப் யாதவ், சாஹல், ஆர்ஸ்தீப் சிங், உம்ரான் மாலிக், சிவம் மவி, பிரித்வி ஷா, முகேஷ் குமார்.