வங்கதேச டெஸ்ட் போட்டி; சென்னை வந்தடைந்த இந்திய அணி வீரர்கள்!
இந்தியா - வங்கதேச அணிகளுக்கு இடையேயான முதல் டெஸ்ட் போட்டியில் சென்னையில் நடைபெறவுள்ள நிலையில், இப்போட்டியில் பங்கேற்கும் இந்திய அணி வீரர்கள் நேற்றைய தினம் சென்னை வந்தடைந்தனர்.
இந்தியாவில் சுற்றூப்பயணம் மேற்கொண்டுள்ள வங்கதேச அணியானது 2 போட்டிகள் கொண்ட டெஸ்ட் தொடர் மற்றும் 3 போட்டிகள் கொண்ட டி20 தொடர்களில் விளையாடவுள்ளது. இவ்விரு அணிகளுக்கும் இடையேயான டெஸ்ட் இத்தொடரானது செப்டம்பர் 19ஆம் தேதி முதல் தொடங்கவுள்ளது. அதன்படி, செப்டம்பர் 19ஆம் தேதி தொடங்கும் முதல் டெஸ்ட் போட்டியானது சென்னை சேப்பாக்கத்தில் உள்ள எம் ஏ சிதம்பரம் கிரிக்கெட் மைதானத்தில் நடைபெறவுள்ளது.
இந்நிலையில் வங்கதேச அணிக்கு எதிரான முதல் டெஸ்ட் போட்டியில் விளையாடும் இந்திய அணி சமீபத்தில் அறிவிக்கப்பட்டுள்ளது. ரோஹித் சர்மா தலைமையிலான இந்த அணியில் இந்திய அணிக்கு மீண்டும் கம்பேக் கொடுத்துள்ள ரிஷப் பந்திற்கு வாய்ப்பு கிடைத்துள்ளது. அதேசமயம் அறிமுக வேகப்பந்து வீச்சாளரான யாஷ் தயாளிற்கும் இப்போட்டியில் விளையாடும் வாய்ப்பானது வழங்கப்பட்டுள்ளது.
Trending
அதேசமயம், நேற்றைய தினம் இந்த டெஸ்ட் தொடருக்கான வங்கதேச அணியை அந்நாட்டு கிரிக்கெட் வாரியம் அறிவித்துள்ளது. அதன்படி நஜ்முல் ஹொசைன் சாண்டோ தலைமையிலான இந்த அணியில், காயம் காரணமாக வேகப் பந்துவீச்சாளர் ஷோரிஃபுல் இஸ்லாம் சேர்க்கப்படாத நிலையில், அவருக்குப் பதிலாக அறிமுக வீரரான ஜேக்கர் அலி அனிக் இந்த அணியில் சேர்க்கப்பட்டுள்ளார். மேற்கொண்டு பாகிஸ்தான் தொடரில் விளையடிய வீரர்களே இத்தொடரிலும் இடம்பிடித்துள்ளனர்.
இந்நிலையில் வங்கதேச அணிக்கு எதிரான முதல் டெஸ்ட் போட்டியில் பங்கேற்கவுள்ள இந்திய அணி வீரர்கள் நேற்றைய தினம் சென்னை வந்தடைந்துள்ளதாக கூறப்படுகிறது. அதன்படி அணியின் கேப்டன் ரோஹித் சர்மா, நட்சத்திர வீரர்கள் விராட் கோலி, ஜஸ்பிரித் பும்ரா, ரிஷப் பந்த் உள்ளிட்ட வீரர்கள் சென்னை வந்துள்ளனர். இதனையடுத்து இன்று முதல் இந்திய அணி வீரர்கள் தங்கள் பயிற்சிகளை மேற்கொள்வார்கள் என்றும் தகவல்கள் வளியாகியுள்ளன.
Team India Lands in Chennai ahead of the test match against Bangladesh!#CricketTwitter #India #INDvBAN #RohitSharma #KLRahul #JaspritBumrah #ViratKohli #RishabhPant pic.twitter.com/4GrjVPu7X2
— CRICKETNMORE (@cricketnmore) September 13, 2024
இந்திய டெஸ்ட் அணி: ரோஹித் சர்மா (கே), யஷஸ்வி ஜெய்ஸ்வால், ஷுப்மன் கில், விராட் கோலி, கேஎல் ராகுல், சர்ஃப்ராஸ் கான், ரிஷப் பந்த், துருவ் ஜூரல், ரவிச்சந்திரன் அஷ்வின், ரவீந்திர ஜடேஜா, அக்ஸர் படேல், குல்தீப் யாதவ், முகமது சிராஜ், ஆகாஷ் தீப் , ஜஸ்பிரித் பும்ரா, யாஷ் தயாள்.
Also Read: Funding To Save Test Cricket
வங்கதேச டெஸ்ட் அணி: நஜ்முல் ஹொசைன் சாண்டோ (கேப்டன்), ஸாத்மன் இஸ்லாம், ஜாகிர் ஹாசன், மோமினுல் ஹேக், முஸ்ஃபிக்கூர் ரஹீம், ஷகிப் அல் ஹசன், லிட்டன் தாஸ், மெஹிதி ஹாசன் மிராஸ், ஜேக்கர் அலி, தஸ்கின் அகமது, ஹசன் மஹ்முத், நஹித் ராணா, தைஜுல் இஸ்லாம், மஹ்முதுல் ஹாசன் ஜாய், நயீம் ஹசன், காலித் அகமது.
Win Big, Make Your Cricket Tales Now
