ஐபிஎல் 2025: டி20 கிரிக்கெட்டில் புதிய சாதனை படைத்த விராட் கோலி!

ஐபிஎல் தொடரில் இன்று நடைபெற்று வரும் லீக் போட்டியில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தின. மும்பையில் உள்ள வான்கடே கிரிக்கெட் மைதானத்தில் நடைபெற்ற இப்போட்டியில் டாஸ் வென்ற மும்பை இந்தியன்ஸ் முதலில் பந்துவீசுவதாக அறிவித்தது.

இதனையடுத்து களமிறங்கிய ராயல் சேலஞ்சர்ஸ் பெங்களூரு அணியில் பில் சால்ட் 4 ரன்களை மட்டுமே எடுத்த கையோடு விக்கெட்டை இழக்க, அடுத்து களமிறங்கி அதிரடியாக விளையாடிய தேவ்தத் படிக்கல் 37 ரன்களில் விக்கெட்டை இழந்தார். பின்னர் ஜோடி சேர்ந்த விராட் கோலி மற்றும் ரஜத் பட்டிதார் இணை அபார ஆட்டத்தை வெளிப்படுத்தியதுடன் தங்களின் அரைசதங்களையும் பூர்த்தி செய்து அசத்தினார். இதில் விராட் கோலி 67 ரன்களில் விக்கெட்டை இழந்தார். 

அவரைத்தொடர்ந்து ரஜத் பட்டிதாரும் 64 ரன்களுடன் நடையைக் கட்ட, இறுதிவரை ஆட்டமிழக்காமல் இருந்த ஜித்தேஷ் சர்மா 40 ரன்களைச் சேர்த்து அணிக்கு தேவையான ஃபினிஷிங்கைக்  கொடுத்தார்.  இதன்மூலம் ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 5 விக்கெட்டுகளை இழந்து 221 ரன்களைச் சேர்த்தது. இதனையடுத்து இமாலய இலக்கை நோக்கி மும்பை இந்தியன்ஸ் அணி விளையாடி வருகிறது.

இந்நிலையில் இப்போட்டியின் மூலம் ஆர்சிபி அணி வீரர் விராட் கோலி புதிய சாதனை ஒன்றைப் பூர்த்தி செய்து அசத்தியுள்ளார். அதன்படி இப்போட்டியில் விராட் கோலி 17 ரன்களைச் சேர்த்ததன் மூலம் டி20 கிரிக்கெட்டில் தனது 13ஆயிரம் ரன்களைப் பூர்த்தி செய்தனர். இதன்மூலம் உலகளவில் இந்த சாதனையை படைக்கும் ஐந்தாவது வீரர் மற்றும் முதல் இந்திய வீரர் எனும் சாதனையை விராட் கோலி படைத்துள்ளார். 

அதுமட்டுமில்லால் டி20 கிரிக்கெட்டில் அதி வேகமமாக இந்த மைல் கல்லை எட்டிய இரண்டாவது வீரர் எனும் பெருமையையும் பெற்றுள்ளார். முன்னதாக இங்கிலாந்து அணியின் அலெக்ஸ் ஹேல்ஸ் 474 இன்னிங்ஸ்களில் 13ஆயிரம் ரன்களைக் கடந்ததே சாதனையாக இருந்த நிலையில், தற்போது விராட் கோலி 386ஆவது இன்னிங்ஸில் இதனைப் பூர்த்தி செய்து அசத்தியுள்ளார். இந்த பட்டியலில் வெஸ்ட் இண்டீஸின் முன்னாள் ஜாம்பவான் கிறிஸ் கெயில் 381 இன்னிங்ஸ்களில் எட்டி முதலிடத்தில் உள்ளார்.

டி20 போட்டிகளில் அதிவேகமாக 13000 ரன்கள் (இன்னிங்ஸ் வாரியாக)

• கிறிஸ் கெய்ல் - 381 இன்னிங்ஸ்கள்
• விராட் கோலி - 385 இன்னிங்ஸ்கள்
• அலெக்ஸ் ஹேல்ஸ் - 474 இன்னிங்ஸ்
• சோயிப் மாலிக் - 487 இன்னிங்ஸ்
• கீரோன் போலார்டு - 594 இன்னிங்ஸ்

ராயல் சேலஞ்சர்ஸ் பெங்களூரு பிளேயிங் லெவன்: பிலிப் சால்ட், விராட் கோலி, தேவ்தத் படிக்கல், ரஜத் படிதார்(கேட்ச்), லியாம் லிவிங்ஸ்டோன், ஜிதேஷ் சர்மா(வ), டிம் டேவிட், க்ருனால் பாண்டியா, புவனேஷ்வர் குமார், ஜோஷ் ஹேசில்வுட், யாஷ் தயாள்

இம்பாக்ட் சப்ஸ்: ரசிக் தார் சலாம், சுயாஷ் சர்மா, ஸ்வஸ்திக் சிகாரா, ஜேக்கப் பெத்தேல், ஸ்வப்னில் சிங்

மும்பை இந்தியன்ஸ் பிளேயிங் லெவன்: வில் ஜாக்ஸ், ரியான் ரிக்கல்டன்(டபிள்யூ), சூர்யகுமார் யாதவ், திலக் வர்மா, ஹர்திக் பாண்டியா(கேட்ச்), நமன் திர், மிட்செல் சான்ட்னர், தீபக் சாஹர், டிரென்ட் போல்ட், ஜஸ்பிரிட் பும்ரா, விக்னேஷ் புதூர்

Also Read: Funding To Save Test Cricket

இம்பாக்ட் சப்ஸ்: ரோஹித் சர்மா, கார்பின் போஷ், ராபின் மின்ஸ், அஸ்வனி குமார், ராஜ் பாவா