BGT 2024: பயிற்சியின் போது காயமடைந்த ஷுப்மன் கில்; முதல் போட்டியில் விளையாடுவது சந்தேகம்!
பார்டர் கவாஸ்கர் கோப்பை தொடருக்கான பயிற்சியின் போது இந்திய அணியின் நட்சத்திர வீரர் ஷுப்மன் கில் விரல் பகுதியில் காயமடைந்துள்ளதாக தகவல் வெளியாகியுள்ளது.
முன்னதாக நியூசிலாந்து அணிக்கு எதிராக சொந்த மண்ணில் நடைபெற்று மூன்று போட்டிகள் கொண்ட டெஸ்ட் தொடரில் இந்திய அணி 3-0 என்ற கணக்கில் படுதோல்வியைச் சந்தித்ததுடன், சொந்த மண்ணில் முதல் முறையால ஒயிட்வாஷ் ஆகியும் அதிர்ச்சியளித்துள்ளது. இதனால் கடும் நெருக்கடிக்கு மத்தியில் இந்திய அணி இத்தொடரை எதிர்கொள்ளவுள்ளதால், இதில் அணியின் செயல்பாடு எவ்வாறு இருக்கும் என்ற எதிர்பார்ப்பு அதிகரித்துள்ளது.
Trending
மேற்கொண்டு இத்தொடருக்கான இந்திய அணியையும் பிசிசிஐ சமீபத்தில் அறிவித்திருந்தது. அதன்படி இந்திய அணியில் அறிமுக வீரர்கள், அபிமன்யூ ஈஸ்வரன், நிதீஷ் குமார் ரெட்டி, ஹர்ஷித் ரானா உள்ளிட்டோருக்கு வாய்ப்பு வழங்கப்பட்டுள்ளது. இவர்களுடன் பிரஷித் கிருஷ்ணாவுக்கும் இந்திய டெஸ்ட் அணியில் மீண்டும் சேர்க்கப்பட்டுள்ளனர். அதேசமயம் குல்தீப் யாதவ், அக்ஸர் படேல், முகமது ஷமி ஆகியோருக்கு இந்த அணியில் இடம் கிடைக்கவில்லை.
இந்நிலையில் ஆஸ்திரேலியா சென்றடைந்துள்ள இந்திய அணி வீரர்கள் தங்களது பயிற்சியை தொடங்கியுள்ளனர். அதன்படி இந்திய வீரர்களே இரு குழுக்களாக பிரிந்து தற்சமயம் பயிற்சியில் ஈடுபட்டு வருகின்றனர். இந்நிலையில் இந்த பயிற்சி ஆட்டத்தின் போது இந்திய அணியின் இளம் வீரர் ஷுப்மன் கில் விரல் பகுதியில் காயமடைந்துள்ளதாக தகவல்கள் வெளியாகியுள்ளன. மேலும் அவரது காயம் குறித்து ஸ்கேன் பரிசோதனையும் மேற்கொள்ளபடவுள்ளதாக தகவல் வெளியாகியுள்ளது.
India's Number Three Shubman Gill hurt his finger during match simulation!#AUSvIND #Australia #India #Cricket pic.twitter.com/Y45LOxVAEI
— CRICKETNMORE (@cricketnmore) November 16, 2024
ஒருவேளை அவரது காயம் தீவிரமடையும் பட்சத்தில் பெர்தில் நடைபெற இருக்கும் முதல் டெஸ்ட் போட்டியில் இருந்தும் அவர் விலகுவார் என்று கூறப்படுகிறது. முன்னதாக இந்திய அணியின் நட்சத்திர வீரர்களான கேஎல் ராகுல் மற்றும் விராட் கோலி ஆகியோரும் காயத்தை சந்தித்ததாக தகவல்கள் வெளியான நிலையில், தற்சமயம் ஷுப்மன் கில்லும் காயமடைந்துள்ளதாக தகவல் வந்துள்ளது இந்திய அணிக்கு பெரும் பின்னடைவாக பார்க்கப்படுகிறது.
Also Read: Funding To Save Test Cricket
இந்திய டெஸ்ட் அணி: ரோஹித் சர்மா (கே), ஜஸ்பிரித் பும்ரா, யஷஸ்வி ஜெய்ஸ்வால், அபிமன்யு ஈஸ்வரன், ஷுப்மான் கில், விராட் கோலி, கேஎல் ராகுல், ரிஷப் பந்த், சர்ஃப்ராஸ் கான், துருவ் ஜூரல், ரவிச்சந்திரன் அஸ்வின், ரவீந்திர ஜடேஜா, முகமது சிராஜ், ஆகாஷ் தீப், பிரசித் கிருஷ்ணா, ஹர்ஷித் ராணா, நிதிஷ் குமார் ரெட்டி, வாஷிங்டன் சுந்தர்.
Win Big, Make Your Cricket Tales Now
