உலகக்கோப்பை தொடருக்கான இந்திய அணியின் பிளேயிங் லெவன் எப்படி இருக்கும்?
நடைபெறவுள்ள ஐசிசி டி20 உலகக்கோப்பை கிரிக்கெட் தொடரில் பங்கேற்றுள்ள இந்திய அணியின் பிளேயிங் லெவன் எவ்வாறு அமையும் என்பது குறித்து இப்பதிவில் பார்க்கலாம்.
![Bharathi Kannan Bharathi Kannan](https://img.cricketnmore.com/uploads/2021/03/bk.jpg)
![Team India Strongest Playing 11 For T20 World Cup 2024! உலகக்கோப்பை தொடருக்கான இந்திய அணியின் பிளேயிங் லெவன் எப்படி இருக்கும்?](https://img.cricketnmore.com/uploads/2024/05/team-india-cwc1-lg.jpg)
ஐசிசி டி20 உலகக்கோப்பை தொடரின் மீதான எதிர்பார்ப்புகள் அதிகரித்து வருகின்றன. இதில் ரோஹித் சர்மா தலைமையில் களமிறங்கும் இந்திய அணியானது ஜூன் 1ஆம் தேதி வங்கதேச அணிக்கு எதிரான பயிற்சி போட்டியில் விளையாடுகிறது. அதனைத்தொடர்ந்து ஜூன் 05ஆம் தேதி நடைபெறும் தங்களது முதல் ஆட்டத்தில் அயர்லாந்து அணியை எதிர்த்து விளையாடவுள்ளது. அதன்படி இவ்விரு அணிகளுக்கு இடையேயான இப்போட்டியானது நியூயார்க்கில் உள்ள நசாவ் கிரிக்கெட் மைதானத்தில் நடைபெறுகிறது.
இந்நிலையில் இப்போட்டிக்காக தயாராகி வரும் இந்திய அணியின் பிளேயிங் லெவன் எவ்வாறு இருக்கும் என்ற கணிப்பை இப்பதிவில் பார்க்கலாம். அதன்படி இந்திய அணியின் தொடக்க வீரர்களாக கேப்டன் ரோஹித் சர்மாவுடன் யஷ்ஸ்வி ஜெய்ஸ்வால் களமிறங்குவார் என எதிர்பார்க்கப்படுகிறது. ஏனெனில் வலது - இடது காம்பினேஷன் மூலம் இந்திய அணிக்கு கூடுதல் சாதகம் கிடைக்கும். மேற்கொண்டு மூன்றாம் வரிசையில் விராட் கோலி களமிறக்கப்படுவார்.
Trending
அதனைத்தொடர்ந்து மிடில் ஆர்டரில் சூர்யகுமார் யாதவும், விக்கெட் கீப்பராக ரிஷப் பந்த் இருபதற்கு அதிகபடியான வாய்ப்புகள் உள்ளனர். மேற்கொண்டு ஆல் ரவுண்டர்களாக ஹர்திக் பாண்டியா, ரவீந்திர ஜடேஜா அல்லது அக்ஸர் படேல் ஆகியோர் தேர்வு செய்யபட அதிக வாய்ப்புகள் உள்ளன. இதில் கடந்த ஓராண்டுகளக ஜடேஜாவை விட அக்ஸர் படேல் அதிகளவிளான சர்வதேச போட்டிகளில் விளையாடியுள்ளதால் அவர் பிளேயிங் லெவனில் இடம்பிடிப்பதற்கு அதிக வாய்ப்புள்ளது.
இதனைத்தாண்டி பந்துவீச்சாளர்கள் வரிசையில் குல்தீப் யாதவ், ஜஸ்ப்ரித் பும்ரா, முகமது சிராஜ் மற்றும் அர்ஷ்தீப் சிங் ஆகியோர் இடம்பிடிப்பார்கள் என எதிர்பார்க்கப்படுகிறது. மேற்குறிப்பிட்டபடி இந்திய அணியின் பிளேயிங் லெவன் அமையும் பட்சத்தில் இந்திய அணிக்கு 7 பேட்டர்கள் மற்றும் 6 பந்துவீச்சாளர்களை பயன்படுத்தும் வாய்ப்பு கிடைக்கும் என்பதால், அது அணிக்கு தேவையான சமநிலையைக் கொடுக்கும் என எதிர்பார்க்கப்படுகிறது.
இந்திய அணியின் கணிக்கப்பட்ட பிளேயிங் லெவன்: ரோஹித் சர்மா (கேப்டன்), யஷஸ்வி ஜெய்ஸ்வால், விராட் கோலி, சூர்யகுமார் யாதவ், ரிஷப் பந்த் (விக்கெட் கீப்பர்), ஹர்திக் பாண்டியா, ரவீந்திர ஜடேஜா/அக்ஸர் படேல், குல்தீப் யாதவ், ஜஸ்பிரித் பும்ரா, முகமது சிராஜ், அர்ஷ்தீப் சிங்.
டி20 உலகக் கோப்பைக்கான இந்திய அணி: ரோஹித் சர்மா (கேப்டன்), யஷஸ்வி ஜெய்ஸ்வால், விராட் கோலி, சூர்யகுமார் யாதவ், ரிஷப் பந்த், சஞ்சு சாம்சன், ஷிவம் துபே, ஹர்திக் பாண்டியா, ரவீந்திர ஜடேஜா, அக்ஸர் படேல், குல்தீப் யாதவ், ஜஸ்பிரித் பும்ரா, அர்ஷ்தீப் சிங், யுஸ்வேந்திர சாஹல், முகமது சிராஜ்.
Win Big, Make Your Cricket Tales Now