இங்கிலாந்து லையன்ஸுக்கு எதிரான போட்டியை தவறவிடும் ஷுப்மன் கில், சாய் சுதர்ஷன்
இங்கிலாந்து லையன்ஸுக்கு எதிரான இரண்டாவது அதிகாரப்பூர்வ டெஸ்ட் போட்டிக்கான இந்திய ஏ அணியில் ஷுப்மன் கில், சாய் சுதர்ஷன் ஆகியோர் விளையாட மாட்டார்கள் என்று தகவல் வெளியாகிவுள்ளது.
இதனையடுத்து இரு அணிகளுக்கும் இடையேயான இரண்டாவது அதிகாரப்பூர்வ டெஸ்ட் போட்டியானது நார்தாம்டனில் எதிர்வரும் ஜூன் 6ஆம் தேதில் நடைபெறவுள்ளது. இந்நிலையில் இப்போட்டிக்கான இந்திய ஏ அணில் இந்திய அணியின் புதிய டெஸ்ட் கேப்டன் ஷுப்மன் கில் மற்றும் அறிமுக வீரர் சாய் சுதர்ஷன் ஆகியோர் இடம்பிடிக்க மாட்டார்கள் என்ற தகவல் வெளியாகிவுள்ளது. முன்னதாக இவர்கள் இருவரும் இரண்டாவது போட்டியில் இந்திய ஏ அணியுடன் இணைவார்கள் என்று அறிவிக்கப்பட்டது.
அதனைத்தொடர்ந்து அவர்கள் இருவரும் இங்கிலாந்துக்கு எதிரான ஐந்து போட்டிகள் கொண்ட டெஸ்ட் தொடரில் விளையாடுவார்கள் என்று கூறப்பட்டது. ஆனால் தற்போது ஷுப்மன் கில் மற்றும் சாய் சுதர்ஷன் ஆகியோர் ஜூன் 6ஆம் தேதி செல்லும் இந்திய அணியுடன் இணைந்து இங்கிலாந்து செல்லவுள்ளதாகவும், இதன் காரணமாக அவர்கள் இருவரும் இந்திய ஏ அணியில் இடம்பிடிக்க வாய்ப்பில்லை என்று கூறப்படுகிறது.
அதேசயம் இரண்டாவது அதிகாரப்பூர்வமற்ற டெஸ்ட் போட்டிக்கான இந்திய ஏ அணியில் கேஎல் ராகுல் இணைவார் என்றும் தகவல் வெளியாகிவுள்ளது. மேற்கொண்டு இப்போட்டியில் வேகப்பந்து வீச்சாளர் ஆகாஷ் தீப்பும் இடம்பிடிப்பார் என்று கூறப்படுகிறது. இருப்பினும் இங்கிலாந்து டெஸ்ட் தொடருக்கு முன் ஷுப்மன் கில் மற்றும் சாய் சுதர்ஷன் ஆகியோர் இங்கிலாந்து லையன்ஸுக்கு எதிரான போட்டியில் விளையாடாதது அவர்களுக்கு சற்று பின்னடைவாக அமையும் என்று கணிக்கப்படுகிறது.
மறுபக்கம் காயம் காரணமாக சர்வதேச கிரிக்கெட்டில் இருந்து விலகி இருக்கும் இங்கிலாந்து வேகப்பந்து வீச்சாளர் கிறிஸ் வோக்ஸ் இந்திய ஏ அணிக்கு எதிரான இரண்டாவது போட்டியில் விளையாடவுள்ளதாக கூறப்படுகிறது. இப்போட்டியில் கிறிஸ் வோக்ஸ் சிறப்பாக செயல்படும் பட்சத்தில் இந்திய அணிக்கு எதிரான டெஸ்ட் தொடரில் விளையாடும் இங்கிலாந்து அணியிலும் வாய்ப்பை பெறுவார் என்று எதிர்பார்க்கப்படுகிறது.
Also Read: LIVE Cricket Score
இந்திய ஏ அணி: அபிமன்யு ஈஸ்வரன் (கேப்டன்), யஷஸ்வி ஜெய்ஸ்வால், கருண் நாயர், துருவ் ஜூரல் , நிதிஷ் குமார் ரெட்டி, ஷர்துல் தாக்கூர், இஷான் கிஷன், மானவ் சுதர், தனுஷ் கோட்டியன், முகேஷ் குமார், ஆகாஷ் தீப், ஹர்ஷித் ராணா, அன்ஷுல் கம்போஜ், கலீல் அகமது, ருதுராஜ் கெய்க்வாட், சர்ஃபராஸ் கான், துஷார் தேஷ்பாண்டே, ஹர்ஷ் துபே.
Win Big, Make Your Cricket Tales Now
